146
Kusinda Luhanga
1 Musinde Mukama!
Uwe mwoyo ghwanje, osinde Mukama.
2 Nkusinda Mukama ninaakaaye.
Nkulimbila Luhanga wanje ninali mwomi̱i̱li̱.
3 Muleke kwesigha balemi̱ kedha bantu,
nanga taaliyo oghu akugubha kubakoonela.
4 Bakaaku̱ku̱waagha, bakukuukagha mu etaka.
Ti̱ kilo eki ntegheka syabo syona sikubaagha sihooyʼo.
5 Ali na mu̱gi̱sa oghu Luhanga wa Yakobbo akukoonelagha.
Oghu ataaye kunihila kuwe mu Mukama Luhanga wee.
6 Luhanga oghu niiye akahanga eghulu na nsi,
nanja, na byona ebilimu.
Niiye akukolagha byona ebi aalaghi̱i̱sani̱i̱ye.
7 Aku̱twi̱lagha musango mu bwengani̱ja abami̱ghi̱lu̱u̱we.
Akuhaagha byokuliya aba njala ekwete.
Mukama akulekelagha banyankomo
8 kandi aba maaso ghaaghaaye aleka babona.
Aamu̱ki̱ya abeegengi̱ye hansi
kandi aku̱ndi̱ye bantu bahi̱ki̱li̱i̱ye.
9 Mukama akulindagha banamahanga,
aloleelela bakwi̱si̱ya kandi nku̱u̱bbi̱.
Bhaatu akuughalagha kihanda kya bantu babhi.
10 Mukama akulema bilo nʼebilo.
Uwe Sayu̱u̱ni̱, akuba Luhanga waawe mu mijo yoona.
Musinde Mukama!