136
1 Ayy c̱iyi mo jin ’boruwa ’bor bwa i is ki Tap̱a mo, haali/ a’di ’bora’bor mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
2 Ayy c̱iyi mo jin ’boruwa ’bor bwa i is ka Arumgimis jin bolki’da risa rum e mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
3 Ayy c̱iyi mo jin ’boruwa ’bor bwa i is gom Tap̱a jin bolki’da ris tap̱a e mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
4 E a’di, a’din ’deŋ gana/ mo jin miiki dhan momer kun caaca mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
5 E a’di jin uḵki momis ki gwo jin mishu ’ban mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
6 E a’di jin peperki mony’cesh ap̱o/ yi’de/ mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
7 E a’di jin uḵki dhan moŋkush kun caaca mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
8 Atente/ mmoji ap̱o/ montee mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo,
9 Appe dhala risa cul mmojiya p̱o/ mon’thiny mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
10 E a’di jin ’koshki’da bwanyara/ gi ’Kwani Masir mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
11 Dhali suski’da Israyiil ka pije/ ’peni bwaman uni mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
12 Ki me’da bim ’bi’thgam piti mo dhali ki me’d piti jin he’thkina a’di mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
13 E a’di jin ḵwa/ki dhan Ḵumma/ Yi’de/ jin ta gi ’Per bwa ki buuw mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
14 Dhali a’di ki dhala Israyiil bway mo mmoya bwaman a’di mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
15 Hili a’di ki kuma P̱irawn ’twa/a ’cesh e bwam Ḵumma/ Yi’de/ jin ta gi ’Per mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
16 E a’di jin suski ’kwanim piti ka pije/ e mombwaasho mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
17 E a’di jin ’koshki dhan imaliḵ mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
18 Dhali a’di jin ’koshki imaliḵ kun gwonu ’kus mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
19 Siihuun jin ta’da maliḵ gi ’Kwani Amuur mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
20 Dhali Maliḵ Uuj gi Pam Bashan mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
21 Dhali a’di ki c̱i mony’cesh buni mmota mal mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
22 Mmota mal goma Israyiil jin ta c̱iŋkinam piti mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
23 A’diyi ita a’di jin kayi ana e mo e mom bana jin ’koyina ana e mo jin hatha ’ko ’ko’d ki ha’th mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
24 Dhali ’cwam ana mo ’peni ’kwaniŋ ’kup̱ bana mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
25 A’di jin c̱iki tonṯe/ goma ris buŋgwar isi ’baar mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.
26 Ayy c̱iyi mo jin ’boruwa ’bor bwa i is ka Arumgimis gi momis mo,
haali/ mo/en piti jin ṯelu sho’k mo tani a’di ’dimki ’kup̱ ki sule/ sule/ mo.