17
17-küy •••• Tǝkǝbburlarning besimidin ⱪutⱪuzƣaysǝn!
1 Dawutning duasi: —
Ⱨǝⱪⱪaniy tǝlǝpni angla, i Pǝrwǝrdigar, mening nidayimƣa kɵngül ⱪoyƣin;
Mening duayimƣa ⱪulaⱪ salƣin,
U yalƣanqi lǝwlǝrdin qiⱪⱪan ǝmǝs.
2 Ⱨuzurungdin ⱨɵkümüm qiⱪirilƣay!
Kɵzüng nemǝ durus ikǝnlikini pǝrⱪ ǝtkǝy!
3 Sǝn mening ⱪǝlbimni siniƣansǝn,
Sǝn keqidimu manga yeⱪinlixip kɵzǝtting;
Sǝn meni tawlap kɵzüngdin kǝqürdingsǝn,
Meningdin ⱨeqbir sǝwǝnlik tapalmiding;
Kɵnglümdǝ: Aƣzim itaǝtsizlik ⱪilmisun! — dǝp niyǝt ⱪildim.
4 Adǝm balilirining ⱨayattiki ixlirida,
Lǝwliringdin qiⱪⱪan sɵzlǝr bilǝn zorawanlarning yolliridin ɵzümni neri ⱪildim.
5 Mening ⱪǝdǝmlirim yolliringdin qiⱪmiƣan,
Putlirim teyilip kǝtmigǝn.
6 Mǝn Sanga iltija ⱪildim,
Qünki tilǝklirimni ijabǝt ⱪilisǝn, i Tǝngrim;
Manga ⱪulaⱪ salƣin,
Sɵzlirimni angliƣin.
7 I, Ɵzünggǝ tayanƣanlarni ⱪarxi qiⱪⱪuqilardin ong ⱪolung bilǝn Ⱪutⱪuzƣuqi,
Karamǝtliringni kɵrsitip, ɵzgǝrmǝs muⱨǝbbitingni ayan ⱪilƣaysǝn!□«ɵzgǝrmǝs muⱨǝbbitingni ayan ⱪilƣaysǝn!» — «ɵzgǝrmǝs muⱨǝbbiting» ǝslidǝ kɵplük xǝklidǝ «ɵzgǝrmǝs muⱨǝbbitinglar».
8 Meni kɵz ⱪariquⱪungdǝk saⱪliƣaysǝn;
Ⱪanatliring sayisidǝ meni yoxurƣaysǝn;
9 Meni bulimaⱪqi bolƣan rǝzil adǝmlǝrdin,
Meni ⱪorxiwalƣan ǝxǝddiy küxǝndilirimdin yoxurƣin;
10 Ularning baƣrini may ⱪaplap, ⱪetip kǝtkǝn;
Ularning eƣizliri tǝkǝbburlarqǝ sɵzlǝydu;□«Ularning baƣrini may ⱪaplap, ⱪetip kǝtkǝn...» — bu ibarǝ ularning intayin tǝkǝbburluⱪi, baxⱪilarƣa ⱨeq kɵngül bɵlmǝydiƣanliⱪi, ularni kɵzgǝ ilmaydiƣanliⱪini kɵrsitidu.
11 Ular yolimizni toriwelip,
Bizni yǝrgǝ uruxⱪa kɵzini alaytip, □«Bizni yǝrgǝ uruxⱪa kɵzini alaytip,...» — yaki «Meni yǝrgǝ uruxⱪa kɵzini alaytip,...».
12 Oljiƣa aq kɵzlük bilǝn tikilgǝn xirdǝk,
Yoxurun jaylarda marap yüridiƣan yax xirdǝktur.
13 Ornungdin turƣaysǝn, i Pǝrwǝrdigar,
Uning yolini tosup, yǝr bilǝn yǝksan ⱪilƣaysǝn,
Jenimni rǝzil adǝmdin ⱪutⱪuzƣin, ⱪiliqing bilǝn;
14 Meni Ɵz ⱪolung bilǝn kixilǝrdin,
Yǝni muxu dǝwrdiki kixilǝrdin ⱪutⱪuzƣin;
Ularning nesiwisi bolsa muxu dunyadiladur;
Sǝn ularning ⱪarnini nemǝtliring bilǝn toldurisǝn;
Ularning kɵngli pǝrzǝntliri bilǝn ⱪandi,
Baliliriƣa bayliⱪlirini ⱪalduridu.
15 Mǝn bolsam, ⱨǝⱪⱪaniyliⱪta yüzünggǝ ⱪariƣuqi bolimǝn;
Oyƣanƣinimda, Sening didaringdin sɵyünimǝn!□«...Oyƣanƣinimda, Sening didaringdin sɵyünimǝn!» — «oyƣanƣinimda» ɵlümdin oyƣinip, tirilgǝndǝ, demǝk.
□17:7 «ɵzgǝrmǝs muⱨǝbbitingni ayan ⱪilƣaysǝn!» — «ɵzgǝrmǝs muⱨǝbbiting» ǝslidǝ kɵplük xǝklidǝ «ɵzgǝrmǝs muⱨǝbbitinglar».
□17:10 «Ularning baƣrini may ⱪaplap, ⱪetip kǝtkǝn...» — bu ibarǝ ularning intayin tǝkǝbburluⱪi, baxⱪilarƣa ⱨeq kɵngül bɵlmǝydiƣanliⱪi, ularni kɵzgǝ ilmaydiƣanliⱪini kɵrsitidu.
□17:11 «Bizni yǝrgǝ uruxⱪa kɵzini alaytip,...» — yaki «Meni yǝrgǝ uruxⱪa kɵzini alaytip,...».
□17:15 «...Oyƣanƣinimda, Sening didaringdin sɵyünimǝn!» — «oyƣanƣinimda» ɵlümdin oyƣinip, tirilgǝndǝ, demǝk.