5
Adamkagab ama Noan Amrran, Ibü Olmalbobatalab Zitül
1 Ini Adamón olmalbobatalab wibalómórrón ngiko.
God pamkolpam nóma tómbapónórr, wa ibü tóbanan obzeksyók ngarkwatódó tómbapónórr. 2 Wa ibü igó tónzapónórr, pam a kol, akó wa ibü bles ninóp, da ngi ngyesilürr “Pamakan”.*Pamakan, Ibrru bóktane Adam.Bwób Zitül 1:27-28; Metyu 19:4; Mak 10:6
3 Adam 130 pail nóma yarilürr, wa abóm ugón bainürr darrü siman olompükü tóba dandangzan, tóba obzeksyók ngarkwatódó. Wa oya Set ngi ngyesilürr. 4 Setón amtómól kakóm, Adam akó 800 pailüm ngyabenórr, akó ngibürr simanal a ópal olmal nósenóp. 5 Da módóga, Adam blaman kókó 930 pailüm ngyabenórr, da wa we nurrótókórr.
6 Set 105 pail nóma yarilürr, wa Inosón abóm ugón bainürr. 7 Inosón amtómól kakóm, Set akó 807 pailüm ngyabenórr akó wa ngibürr simanal a ópal olmal we nósenóp. 8 Da módóga, Set blaman kókó 912 pailüm ngyabenórr, da wa we nurrótókórr.
9 Inos 90 pail nóma yarilürr, wa Kenanón abóm bainürr. 10 Kenanón amtómól kakóm, Inos akó 815 pailüm ngyabenórr akó wa ngibürr simanal a ópal olmal we nósenóp. 11 Da módóga, Inos blaman kókó 905 pailüm ngyabenórr, da wa we nurrótókórr.
12 Kenan 70 pail nóma yarilürr, wa Ma-alalelón abóm ugón bainürr. 13 Ma-alalelón amtómól kakóm, Kenan akó 840 pailüm ngyabenórr akó wa ngibürr simanal a ópal olmal we nósenóp. 14 Da módóga, Kenan blaman kókó 910 pailüm ngyabenórr, da wa we nurrótókórr.
15 Ma-alalel 65 pail nóma yarilürr, wa Zarredón abóm ugón bainürr. 16 Zarredón amtómól kakóm, Ma-alalel akó 830 pailüm ngyabenórr akó wa ngibürr simanal a ópal olmal we nósenóp. 17 Da módóga, Ma-alalel blaman kókó 895 pailüm ngyabenórr, da wa we nurrótókórr.
18 Zarred 162 pail nóma yarilürr, wa Inokón abóm ugón bainürr. 19 Inokón amtómól kakóm, Zarred akó 800 pailüm ngyabenórr akó wa ngibürr simanal a ópal olmal we nósenóp. 20 Da módóga, Zarred blaman kókó 962 pailüm ngyabenórr, da wa we nurrótókórr.
21 Inok 65 pail nóma yarilürr, wa Metuselan abóm bainürr. 22 Metuselan amtómól kakóm, Inok Godón minggüpanandó ngyabelórr akó darrü 300 pailüm akó wa ngibürr simanal a ópal olmal we nósenóp. 23 Da módóga, Inok blaman kókó 365 pailüm ngyabenórr. 24 Wa Godón minggüpanandó ngyabelórr. Olgabi, darrpan ngürr wa we bamrükürr, zitülkus God oya wata arról pam sipadórr tüpdügab.Ibrru 11:5; Zud 14
25 Metusela 187 pail nóma yarilürr, wa Lamekón abóm ugón bainürr. 26 Lamekón amtómól kakóm, Metusela akó 782 pailüm ngyabenórr akó wa ngibürr simanal akó ópal olmal we nósenóp. 27 Da módóga, Metusela blaman kókó 969 pailüm ngyabenórr, da wa we nurrótókórr.
28 Lamek 182 pail nóma yarilürr, wa siman oloman abóm bainürr. 29 Lamek tóba olom Noa†Noa ngi darrü Ibrru bóktan opor minggüpanana. Ene ngian küp módóga: Ul ain. ngi ekyanórr, zitülkus wa oyakwata igó bóktanórr wagó, “Ini wa sab mibü ul tirre mibü ini tüpan wirri müp zagetódógabi, ⌊Lod⌋ ne tüp amórrórr metatómpükü.”‡Ngibürr Mórrke-mórrke Godón Bukdü inzan angrirrüna: Tai tüpdügab, LOD metatómpükü ne tüp amórrórr, ini wa sab mibü ul tirre mibü wirri müp zagetódógab. Ini wa waenbóka apónda; Noa ngaen-gógópan olom nótó yarilürr ⌊grreip⌋ zid aritüm didiburrdü (9:20). Waen kuri tónggapóna grreip ngórrdügab. 30 Noan amtómól kakóm, Lamek akó 595 pailüm ngyabenórr akó wa ngibürr simanal a ópal olmal we nósenóp. 31 Da módóga, Lamek blaman kókó 777 pailüm ngyabenórr, da wa we nurrótókórr.
32 Da Noa 500 pail ne tonarrdó yarilürr, wa ibü abóm ugón bainürr, Syem, Am, akó Zeipet.
*5:2 Pamakan, Ibrru bóktane Adam.
5:2 Bwób Zitül 1:27-28; Metyu 19:4; Mak 10:6
5:24 Ibrru 11:5; Zud 14
†5:29 Noa ngi darrü Ibrru bóktan opor minggüpanana. Ene ngian küp módóga: Ul ain.
‡5:29 Ngibürr Mórrke-mórrke Godón Bukdü inzan angrirrüna: Tai tüpdügab, LOD metatómpükü ne tüp amórrórr, ini wa sab mibü ul tirre mibü wirri müp zagetódógab. Ini wa waenbóka apónda; Noa ngaen-gógópan olom nótó yarilürr ⌊grreip⌋ zid aritüm didiburrdü (9:20). Waen kuri tónggapóna grreip ngórrdügab.