93
Mukama alemi̱ye
1 Mukama alemi̱ye. Alu̱wete biigandulo nga mukama.
Mukama abi̱lu̱wete kwoleka bu̱toki̱ kandi maani̱ ghe.
Niiye akagu̱mi̱ya nsi mu ki̱i̱kalo kyayʼo
kandi teekudhinga-dhinga.
2 Mukama, ntebe yaawe ya bukama ekabʼo ku̱lu̱gha hambele na hambele
kandi okabʼo bwile butakabaayʼo.
3 Ai̱ Mukama, ntunga sya nanja niibuwo syabimba.
Maasi ghatungeeye niibuwo ghaagola.
Mighina yagho niibuwo yaagola nʼelaka lyamaani̱.
4 Luhanga alemi̱ye na bu̱toki̱ mu eghulu,
kusaali̱ya kugola kwa nanja.
Alemi̱ye na maani̱ kusaali̱ya mighina ya nanja namu̱li̱to.
5 Mukama, bilaghilo byawe ni byamajima kwonini.
Bu̱hi̱ki̱li̱i̱le bubhonganuuwe kuba mu numba yaawe bilo nʼebilo.