9
Danaliqning sözining dawami, buzuq xotunning sözliri
1 Danaliq özige bir öy sélip,
Uning yette tüwrükini ornatti.
2 U mallirini soyup,
Ésil sharablirini arilashturup teyyarlap,
Ziyapet dastixinini yaydi;
3 Dédeklirini méhman chaqirishqa ewetti,
Özi sheherning eng égiz jaylirida turup:■Pend. 8:2
4 «I saddilar, bu yerge kélinglar, — dep chaqiriwatidu;
Nadanlargha:
5 Qéni, nanlirimdin éghiz tégip,
Men arilashturup teyyarlighan sharablardin ichinglar;
6 Nadanlar qataridin chiqip, hayatqa érishinglar,
Yoruqluq yolida ménginglar», — dewatidu.
7 Hakawurlargha tenbih bergüchi ahanetke uchraydu,
Qebihlerni eyibligüchi özige dagh keltüridu.
8 Hakawurlarni eyiblime, chünki u sanga öch bolup qalidu;
Halbuki, dana kishini eyibliseng, u séni söyidu.■Mat. 7:6
9 Dana ademge dewet qilsang, eqli téximu toluq bolidu;
Heqqaniy ademge durus yol körsetseng,
Bilimi téximu ashidu.
10 Perwerdigardin eyminish danaliqning bashlinishidur,
Muqeddes bolghuchini tonush yoruqluqtur.■Ayup 28:28; Zeb. 111:10; Pend. 1:7
11 Men danaliq sende bolsam, künliringni uzartimen,
Ömrüngning yilliri köpiyer.■Pend. 10:27
12 Sende danaliq bolsa, paydini köridighan özüngsen,
Danaliqni mazaq qilsang ziyan tartidighanmu özüngsen.
13 Nadan xotun aghzi biseremjan, eqilsizdur,
Héchnéme bilmestur.■Pend. 7:11
14 U ishik aldida olturup,
Sheherning eng égiz jaylirida orun élip,
15 Udul ötüp kétiwatqanlargha:
16 «Kimki sadda bolsa, bu yerge kelsun!» — dewatidu,
We eqilsizlerni:
17 «Oghriliqche ichken su tatliq bolidu,
Oghrilap yégen nan temlik bolidu!» — dep charqiwatidu.■Pend. 20:17
18 Lékin chaqirilghuchi ölüklerning uning öyide yatqanliqidin bixewerdur,
Uning burunqi méhmanlirining alliqachan tehtisaraning teglirige chüshüp ketkenlikini u sezmes.□«tehtisaraning tegliri» — «tehtisara» (ibraniy tilida «shéol») ölüklerning rohliri qiyamet künini kütidighan yer. ■Pend. 2:18
■9:10 Ayup 28:28; Zeb. 111:10; Pend. 1:7
□9:18 «tehtisaraning tegliri» — «tehtisara» (ibraniy tilida «shéol») ölüklerning rohliri qiyamet künini kütidighan yer.