67
67-küy •••• Dunya üqün nijatliⱪ bardur!
1 Nǝƣmiqilǝrning bexiƣa tapxurulup, tarliⱪ sazlar bilǝn qelinsun, dǝp yezilƣan küy-nahxa: —
Huda bizgǝ meⱨir-xǝpⱪǝt kɵrsitip, bizni bǝrikǝtlǝp,
Ɵz jamalining nurini üstimizgǝ qaqⱪay!
Selaⱨ! ◼«Ɵz jamalining nurini üstimizgǝ qaqⱪay!» — ibraniy tilida «Ɵz jamalining nurini bizdinmu qaqⱪay!» ◘Qɵl. 6:25; Zǝb. 4:6
2 Xundaⱪ ⱪilƣanda yolung pütkül jaⱨanda,
Ⱪutuldurux-nijatliⱪing barliⱪ ǝllǝr arisida ayan bolidu.
3 Barliⱪ ⱪowmlar Seni mǝdⱨiyiligǝy, i Huda;
Barliⱪ ⱪowmlar Seni mǝdⱨiyiligǝy!
4 Jimi taipilǝr huxalliⱪ bilǝn tǝntǝnǝ ⱪilip küyligǝy,
Qünki Sǝn hǝlⱪlǝrgǝ adilliⱪ bilǝn ⱨɵküm qiⱪirisǝn,
Yǝr yüzidiki taipilǝrni, Sǝn yetǝklǝysǝn;
Selaⱨ.
5 Barliⱪ ⱪowmlar Seni mǝdⱨiyiligǝy, i Huda;
Barliⱪ ⱪowmlar Seni mǝdⱨiyiligǝy!
6 Wǝ yǝr-zemin kɵklirini ündüridu;
Huda, bizning Hudayimiz, bizni bǝrikǝtlǝydu;
7 Huda bizni bǝrikǝtlǝydu;
Xuning bilǝn yǝr yüzidikilǝr qǝt-yaⱪilarƣiqǝ Uningdin ǝyminixidu!
◼67:1 «Ɵz jamalining nurini üstimizgǝ qaqⱪay!» — ibraniy tilida «Ɵz jamalining nurini bizdinmu qaqⱪay!»