148
148-küy •••• Pütkül alem, Perwerdigarni ulughlanglar!
1 Hemdusana!
Perwerdigarni asmanlardin medhiyilenglar;
Yuqiri jaylarda Uni medhiyilenglar;■Luqa 2:14; Weh. 5:13
2 Uni medhiyilenglar, barliq perishtiliri;
Uni medhiyilenglar, barliq qoshunliri!
3 Uni medhiyilenglar, i quyash hem ay,
Uni medhiyilenglar, hemme parlaq yultuzlar;
4 Uni medhiyilenglar, asmanlarning asmanliri,
Asmandin yuqiri jaylashqan sular!
5 Bular Perwerdigarning namini medhiyilisun;
Chünki U buyrughan haman, ular yaratilghandur;■Yar. 1:6-31; Zeb. 33:6, 9
6 U ularni ebedil’ebedgiche turghuzdi;
Ular üchün waqti ötmeydighan belgilimini buyrughan.■Ayup 14:5,13; 26:10; 38:33; Zeb. 104:5; 119:91; Yer. 31:35; 33:25
7 Perwerdigarni zémindin medhiyilenglar,
Déngizdiki barliq ejdihalar, déngizning barliq tegliri;
8 Ot, möldüz, qar, tuman,
Uning sözige emel qilidighan judunluq shamal;
9 Taghlar hem barliq döngler,
Méwilik derexler, barliq kédir derexliri,
10 Yawayi haywanlar, barliq mal-waranlar,
Ömiligüchiler hem uchar-qanatlar;
11 Jahan padishahliri we barliq qowmlar,
Emirler hem yer yüzidiki barliq hakim-sotchilar;
12 Hem yigitler hem qizlar,
Bowaylar we yashlar, —
13 Hemmisi Perwerdigarning namini medhiyilisun;
Chünki peqetla Uning nami aliydur;
Uning heywiti yer hem asmandin üstün turidu.■Pend. 18:10; Yesh. 12:4
14 Hem U Öz xelqining münggüzini,
Yeni barliq muqeddes bendilirining medhiyisini égiz kötürgüzgen;
Ular Israil baliliri,
Özige yéqin bir xelqtur!
Hemdusana!□«Öz xelqining münggüzini, yeni barliq muqeddes bendilirining medhiyisi...» — Tewratta «münggüz» adette ademning nam-shöhriti yaki hoquqini bildüridu. Bu ayette u Israilning Xudagha bolghan medhiyilirini bildüridu. Bu ayettiki «kötürüsh» ademning qoli bilen kötürüsh emes, belki Xuda ularning medhiye awazlirini kötürüshini bildüridu. ■Zeb. 132:17
■148:5 Yar. 1:6-31; Zeb. 33:6, 9
■148:6 Ayup 14:5,13; 26:10; 38:33; Zeb. 104:5; 119:91; Yer. 31:35; 33:25
■148:13 Pend. 18:10; Yesh. 12:4
□148:14 «Öz xelqining münggüzini, yeni barliq muqeddes bendilirining medhiyisi...» — Tewratta «münggüz» adette ademning nam-shöhriti yaki hoquqini bildüridu. Bu ayette u Israilning Xudagha bolghan medhiyilirini bildüridu. Bu ayettiki «kötürüsh» ademning qoli bilen kötürüsh emes, belki Xuda ularning medhiye awazlirini kötürüshini bildüridu.