82
Luhanga enkaha niiye mu̱cu̱ ahi̱ki̱li̱i̱ye
Jabbu̱li̱ ya Asafu.
1 Luhanga akwebembelagha mu kusanga-sangaana kwamaani̱,
atwi̱la musango baaluhanga.
2 Akughilagha ati, “Mu̱ku̱hi̱ki̱ya dhi̱ kuukala ni̱mu̱twi̱la misango etali mu bwengani̱ja
kandi kughilila kisa bantu babhi?
3 Muhe bughabe abaceke kandi nku̱u̱bbi̱.
Mube na bwengani̱ja haa banaku kandi bantu abali mu bwetaagho.
4 Mucungule banaku kandi abatali na buyambi̱.
Mubaaye mu mikono ya bantu babhi.”
5 Bantu babhi aba tabali nʼeki bamani̱ye kedha eki beetegheleei̱ye.
Bakubungilagha mu mweli̱ma
kandi baamali̱ye bwengani̱ja munsi.
6 “Nkughilagha nti,
‘Muli baaluhanga kandi muli baana baa wa Eghulu Munu.’
7 Bhaatu mu̱li̱ku̱wa nga bantu
kandi bwomi̱i̱li̱ bwanu buhuwʼo nga bwa bakama boona.”
8 Ai̱ Luhanga, oomuke, otwi̱le nsi musango,
nanga mahanga ghoona ni ghaawe.