5
5-küy •••• Sǝⱨǝrdiki ümid
1 Nǝƣmiqilǝrning bexiƣa tapxurulup, nǝylǝr bilǝn oⱪulsun dǝp, Dawut yazƣan küy: —
Mening sɵzlirimgǝ ⱪulaⱪ salƣaysǝn, i Pǝrwǝrdigar,
Mening aⱨlirimƣa kɵngül bɵlgǝysǝn.
2 Kɵtürgǝn pǝryadlirimni angla, Padixaⱨim, mening Hudayim,
Qünki mǝn Sangila dua ⱪilimǝn.
3 I Pǝrwǝrdigar, sǝⱨǝrdǝ Sǝn awazimni anglaysǝn;
Mǝn sǝⱨǝrdǝ ɵzümni Sanga ⱪaritimǝn,
4 Qünki Sǝn rǝzilliktin ⱨuzur alƣuqi ilaⱨ ǝmǝsdursǝn;
Yamanliⱪ ⱨǝrgiz Sǝn bilǝn billǝ turmaydu.
5 Poqi-tǝkǝbburlar kɵzüng aldida turalmaydu;
Ⱪǝbiⱨlik ⱪilƣuqilarning ⱨǝmmisi Sanga yirginqliktur.
6 Yalƣan sɵzligüqilǝrning ⱨǝmmisini ⱨalak ⱪilisǝn;
Pǝrwǝrdigar ⱪanhor, aldamqi kixilǝrgǝ nǝprǝt ⱪilur.
7 Biraⱪ mǝn bolsam, meⱨir-xǝpⱪitingning kǝngriqilikidin ɵyünggǝ kirimǝn;
Sanga bolƣan ǝyminixtin muⱪǝddǝs ibadǝthanangƣa ⱪarap sǝjdǝ ⱪilimǝn;
8 Meni ɵq kɵrgǝnlǝr tüpǝylidin Ɵz ⱨǝⱪⱪaniyliⱪing bilǝn meni yetǝkligǝysǝn, i Pǝrwǝrdigar;
Yolungni aldimda tüz ⱪilƣin.
9 Qünki ularning aƣzida ⱨeqⱪandaⱪ sǝmimiylik yoⱪtur;
Ularning iqki dunyasi bolsa pasiⱪliⱪtur,
Ularning galliri eqilƣan ⱪǝbridǝk sesiⱪtur,
Ular tili bilǝn huxamǝt ⱪiliwatidu. ◘Zǝb. 12:2-3; 36:1-3; 52:2; 62:4; Rim. 3:13
10 Ularning gunaⱨini bekitkǝysǝn, i Huda;
Ular ɵz pilanliri bilǝn ɵzliri mollaⱪ atsun;
Ularni ɵzlirining nurƣunliƣan itaǝtsizlikliri bilǝn ⱨǝydǝp qiⱪarƣaysǝn;
Qünki ular Sanga asiyliⱪ ⱪildi. ◘Zǝb. 7:14-15; 9:15-16; 35:7-8; 59:12
11 Xundaⱪ ⱪilƣanda Sanga tayanƣanlarning ⱨǝmmisi xadlinidu;
Ular mǝnggü xadliⱪ bilǝn tǝntǝnǝ ⱪilidu;
Sǝn ularni ⱪoƣdaysǝn;
Sening namingni sɵygǝnlǝr seningdin yayraydu.
12 Qünki Sǝn, i Pǝrwǝrdigar, ⱨǝⱪⱪaniy adǝmgǝ bǝht ata ⱪilisǝn;
Uni xapaiting bilǝn ⱪalⱪan kǝbi oraysǝn.
◼5:3 «I Pǝrwǝrdigar, sǝⱨǝrdǝ Sǝn awazimni anglaysǝn;...» — «sǝⱨǝrdǝ» degǝn sɵzgǝ ⱪarap bǝzi alimlar 3-, 4- ⱨǝm 5-küylǝr, Dawutning Abxalomdin ⱪeqix jǝryanidiki üq kün iqidiki dualiri, dǝp ⱪaraydu (3-küydǝ «kǝq» ⱨǝm «sǝⱨǝr» bar, 4-dǝ bolsa «kǝq», 5-dǝ «sǝⱨǝr» bar).
◘5:9 Zǝb. 12:2-3; 36:1-3; 52:2; 62:4; Rim. 3:13
◘5:10 Zǝb. 7:14-15; 9:15-16; 35:7-8; 59:12