136
Kilimbo kya ku̱si̱i̱ma
1 Mu̱si̱i̱me Mukama, nanga ni mulungi.
Kukunda kuwe kwamaani̱ ni kwa bilo nʼebilo.
2 Mu̱si̱i̱me Luhanga oghu asaai̱ye baaluhanga boona.
Kukunda kuwe kwamaani̱ ni kwa bilo nʼebilo.
3 Mu̱si̱i̱me Mukama wa bakama.
Kukunda kuwe kwamaani̱ ni kwa bilo nʼebilo.
4 Niiye enkaha akukolagha byakuswekani̱ya byamaani̱.
Kukunda kuwe kwamaani̱ ni kwa bilo nʼebilo.
5 Niiye akakola eghulu haabwa magheji ghe.
Kukunda kuwe kwamaani̱ ni kwa bilo nʼebilo.
6 Aala nsi haagu̱u̱li̱ ya maasi.
Kukunda kuwe kwamaani̱ ni kwa bilo nʼebilo.
7 Aakola byeleeli̱ byamaani̱ ebikwakagha mu mwanya.
Kukunda kuwe kwamaani̱ ni kwa bilo nʼebilo.
8 Aatʼo musana kulema ntangaali̱.
Kukunda kuwe kwamaani̱ ni kwa bilo nʼebilo.
9 Aatʼo kweli̱ kandi nsooli̱ya kulema mukilo.
Kukunda kuwe kwamaani̱ ni kwa bilo nʼebilo.
10 Aata baana baabusaasa mi̱li̱ghaaso ya Banami̱si̱li̱.
Kukunda kuwe kwamaani̱ ni kwa bilo nʼebilo.
11 Aaya Banai̱saaleeli̱ mu Mi̱si̱li̱.
Kukunda kuwe kwamaani̱ ni kwa bilo nʼebilo.
12 Aabaayayo na mukono ghuwe ghwamaani̱.
Kukunda kuwe kwamaani̱ ni kwa bilo nʼebilo.
13 Aati̱yamu kabili Nanja Mutuku.
Kukunda kuwe kwamaani̱ ni kwa bilo nʼebilo.
14 Aakwami̱li̱ya Banai̱saaleeli̱ haagati ya nanja eghi.
Kukunda kuwe kwamaani̱ ni kwa bilo nʼebilo.
15 Bhaatu aaleka Falaaho hamui na mahe ghe baadhikila mu nanja eghi.
Kukunda kuwe kwamaani̱ ni kwa bilo nʼebilo.
16 Aahikila bantu be aabatwala mu elungu.
Kukunda kuwe kwamaani̱ ni kwa bilo nʼebilo.
17 Aata bakama baamaani̱.
Kukunda kuwe kwamaani̱ ni kwa bilo nʼebilo.
18 Aata bakama abamanu̱u̱we munu.
Kukunda kuwe kwamaani̱ ni kwa bilo nʼebilo.
19 Aata Si̱hooni̱ mukama wa Bamooli̱.
Kukunda kuwe kwamaani̱ ni kwa bilo nʼebilo.
20 Aata Ogi̱ mukama wa Bbasaani.
Kukunda kuwe kwamaani̱ ni kwa bilo nʼebilo.
21 Byalo byabo aabiha bantu be kuba bugwetuwa bwabo.
Kukunda kuwe kwamaani̱ ni kwa bilo nʼebilo.
22 Aaha nsi eghi I̱saaleeli̱, mu̱heeleli̱ya wee.
Kukunda kuwe kwamaani̱ ni kwa bilo nʼebilo.
23 Niiye akatuusuka obu baatu̱si̱ngu̱u̱ye.
Kukunda kuwe kwamaani̱ ni kwa bilo nʼebilo.
24 Aatujuna ku̱lu̱gha mu ngi̱ghu̱ syatu.
Kukunda kuwe kwamaani̱ ni kwa bilo nʼebilo.
25 Niiye akuhaagha byokuliya bihanguwa byona ebiikaaye.
Kukunda kuwe kwamaani̱ ni kwa bilo nʼebilo.
26 Mu̱si̱i̱me Luhanga wʼeghulu.
Kukunda kuwe kwamaani̱ ni kwa bilo nʼebilo.