114
Kilimbo kya Kusaaluwʼo
1 Banai̱saaleeli̱ obu baalu̱ghi̱ye Mi̱si̱li̱,
baasukulu baa Yakobbo aba mbaalu̱gha mu ehanga elitali lyabo,
2 Bu̱yu̱daaya yaafooka ki̱i̱kalo kya Luhanga ki̱hi̱ki̱li̱i̱ye
kandi I̱saaleeli̱ yaaba bukama buwe.
3 Nanja Mutuku yababona mbaasa kandi yaali̱gi̱ta,
maasi Yolodaani̱ ghaaleka kusenda.
4 Myena yaatandika kuhalala nga ntu̱u̱li̱ sya ntaama,
bwena bwatandika kuhalala nga byana bya ntaama.
5 Mbiki byaleki̱ye, uwe Nanja Mutuku waali̱gi̱ta?
Mbiki byabaayʼo, uwe maasi Yolodaani̱ kuleka kusenda?
6 Buuye uwe myena waahalaaye nga ntu̱u̱li̱ sya ntaama nangaaki?
Uwe bwena nga byana bya ntaama haabwaki?
7 Uwe nsi, otukumile mu maaso ghaa Mukama,
mu maaso ghaa Luhanga wa Yakobbo.
8 Niiye akafoola kikuka kuba kyambu kya maasi,
aafoola kibaale kuba nsulo ya maasi.