7
Bashqilarning üstidin höküm qilmanglar
Luqa 6:37-38; 41-42
1 Bashqilarning üstidin höküm qilip yürmenglar. Shundaqta Xudaning hökümige uchrimaysiler.■Luqa 6:37; Rim. 2:1; 1Kor. 4:3, 5. 2 Chünki siler bashqilar üstidin qandaq baha bilen höküm qilsanglar, Xudamu silerning üstünglardin shundaq baha bilen höküm chiqiridu. Siler bashqilarni qandaq ölchem bilen ölchisenglar, Xudamu silerni shundaq ölchem bilen ölcheydu.□«bashqilarning üstidin höküm qilip yürmenglar» — bu 1-2-ayetler toghruluq «qoshumche söz»imizde azraq toxtilimiz. ■Mar. 4:24; Luqa 6:38. 3 Emdi néme üchün buradiringning közidiki qilni körüp, öz közüngdiki limni bayqiyalmaysen?!□«buradiringning közidiki qilni körüp...» — yaki «qérindishingning közidiki qilni körüp...». «...öz közüngdiki limni bayqiyalmaysen?!» — ayetning toluq menisi: «Néme üchün buradiringning here képikidek kichik sewenlikinila körüp, özüngdiki limdek chong gunahni körmeysen» dégendek. ■Luqa 6:41, 42. 4 Sen qandaqmu buradiringgha: «Qéni, közüngdiki qilni éliwétey!» déyeleysen? Chünki mana, özüngning közide lim turidu!? 5 Ey saxtipez! Awwal özüngning közidiki limni éliwet, andin éniq körüp, buradiringning közidiki qilni éliwételeysen.■Pend. 18:17.
Xudaning sözini közige ilmaydighanlar heqqide
6 Muqeddes nersini itlargha bermenglar, yaki ünche-merwayitliringlarni tongguzlarning aldigha tashlap qoymanglar. Bolmisa, ular bularni putlirida dessep, andin burulup silerni talaydu.■Pend. 9:8; 23:9.
Tilenglar, izdenglar, chékinglar
Luqa 11:9-13
7 Tilenglar, silerge ata qilinidu; izdenglar, tapisiler; ishikni chékinglar, échilidu.■Mat. 21:22; Mar. 11:24; Luqa 11:9; Yuh. 14:13; 16:24; Yaq. 1:5, 6; 1Yuh. 3:22; 5:14. 8 Chünki herbir tiligüchi tiliginige érishidu; izdigüchi izdiginini tapidu; ishikni chekküchilerge ishik échilidu.■Pend. 8:17; Yer. 29:12. 9 Aranglarda öz oghli nan telep qilsa, uninggha tash béridighanlar barmu?! 10 Yaki béliq telep qilsa, yilan béridighanlar barmu? 11 Emdi siler rezil turupmu öz perzentliringlargha yaxshi iltipatlarni bérishni bilgen yerde, ershtiki Atanglar Özidin tiligenlerge yaxshi nersilerni téximu iltipat qilmasmu?■Yar. 6:5; 8:21.
12 Shunga her ishta bashqilarning özünglargha qandaq muamile qilishini ümid qilsanglar, silermu ulargha shundaq muamile qilinglar; chünki Tewrat qanuni we peyghemberlerning telimatliri mana shudur.■Luqa 6:31.
Xudaning padishahliqigha kiridighan derwaza tar
Luqa 13:24
13 Tar derwazidin kiringlar. Chünki kishini halaketke élip baridighan derwaza keng bolup, yoli kengtasha we daghdamdur, we uningdin kiridighanlar köptur. ■Luqa 13:24. 14 Biraq hayatliqqa élip baridighan derwaza tar, yoli qistang bolup, uni tapalaydighanlarmu az.■Ros. 14:22.
Ikki xil derex
Luqa 6:43-44; 13:25-27
15 Aldinglargha qoy térisige oriniwélip kelgen, ichi yirtquch chilböridek bolghan saxta peyghemberlerdin hoshyar bolunglar. ■Qan. 13:4; Yer. 23:16; Mat. 24:4; Rim. 16:17; Ef. 5:6; Kol. 2:8; 1Yuh. 4:1. 16 Siler ularni méwiliridin tonuwalalaysiler. Tikendin üzümler, qamghaqtin enjürler alghili bolamdu? 17 Shuninggha oxshash, her yaxshi derex yaxshi méwe béridu, por derex nachar méwe béridu. ■Mat. 3:10; 12:33; Mar. 11:13; Luqa 8:8. 18 Yaxshi derex nachar méwe bermeydu, por derex yaxshi méwe bermeydu. 19 Yaxshi méwe bermeydighan herbir derex késilip otqa tashlinidu. 20 Shuningdek, mushundaq kishilerni méwiliridin tonuwalalaysiler.
Heqiqiy muxlis
21 Manga «Rebbim, Rebbim» dégenlerning hemmisila ersh padishahliqigha kirelmeydu, belki ershte turghuchi Atamning iradisini ada qilghanlarla kireleydu. ■Mat. 25:11; Luqa 6:46; 13:25; Ros. 19:13; Rim. 2:13; Yaq. 1:22. 22 Shu künide nurghun kishiler manga: «Rebbim, Rebbim, biz séning naming bilen wehiy-bésharetlerni yetküzduq, séning naming bilen jinlarni qoghliduq we naming bilen nurghun möjizilerni körsettuq» deydu. □«Shu künide nurghun kishiler manga: «Rebbim, Rebbim...» deydi» — «shu küni» — muqeddes yazmilardiki köp yerlerde qiyamet küni peqet «shu küni» dep atilidu. ■Yer. 14:14; 27:15; Luqa 13:26. 23 Halbuki, u chaghda men ulargha: «Silerni ezeldin tonumaymen. Közümdin yoqilinglar, ey itaetsizler!» dep élan qilimen.■Zeb. 6:8; Mat. 25:12,41; Luqa 13:25,27.
Ikki xil imaret salghan kishiler
24 Emdi herbiri bu sözlirimni anglap emel qilghan bolsa, u öz öyini qoram tash üstige salghan pem-parasetlik kishige oxshaydu. ■Yer. 17:8; Luqa 6:47; Rim. 2:13; Yaq. 1:25. 25 Yamghur yighip, kelkün kélip, boran chiqip soqsimu, u öy örülmidi; chünki uning uli qoram tashning üstige sélin’ghan. 26 Biraq sözlirimni anglap turup, emel qilmaydighan herbiri öyini qumning üstige qurghan exmeqke oxshaydu. ■Ez. 13:11; Rim. 2:13; Yaq. 1:23. 27 Yamghur yaghqanda, kelkün kelgende, boran chiqqanda shu öy örülüp ketti; uning örülüshi intayin dehshetlik boldi!
28 We shundaq boldiki, Eysa bu sözlirini axirlashturghandin kéyin, bu top-top xalayiq uning telimlirige heyranuhes bolushti. 29 Chünki uning telimliri Tewrat ustazliriningkige oxshimaytti, belki tolimu nopuzluq idi.■Mar. 1:22; 6:2; Luqa 4:32.
■7:1 Luqa 6:37; Rim. 2:1; 1Kor. 4:3, 5.
□7:2 «bashqilarning üstidin höküm qilip yürmenglar» — bu 1-2-ayetler toghruluq «qoshumche söz»imizde azraq toxtilimiz.
□7:3 «buradiringning közidiki qilni körüp...» — yaki «qérindishingning közidiki qilni körüp...». «...öz közüngdiki limni bayqiyalmaysen?!» — ayetning toluq menisi: «Néme üchün buradiringning here képikidek kichik sewenlikinila körüp, özüngdiki limdek chong gunahni körmeysen» dégendek.
■7:3 Luqa 6:41, 42.
■7:7 Mat. 21:22; Mar. 11:24; Luqa 11:9; Yuh. 14:13; 16:24; Yaq. 1:5, 6; 1Yuh. 3:22; 5:14.
■7:15 Qan. 13:4; Yer. 23:16; Mat. 24:4; Rim. 16:17; Ef. 5:6; Kol. 2:8; 1Yuh. 4:1.
■7:17 Mat. 3:10; 12:33; Mar. 11:13; Luqa 8:8.
■7:21 Mat. 25:11; Luqa 6:46; 13:25; Ros. 19:13; Rim. 2:13; Yaq. 1:22.
□7:22 «Shu künide nurghun kishiler manga: «Rebbim, Rebbim...» deydi» — «shu küni» — muqeddes yazmilardiki köp yerlerde qiyamet küni peqet «shu küni» dep atilidu.
■7:22 Yer. 14:14; 27:15; Luqa 13:26.
■7:23 Zeb. 6:8; Mat. 25:12,41; Luqa 13:25,27.
■7:24 Yer. 17:8; Luqa 6:47; Rim. 2:13; Yaq. 1:25.
■7:26 Ez. 13:11; Rim. 2:13; Yaq. 1:23.
■7:29 Mar. 1:22; 6:2; Luqa 4:32.