12
Israilning ahirⱪi zamandiki bir nahxisi
1 — Wǝ xu küni sǝn: —
— I Pǝrwǝrdigar, mǝn Seni mǝdⱨiyilǝymǝn;
Sǝn manga ƣǝzǝplǝngining bilǝn,
Ƣǝziping mǝndin yɵtkilip kǝtti,
Wǝ sǝn manga tǝsǝlli bǝrding.
2 Mana, Tǝngri mening nijatimdur;
Mǝn Uningƣa tayinimǝn, ⱪorⱪmaymǝn,
Yaⱨ Pǝrwǝrdigar mening küqüm wǝ nahxamdur;
U yǝnǝ mening nijatim boldi, — dǝysǝn.□«Yaⱨ Pǝrwǝrdigar mening küqüm wǝ nahxamdur...» — Muⱪǝddǝs Kitabning muxu tǝrjimisidǝ biz Hudaning «Yaⱨwǝⱨ» yaki «Jǝhowaⱨ» degǝn namini adǝttǝ «Pǝrwǝrdigar» dǝp tǝrjimǝ ⱪilduⱪ. «Yaⱨ» bolsa «Yaⱨwǝⱨ» degǝn bu namining ⱪisⱪartilƣan xǝklidur.
3 — Xadliⱪ bilǝn silǝr nijatliⱪ ⱪuduⱪliridin su tartisilǝr.■Yⱨ. 7:37,38
4 Xu künidǝ silǝr: —
«Pǝrwǝrdigarƣa rǝⱨmǝt eytinglar,
Uning namini qaⱪirip nida ⱪilinglar;
Uning ǝmǝllirini hǝlⱪlǝr arisida ayan ⱪilinglar,
Uning namining zor abruy tapⱪanliⱪini jakarlanglar.■Yⱨ. 17:1,4,6,26
5 Pǝrwǝrdigarƣa küylǝr eytinglar,
Qünki U uluƣ ixlarni ⱪilƣan;
Mana bu pütkül jaⱨanƣa ayan ⱪilinsun!
6 Ziondikilǝr, tǝntǝnǝ ⱪilip jar selinglar;
Qünki aranglarda turƣan Israildiki Muⱪǝddǝs Bolƣuqi büyüktur!» — dǝysilǝr.