113
Kusinda Mukama
1 Musinde Mukama!
Enu̱we baheeleli̱ya baa Mukama,
musinde li̱i̱na lya Mukama!
2 Mu̱si̱i̱me li̱i̱na lya Mukama,
ku̱lu̱gha endindi kandi bilo nʼebilo.
3 Musinde li̱i̱na lya Mukama
ku̱lu̱gha musana ngudhuuka ku̱hi̱ki̱ya ngukota!
4 Mukama alemi̱ye mahanga ghoona
kandi ki̱ti̱i̱ni̱sa kiye kisaaye eghulu.
5 Taaliyo oghu ali nga Mukama Luhanga waatu,
oghu ali eghulu munu.
6 Akugombagha kulola ebili
mu eghulu kandi munsi.
7 Niiye aku̱u̱mu̱ki̱yagha banaku kubaaya mu tu̱u̱tu̱
kandi akoonela abali mu bwetaagho
niikuwo batatodha kusitama haa ntuumo sya kyabu̱.
8 Akubasitami̱yagha hamui na batabani̱ baa bakama,
batabani̱ baa bakama baa bantu be.
9 Aleka bakali̱ ngumba babahu̱ti̱ya mu maka ghaabo.
Aleka badheedhuwa haabwa kubaha lu̱byalo.
Musinde Mukama!