6
6-küy •••• Ⱪayƣu iqidiki dua
1 Nǝƣmiqilǝrning bexiƣa tapxurulup, tarliⱪ sazlar ⱨǝm sǝkkiz tarliⱪ arfa bilǝn oⱪulsun dǝp, Dawut yazƣan küy: —
Pǝrwǝrdigar, ƣǝziping tutⱪanda meni ǝyiblimǝ;
Ⱪǝⱨring kǝlgǝndǝ meni ǝdǝplimǝ.□«sǝkkiz tarliⱪ arfa» — baxⱪa bir tǝrjimisi «sǝkkiz ǝnlik küy».
2 Manga xapaǝt ⱪilƣin, i Pǝrwǝrdigar, qünki mǝn zǝiplixip kǝttim;
I Pǝrwǝrdigar, meni saⱪaytⱪin, qünki mening ustihanlirim wǝⱨimigǝ qüxti.■Zǝb. 38:3
3 Mening jenim dǝⱨxǝtlik dǝkkǝ-dükkigǝ qüxti;
I Pǝrwǝrdigar, ⱪaqanƣiqǝ xundaⱪ bolidu?
4 Yenimƣa ⱪayt, i Pǝrwǝrdigar, jenimni azad ⱪilƣaysǝn,
Ɵzgǝrmǝs muⱨǝbbiting üqün meni ⱪutⱪuzƣin.
5 Qünki ɵlümdǝ bolsa Sanga seƣinixlar yoⱪ;
Tǝⱨtisarada kim Sanga tǝxǝkkürlǝrni eytsun?□«Tǝⱨtisarada kim sanga tǝxǝkkürlǝrni eytsun?» — «tǝⱨtisara» ɵlgüqilǝrning roⱨliri ⱪiyamǝt künini kütidiƣan jay (ibraniy tilida «xeol» deyilidu).
6 Mening uⱨ tartixlirimdin maƣdurum ⱪalmidi;
Tün boyi orun-kɵrpǝmni kɵlqǝk ⱪilimǝn;
Yaxlirim bilǝn kariwitimni qɵktürimǝn.
7 Dǝrdlǝrdin kɵzüm hirǝlixip kǝtti;
Barliⱪ küxǝndilirim tüpǝylidin kɵzüm kardin qiⱪiwatidu.
8 I ⱪǝbiⱨlik ⱪilƣuqilar, ⱨǝmminglar mǝndin neri bolunglar;
Qünki Pǝrwǝrdigar yiƣa awazimni anglidi.■Mat. 7:23; 25:41; Luⱪa 13:27
9 Pǝrwǝrdigar tilawitimni anglidi;
Pǝrwǝrdigar duayimni ijabǝt ⱪilidu;
10 Düxmǝnlirimning ⱨǝmmisi yǝrgǝ ⱪarap ⱪalidu, ular zor parakǝndiqilikkǝ duqar bolidu;
Tuyuⱪsiz kǝynigǝ yenip hijalǝttǝ ⱪalidu.