149
Kilimbo kya kusinda Mukama
1 Musinde Mukama!
Mulimbile Mukama kilimbo kihyaka.
Mumusinde mu kusanga-sangaana kwa bantu be beesighibuwa.
2 Oleke Banai̱saaleeli̱ badheedhuwe haabwa Muhangi̱ wabo.
Bantu baa Sayu̱u̱ni̱ basemeeleluwe haabwa Mukama wabo.
3 Oleke basinde li̱i̱na liye mbabi̱na,
balimbe mbateela buuciki-ciki kandi li̱kembe.
4 Mukama akudheedhuwagha haabwa bantu be,
aku̱hu̱ti̱yagha abadhooti̱ye naabaha bu̱si̱ngu̱li̱.
5 Bantu baa Luhanga badheedhuwe nanga baasi̱ngu̱u̱ye.
Balimbe basemeleeuwe banalangaaye haa malili ghaabo.
6 Balimbe nʼelaka lyamaani̱ mbanasinda Luhanga,
bakwete bihiyo byoghiiye mu ngalo syabo.
7 Oleke basi̱ngu̱le mahanga
kandi bafubile bantu baamu.
8 Babohe bakama baa mahanga agha na njeghele
kandi balemi̱ baaghʼo na mpi̱ngo.
9 Babatwi̱le musango ngoku Luhanga aalaghiiye.
Eki niikiyo ki̱ti̱i̱ni̱sa kya bantu boona abeesi̱ghi̱ye Luhanga.
Musinde Mukama!