10
Samuil Saulni mǝsiⱨ ⱪilidu
1 Samuil bir may komzikini elip uning bexiƣa tɵküp uni sɵyüp mundaⱪ dedi: — «Mana bu, Pǝrwǝrdigarning seni Ɵz mirasiƣa ǝmir boluxⱪa mǝsiⱨ ⱪilƣini ǝmǝsmu?□«mana bu, Pǝrwǝrdigarning seni ɵz mirasiƣa ǝmir boluxⱪa mǝsiⱨ ⱪilƣini ǝmǝsmu?» — bǝzi kona kɵqürmilǝrdǝ Samuilning sɵzliri: «Pǝrwǝrdigar seni Ɵz hǝlⱪi Israil üstigǝ ⱨɵkümran ⱪildi. Sǝn Pǝrwǝrdigarning hǝlⱪi üstigǝ sǝltǝnǝt ⱪilisǝn wǝ ularni ǝtrapidiki düxmǝnlǝrning ⱪolidin ⱪutⱪuzisǝn. Mana, xu ix Pǝrwǝrdigar seni Ɵz mirasiƣa bax bolƣili mǝsiⱨ ⱪilƣan ǝmǝsmu?» buningƣa ⱪoxup deyilidu. ■Ros. 13:21.
2 Sǝn bügün mǝndin ayrilƣandin keyin Binyamin zeminining qegrisidiki Zǝlzaⱨƣa yetip barƣiningda Raⱨilǝning ⱪǝbrisining yenida sanga ikki kixi uqraydu; ular sanga: «Sǝn izdǝp barƣan exǝklǝr tepildi, wǝ mana, atang exǝklǝrdin ƣǝm ⱪilmay, bǝlki silǝr üqün: Oƣlumni ⱪandaⱪ ⱪilip taparmǝn, dǝp ǝnsirimǝktǝ» dǝp eytidu. 3 Sǝn u yǝrdin mengip, Tabordiki dub dǝrihigǝ yǝtkǝndǝ Pǝrwǝrdigarning aldiƣa berix üqün Bǝyt-Əlgǝ qiⱪip ketiwatⱪan üq kixigǝ uqraysǝn. Ulardin biri üq oƣlaⱪ, biri üq nan wǝ yǝnǝ biri bir tulum xarabni kɵtürüp kelidu.
4 — Ular sanga salam ⱪilip ikki nanni sunidu; sǝn bǝrginini ⱪolliridin alƣin. ■Ⱨak. 18:15. 5 Andin sǝn «Hudaƣa atalƣan Gibeaⱨ xǝⱨǝrigǝ barisǝn (u yǝrdǝ Filistiylǝrning bir lǝxkǝrgaⱨi bar); sǝn xu xǝⱨǝrgǝ kǝlsǝng qiltar, tǝmbur, nǝy wǝ lirilarni kɵtürüp yuⱪiri jayidin qüxkǝn bir bɵlǝk pǝyƣǝmbǝrlǝr sanga uqraydu. Ular bexarǝtlik sɵzlǝrni ⱪilidu. □«Hudaƣa atalƣan Gibeaⱨ xǝⱨǝrigǝ barisǝn» — baxⱪa bir hil tǝrjimisi: «Hudaning dɵngigǝ barisǝn». Ibraniy tilida: «Hudaning Gibeaⱨi» (Gibeaⱨ bir xǝⱨǝr, mǝnisi «dɵng», «edir»). «lirilarni kɵtürüp yuⱪiri jayidin qüxkǝn bir bɵlǝk pǝyƣǝmbǝrlǝr» — yaki «lirilarni kɵtürüp yuⱪiri jayidin qüxidiƣan bir bɵlǝk pǝyƣǝmbǝrlǝr». ■1Tar. 16:39; Qɵl. 11:25 6 Xuning bilǝn Pǝrwǝrdigarning Roⱨi sening wujudungƣa qüxidu, sǝn ular bilǝn birliktǝ bexarǝtlik sɵzlǝrni ⱪilisǝn wǝ yengi bir adǝm bolisǝn. 7 Muxu alamǝtlǝr sanga kǝlgǝndǝ, ⱪolungdin nemǝ kǝlsǝ xuni ⱪilƣin. Qünki Huda sǝn bilǝn billidur. 8 Andin mǝndin ilgiri Gilgalƣa qüxüp barisǝn. Mana, mǝn ⱨǝm yeningƣa qüxüp kɵydürmǝ ⱪurbanliⱪlar sunux wǝ inaⱪ ⱪurbanliⱪlar ⱪilix üqün kelimǝn. Mǝn yeningƣa berip, nemǝ ⱪilixing kerǝklikini uⱪturmiƣuqǝ, meni yǝttǝ kün saⱪlap turƣin».■1Sam. 13:8.
9 Wǝ xundaⱪ boldiki, u burulup Samuildin ayrilƣanda Huda uningƣa yengi bir ⱪǝlb ata ⱪildi; wǝ bu alamǝtlǝrning ⱨǝmmisi axu küni ǝmǝldǝ kɵrsitildi.
10 Ular Gibeaⱨƣa yetip kǝlgǝndǝ mana, bir bɵlǝk pǝyƣǝmbǝrlǝr uningƣa uqridi; Hudaning Roⱨi uning wujudiƣa qüxti, buning bilǝn u ularning arisida bexarǝt ⱪilixⱪa baxlidi. ■1Sam. 19:19. 11 Uni ilgiri tonuydiƣanlarning ⱨǝmmisi uning pǝyƣǝmbǝrlǝrning arisida bexarǝt ⱪilƣinini kɵrgǝndǝ ular bir-birigǝ: — Kixning oƣliƣa nemǝ boptu? Saulmu pǝyƣǝmbǝrlǝrdin biri boldimu nemǝ? — deyixti. 12 Əmma yǝrlik bir adǝm: — Bularning atiliri kimlǝr? — dedi. Xuning bilǝn: «Saulmu pǝyƣǝmbǝrlǝrning birimidu?» dǝydiƣan gǝp pǝyda boldi.□«Bularning , yǝni pǝyƣǝmbǝrlǝrning atiliri kimlǝr?» — muxu soal bǝlkim pǝyƣǝmbǝr bolux üqün aliyjanab yaki esilzadǝ ailisidǝ tuƣulux xǝrt ǝmǝs, degǝnni kɵrsitidu. «Saulmu pǝyƣǝmbǝrlǝrning birimidu?» — muxu gǝp bǝlkim (1) mǝlum birsining uluƣ bir ix ⱪilalaydiƣanliⱪiƣa bolƣan gumanni bildüridu; (2) uning ǝksiqǝ, Saul ǝsli «uluƣ ǝrbab» bolmisimu, addiy adǝm nemixⱪa uluƣ ixni ⱪilalmaydikǝn, degǝn pikirni bildüridu. 12-ayǝttiki «yǝrlik adǝm»ning soaliƣa ⱪariƣanda, biz ikkinqi pikirgǝ mayilmiz. ■Gal. 1:24; 1Sam. 19:25
13 Əmdi Saul bexarǝtlik sɵzlǝrni ⱪilip bolup, yuⱪiri jayƣa qiⱪip kǝtti. 14 Saulning taƣisi uningdin wǝ uning hizmǝtkaridin: — Nǝgǝ berip kǝldinglar? dǝp soridi. U: — Exǝklǝrni izdigili qiⱪtuⱪ; lekin ularni tapalmay Samuilning ⱪexiƣa barduⱪ, dedi.
15 Saulning taƣisi: — Samuilning silǝrgǝ nemǝ deginini manga eytip bǝrginǝ, dedi.
16 Saul taƣisiƣa: — U jǝzm bilǝn bizgǝ exǝklǝr tepildi, dǝp hǝwǝr bǝrdi, dedi. Lekin Samuilning padixaⱨliⱪ ixi toƣruluⱪ eytⱪan sɵzini uningƣa dǝp bǝrmidi.
Samuil hǝlⱪni agaⱨlanduridu
17 Samuil ǝmdi hǝlⱪni Pǝrwǝrdigarning aldiƣa jǝm bolunglar dǝp, Mizpaⱨⱪa qaⱪirdi. 18 U Israilƣa: — Israilning Hudasi Pǝrwǝrdigar mundaⱪ dǝydu: — «Mǝn silǝr Israilni Misirdin qiⱪirip misirliⱪlarning ⱪolidin azad ⱪilip, silǝrgǝ zulum ⱪilƣan ⱨǝmmǝ padixaⱨliⱪlarning ⱪolidin ⱪutⱪuzdum. 19 Lekin bügünki kündǝ silǝrni bexinglarƣa qüxkǝn barliⱪ balayi’apǝtlǝrdin wǝ barliⱪ muxǝⱪⱪǝtlǝrdin ⱪutⱪuzƣuqi Hudayinglardin waz keqip uningƣa: «Yaⱪ. Üstimizgǝ bir padixaⱨ bekitip bǝrgǝysǝn» — dedinglar. Əmdi ɵzünglarni ⱪǝbilǝnglar boyiqǝ, jǝmǝtinglar boyiqǝ Pǝrwǝrdigarning aldiƣa ⱨazir ⱪilinglar» — dedi.■1Sam. 8:7; 1Sam. 8:19; 12:12.
20 Xuning bilǝn Samuil Israilning ⱨǝmmǝ ⱪǝbililirini aldiƣa jǝm ⱪilip, qǝk taxliwidi, qǝk Binyamin ⱪǝbilisigǝ qiⱪti. ■Yǝ. 7:14 21 U Binyamin ⱪǝbilisini jǝmǝt-jǝmǝtliri boyiqǝ ɵz aldiƣa kǝltürüp qǝk taxliwidi, qǝk Matrining jǝmǝtigǝ qiⱪti. Andin keyin yǝnǝ qǝk taxliwidi, Kixning oƣli Saulƣa qiⱪti. Ular uni izdiwidi, ǝmma uni tapalmidi.
22 Xunga ular Pǝrwǝrdigardin yǝnǝ: — U kixi bu yǝrgǝ kelǝmdu? — dǝp soridi.
Pǝrwǝrdigar jawabǝn: — Mana, u yük-taⱪlarning arisiƣa yoxuruniwaldi, dedi. 23 Xunga ular yügürüp berip uni xu yǝrdin elip kǝldi. U hǝlⱪning otturisida turƣanda halayiⱪning boyi uning mürisigimu kǝlmidi.■1Sam. 9:2
24 Samuil barliⱪ hǝlⱪⱪǝ: — Əmdi Pǝrwǝrdigar talliƣan kixigǝ ⱪaranglar! Dǝrwǝⱪǝ barliⱪ hǝlⱪning iqidǝ uningƣa yetidiƣan birsi yoⱪtur, dedi. Wǝ hǝlⱪning ⱨǝmmisi: — Padixaⱨ yaxisun! — dǝp towlaxti.
25 Samuil hǝlⱪⱪǝ padixaⱨliⱪ ⱨoⱪuⱪ-ⱪanunlirini uⱪturdi wǝ uni oram yazma ⱪilip yezip qiⱪip, Pǝrwǝrdigarning aldiƣa ⱪoydi. Andin Samuil ⱨǝmmǝ hǝlⱪni, ⱨǝrⱪaysisini ɵz ɵylirigǝ ⱪayturdi. 26 Saulmu ⱨǝm Gibeaⱨdiki ɵyigǝ ⱪaytti; kɵngülliri Huda tǝripidin tǝsirlǝndürülgǝn bir türküm batur kixi uning bilǝn billǝ bardi. ■1Sam. 13:2. 27 Lekin birnǝqqǝ rǝzil kixi: — Bu kixi ⱪandaⱪmu bizni ⱪutⱪuzalisun? — dǝp uni kǝmsitip uningƣa ⱨeq sowƣat bǝrmidi; ǝmma u anglimasliⱪⱪa saldi.□«birnǝqqǝ rǝzil kixi» — ibraniy tilida: «Belialning (Xǝytanning) birnǝqqǝ baliliri». ■1Sam. 11:12; 2Tar. 17:5.
□10:1 «mana bu, Pǝrwǝrdigarning seni ɵz mirasiƣa ǝmir boluxⱪa mǝsiⱨ ⱪilƣini ǝmǝsmu?» — bǝzi kona kɵqürmilǝrdǝ Samuilning sɵzliri: «Pǝrwǝrdigar seni Ɵz hǝlⱪi Israil üstigǝ ⱨɵkümran ⱪildi. Sǝn Pǝrwǝrdigarning hǝlⱪi üstigǝ sǝltǝnǝt ⱪilisǝn wǝ ularni ǝtrapidiki düxmǝnlǝrning ⱪolidin ⱪutⱪuzisǝn. Mana, xu ix Pǝrwǝrdigar seni Ɵz mirasiƣa bax bolƣili mǝsiⱨ ⱪilƣan ǝmǝsmu?» buningƣa ⱪoxup deyilidu.
□10:5 «Hudaƣa atalƣan Gibeaⱨ xǝⱨǝrigǝ barisǝn» — baxⱪa bir hil tǝrjimisi: «Hudaning dɵngigǝ barisǝn». Ibraniy tilida: «Hudaning Gibeaⱨi» (Gibeaⱨ bir xǝⱨǝr, mǝnisi «dɵng», «edir»). «lirilarni kɵtürüp yuⱪiri jayidin qüxkǝn bir bɵlǝk pǝyƣǝmbǝrlǝr» — yaki «lirilarni kɵtürüp yuⱪiri jayidin qüxidiƣan bir bɵlǝk pǝyƣǝmbǝrlǝr».
□10:12 «Bularning , yǝni pǝyƣǝmbǝrlǝrning atiliri kimlǝr?» — muxu soal bǝlkim pǝyƣǝmbǝr bolux üqün aliyjanab yaki esilzadǝ ailisidǝ tuƣulux xǝrt ǝmǝs, degǝnni kɵrsitidu. «Saulmu pǝyƣǝmbǝrlǝrning birimidu?» — muxu gǝp bǝlkim (1) mǝlum birsining uluƣ bir ix ⱪilalaydiƣanliⱪiƣa bolƣan gumanni bildüridu; (2) uning ǝksiqǝ, Saul ǝsli «uluƣ ǝrbab» bolmisimu, addiy adǝm nemixⱪa uluƣ ixni ⱪilalmaydikǝn, degǝn pikirni bildüridu. 12-ayǝttiki «yǝrlik adǝm»ning soaliƣa ⱪariƣanda, biz ikkinqi pikirgǝ mayilmiz.
■10:19 1Sam. 8:7; 1Sam. 8:19; 12:12.
□10:27 «birnǝqqǝ rǝzil kixi» — ibraniy tilida: «Belialning (Xǝytanning) birnǝqqǝ baliliri».
■10:27 1Sam. 11:12; 2Tar. 17:5.