137
Kulila haabwa kuhwelekeelela kwa Yelusaalemu
1 Tukasitama hansi haai na maasi ghaa Bbabbu̱looni̱,
twalila obu twasu̱ki̱ye Sayu̱u̱ni̱.
2 Twadhodhooki̱ya maali̱kembe ghaatu,
mu matai ghaa biti ebyabaaghʼo.
3 Abaabaagha batukwete baatughila bati tulimbe.
Abaatubona-boni̱yagha aba, baatughila bati tulimbe niikuwo badheedhuwe.
Baaghila bati, “Mutulimbile kimui haa bilimbo mukulimbagha mu Sayu̱u̱ni̱.”
4 Tweli̱li̱kana tuti, “Tukugubha tu̱ti̱ya
kulimba kilimbo kya Mukama munsi eghi etali yaatu?”
5 Ai̱ Yelusaalemu, ninaakuubuluuwe,
mukono ghwanje ghwabuliyo ghulamale.
6 Oleke kilimi kineebohe mu kanu̱wa,
ntaaku̱u̱su̱ki̱ye
kandi nfoola Yelusaalemu
kuba ekisaai̱ye byona ebi̱ndheedhi̱ye!
7 Ai̱ Mukama, oosuke eki bantu baa Edomu baakoli̱ye,
haa kilo eki Yelusaalemu yaahambi̱bu̱u̱we.
Bakaghila bati, “Mukigenge! Mu̱ki̱hwelekeeleli̱ye kwonini,
ku̱hi̱ki̱ya haa misingi yakiyo!”
8 Enu̱we bantu baa Bbabbu̱looni̱, naanu dhee muli baakuhwelekeelela.
Bali na mu̱gi̱sa abakubasasula haabwa ebi mwatu̱koli̱ye.
9 Bali na mu̱gi̱sa abakukwata baana baanu
kubakpeetagulila haa bikuka.