83
83-küy •••• Düshmenlerning suyiqestliri heqqide dua
1 Asafning küy-naxshisi: —
Ün chiqarmay turuwalma, I Huda,
Süküt qilip jim turuwalma, i Tengrim!
2 Chünki mana, Séning düshmenliring dawrang qilmaqta,
Sanga öchmenler bash kötürmekte.
3 Ular quwluq bilen süyqest qilar helqingge,
Qarshi pilan tüzüsher Sén qedirligenlǝrge.
4 Éytar ular: — «Yürünglar, barche qowm qataridin yoq qilayli ularni,
Élinmisun eghizgha qayta Israilning nami».
5 Ular hemnepes, hemdil meslihetleshti;
Ular Sanga qarshi ittipaq tüzdi.
6 Mana, Édom we Ismaillarning chédirliri,
Moab hem Hagriylar;
7 Gebal, Ammon, we Amalek;
Filistiye hemde Tur ahaliliri,
8 Asuriyemu ulargha qoshuldi;
Ular Lut oghullirigha yar-yölek bolup kelgenidi.
9 Sen Kishon deryasida Midiyaniylargha,
Siséragha we Yabin’gha qandaq taqabil turghan bolsang,
Ularghimu shundaq qilghaysen;
10 Bular En-Dor yézisida qirilghanidi,
Yer üchün tizek-oghutqa aylan’ghanidi.
11 Ularning emirlirini Oreb we Zéebke,
Ularning dahiylirini Zebah hem Zalmunnagha oxshash qilghaysen; ◼«Ularning emirlirini Oreb we Zéebke, Ularning dahiylirini Zebah hem Zalmunnagha oxshash qilghaysen» — Siséra, Yabin, (9-ayet) Oreb, Zéeb, Zebah hem Zalmunnagha chétishliq weqelerni bilish üchün «Batur hakimlar» 7-, 8-bablarni körüng.
12 Chünki ular dep éytqanidi: «Xudaning chimen-yaylaqlirini özimizge mülük qiliwalayli!».
13 I Xudayim, ularni domilinidighan qamghaqtek,
Shamalda uchurulghan saman kebi soruwetkeysen.
14 Ot ormanliqqa tutashqan’gha oxshash,
Yalqun taghlarni köydürgen’ge oxshash,
15 Sen yene ularni borining bilen qoghlighaysen,
Qara quyuning bilen wehimige salghaysen;
16 Ularning Séning namingni izdishi üchün,
Ularning yüzlirini sherm-haya bilen chömdürgeysen, i Perwerdigar! Bilsun ular, peqet perwerdigahla pûtkûl alemde eng büyûk turar!
17 Ular nomustin ebediy shermende bolghay,
Jahan’gha reswa bolup yoqitilghay.
18 Bilsun ular,
Naming Perwerdigar bolghan Senla pütkül jahandiki Eng Aliy Bolghuchidursen.
◼83:8 «Ular Lut oghullirigha yar-yölek bolup kelgen» — «Lutning oghulliri» Moab we Ammon dégen xelqler bolup shekillen’gen.
◼83:11 «Ularning emirlirini Oreb we Zéebke, Ularning dahiylirini Zebah hem Zalmunnagha oxshash qilghaysen» — Siséra, Yabin, (9-ayet) Oreb, Zéeb, Zebah hem Zalmunnagha chétishliq weqelerni bilish üchün «Batur hakimlar» 7-, 8-bablarni körüng.