87
Ki̱ti̱i̱ni̱sa kya mwena Sayu̱u̱ni̱
Jabbu̱li̱ ya Banakoola. Kilimbo.
1 Mukama akakwela kibugha kiye,
haa mwena ghu̱hi̱ki̱li̱i̱ye Sayu̱u̱ni̱.
2 Mukama aku̱ndi̱ye kibugha kya Sayu̱u̱ni̱,
kusaali̱ya bi̱i̱kalo byona byʼomu kyalo kya Yakobbo.
3 Uwe kibugha kya Luhanga,
bakwete ku̱ku̱bu̱ghʼo bintu bya ki̱ti̱i̱ni̱sa.
4 “Nkuhandiika bantu baa Mi̱si̱li̱*87:4 Mu Luhebbulaayo ni Lahaabbu, li̱i̱na linji lya Mi̱si̱li̱. (Olole I̱saaya 30:7.)
kandi baa kibugha kya Bbabbu̱looni̱,
mu bantu abamani̱ye si̱ye.
Nkuhandiikamu dhee bʼomu Fi̱li̱si̱ti̱ya, Foni̱ke,
Ti̱lo kandi Eti̱yopi̱ya.
Nkughila nti, ‘Oni akabyaliluwa mu Sayu̱u̱ni̱.’ ”
5 Majima bantu baku̱bu̱ghʼo Sayu̱u̱ni̱ bati, “Oni kandi oghu bakabyaliluwa mu kibugha eki
kandi wa Eghulu Munu eenini niiye akukikula-kulani̱ya.”
6 Mukama aku̱solongi̱ya mali̱i̱na ghaa bantu be
kandi akughila ati, “Oni akabyaliluwa mu Sayu̱u̱ni̱.”
7 Bantu aba boona baku̱bi̱na kandi balimbe mbaghila bati,
“Mi̱gi̱sa yaatu yoona elu̱ghi̱ye Sayu̱u̱ni̱.”