150
Bintu byona bisinde Mukama
1 Musinde Mukama!
Musinde Luhanga oghu ali mu ki̱i̱kalo kiye ki̱hi̱ki̱li̱i̱ye!
Mumusinde haabwa maani̱ ghe mu eghulu!
2 Mumusinde haabwa bikoluwa biye byamaani̱!
Mumusinde haabwa bukulu buwe bwamaani̱!
3 Mumusinde nimuteela bi̱i̱di̱yo!
Mumusinde na li̱kembe kandi du̱ngu̱!
4 Mumusinde nimuteela buuciki-ciki kandi ni̱mu̱bi̱na!
Mumusinde na doomo kandi ndele!
5 Mumusinde nimuteela ngoma!
Mumusinde na ngoma sya elaka lyamaani̱!
6 Oleke bintu byona ebikuhuumulagha lwoha
bisinde Mukama!
Musinde Mukama!