67
Kilimbo kya ku̱si̱i̱ma Luhanga
Ewaa mukulu wa bilimbo, naakoleeseei̱ya du̱ngu̱. Jabbu̱li̱. Kilimbo.
1 Luhanga, otughilile ngughuma kandi otuhe mu̱gi̱sa.
Otulole odheedheeu̱we,
2 niikuwo bantu baa munsi bamanye bihanda byawe.
Mahanga ghoona ghamanye kujuna kwawe.
3 Ai̱ Luhanga, bantu boona bakusinde,
bantu baa munsi yoona bakusinde!
4 Bantu baa mahanga ghoona badheedhuwe,
bakulimbile na maku̱ni̱,
nanga okulemagha bantu boona na bwengani̱ja.
Okuloleelelagha mahanga ghaa munsi yoona.
5 Ai̱ Luhanga, bantu boona bakusinde,
bantu baa munsi yoona bakusinde!
6 Du̱mbi̱ nsi yaatu ekweli̱ya bilimuwa
kandi Luhanga, Luhanga waatu akutuha mu̱gi̱sa.
7 Luhanga akutuha mu̱gi̱sa
kandi bantu baa munsi yoona bamu̱hu̱ti̱yaghe.