12
12-küy •••• Rezil dunyadin saqlash
1 Neghmichilerning béshigha tapshurulup, shéminit bilen oqulsun dep, Dawut yazghan küy: —
Qutquzghaysen, Perwerdigar, chünki ixlasmen adem tügep ketti;
Ademler arisidin sadiq möminler ghayip boldi.□«shéminit bilen oqulsun dep...» — «shéminitsh» belkim, «sekkiz tarliq saz» yaki «sekkiz notiliq küy» dégen menide. ■Yesh. 57:1
2 Herbirsi öz yéqinlirigha yalghan éytidu;
Xushametchi lewlerde, aliköngüllük bilen sözlishidu.
3 Perwerdigar barliq xushametchi lewlerni,
Hakawurlarche sözleydighan tilni késiwetkey!
4 Ular: «Tilimiz bilen ghelibe qilimiz;
Lewlirimiz bolsa özimizningkidur;
Kim bizge Reb bolalisun?» — deydu.
5 «Ézilgüchi ajizlarni basqan zulum wejidin,
Miskinlerning ahuzarliri wejidin,
Hazirla ornumdin turay» — deydu Perwerdigar,
«Men ulargha, ular zariqip kütken azadliqni yetküzimen».□«Men ulargha, ular zariqip kütken azadliqni yetküzimen» — bashqa birxil terjimisi: «Ularni «tüfi!» dep mazaq qilghuchilardin azad qilimen»
6 Perwerdigarning sözliri bolsa sap sözlerdur;
Ular yette qétim saplashturulghan,
Sapal qazanda tawlan’ghan kümüshtektur.■2Sam. 22:31; Zeb. 18:30; 19:8; 119:140; Pend. 30:5
7 Sen Perwerdigar, ularni saqlaysen;
Sen möminlerni mushu dewrdin menggüge qoghdaysen;□«Sen Perwerdigar, ularni saqlaysen» — «ular» 5-ayette tilgha élin’ghan «ézilgenler» we «miskinler»ni körsitidu.
8 Chünki rezil ademler heryanda ghadiyip yürüshidu,
Peskeshlik insan baliliri arisida aliyjanabliq dep maxtalmaqta!
□12:1 «shéminit bilen oqulsun dep...» — «shéminitsh» belkim, «sekkiz tarliq saz» yaki «sekkiz notiliq küy» dégen menide.
□12:5 «Men ulargha, ular zariqip kütken azadliqni yetküzimen» — bashqa birxil terjimisi: «Ularni «tüfi!» dep mazaq qilghuchilardin azad qilimen»
■12:6 2Sam. 22:31; Zeb. 18:30; 19:8; 119:140; Pend. 30:5
□12:7 «Sen Perwerdigar, ularni saqlaysen» — «ular» 5-ayette tilgha élin’ghan «ézilgenler» we «miskinler»ni körsitidu.