73
Üqinqi bɵlüm •••• 73-küy •••• Hatalaxⱪinini tonup yetix
1 Asaf yazƣan küy: —
Dǝrwǝⱪǝ Huda Israilƣa,
Ⱪǝlbi sap bolƣanlarƣa meⱨribandur;
2 Lekin ɵzüm bolsam, putlixip yiⱪilip qüxüxkǝ tasla ⱪaldim;
Ayaƣlirim teyilip kǝtkili ⱪil ⱪaldi;
3 Qünki rǝzillǝrning ronaⱪ tapⱪanliⱪini kɵrüp,
Ⱨakawurlarƣa ⱨǝsǝt ⱪildim; ◘Ayup 21:7-15; Zǝb. 37:1; Yǝr. 12:1, 2
4 Qünki ular ɵlümidǝ azablar tartmaydu,
Əksiqǝ teni mǝzmut wǝ saƣlam turidu. ◼«Qünki ular ɵlümidǝ azablar tartmaydu, ǝksiqǝ teni mǝzmut wǝ saƣlam turidu» — baxⱪa birhil tǝrjimisi: «Qünki ularda tartⱪan azablar yoⱪ, ular teni mǝzmut wǝ saƣlamdur».
5 Ular insanƣa has japani kɵrmǝydu,
Yaki hǝⱪlǝrdǝk balayi’apǝtkǝ uqrimaydu.
6 Xunga mǝƣrurluⱪ marjani boyniƣa esilidu,
Zorluⱪ-zomigǝrlik tondǝk ularƣa qaplixidu.
7 Semizliktin kɵzliri pompiyip qiⱪⱪan;
Ⱪǝlbidiki hiyanǝtlǝr ⱨǝddidin exip ketǝr.
8 Ɵzgilǝrni mǝshirǝ ⱪilip zǝⱨǝrlik sɵzlǝr;
Ⱨalini üstün ⱪilip diwinip, doⱪ ⱪilar.
9 Ərxkǝ ⱪarxi ⱪilar eƣizlirini,
Tilliri bir alƣan yǝr yüzini.
10 Xunga Hudaning hǝlⱪi muxularƣa mayil bolup,
Ularning degǝnlirini su iqkǝndǝk ahiriƣiqǝ iqip: —
11 «Tǝngri ⱪandaⱪ bilǝlǝytti?»,
«Ⱨǝmmidin Aliy Bolƣuqi biliklikmu?» — dǝr ular.
12 Mana bular rǝzillǝrdur;
Ular bu dunyada raⱨǝt-paraƣǝtni kɵrǝr,
Bayliⱪlarni toplar.
13 «Kǝlbimni pak tutkinim bihuddimu,
Gunaⱨsiz turup ⱪolumni artuⱪqǝ yuyup kǝptimǝn;
14 Kün boyi japa qǝktim bikarƣimu;
Xundimu ⱨǝr sǝⱨǝrdǝ wijdanning ǝyibigǝ uqrap kǝldim!».
15 Biraⱪ mǝn: — «Bundaⱪ desǝm,
Baki dunya pǝrzǝntliringgǝ asiyliⱪ ⱪilƣan bolmamdimǝn?» — dedim. ◼«Bundaⱪ (desǝm), Baki dunya pǝrzǝntliringgǝ asiyliⱪ ⱪilƣan bolmamdimǝn?» — Asaf Hudadin aƣrinip, gumanlirini xundaⱪ op’oquⱪ eytixning aⱪiwitini oylawatidu. Ɵzining bundaⱪ deyixi etiⱪadi ajizlarƣa nisbǝtǝn «asiyliⱪ» ⱨǝm ularni etiⱪadida putlaxturidiƣan ix, dǝp ⱪaraydu.
16 Ularni kallamdin ɵtküzǝy desǝm,
Kɵzümgǝ xundaⱪ eƣir kɵründi.
17 Tǝngrining muⱪǝddǝs jayliriƣa kirgüqǝ xundaⱪ oylidim;
Kirgǝndila yamanlarning aⱪiwitini qüxǝndim.
18 Dǝrwǝⱪǝ Sǝn ularni teyilƣaⱪ yǝrlǝrgǝ orunlaxturisǝn,
Ularni yiⱪitip parǝ-parǝ ⱪiliwetisǝn.
19 Ular kɵzni yumup aqⱪuqila xunqǝ parakǝndǝ bolidu,
Dǝⱨxǝtlǝr ularni besip yoⱪitidu!
20 Sǝn i Rǝb, qüxtin oyƣanƣandǝk oyƣinip,
Ornungdin turup ularning siyaⱪini kɵzgǝ ilmaysǝn.
21 Yürǝklirim ⱪaynap,
Iqlirim sanjilƣandǝk bolƣan qaƣda,
22 Ɵzümni ⱨeqnemǝ bilmǝydiƣan bir ⱨamaⱪǝt,
Aldingda bir ⱨaywan ikǝnlikimni bilip yǝttim.
23 Ⱨalbuki, mǝn ⱨǝmixǝ Sǝn bilǝn billǝ;
Sǝn meni ong ⱪolumdin tutup yɵliding;
24 Ɵz nǝsiⱨǝting bilǝn meni yetǝklǝysǝn,
Xan-xǝripingni namayan ⱪilƣandin keyin,
Ahirida Sǝn meni Ɵzünggǝ ⱪobul ⱪilisǝn.
25 Ərxtǝ Sǝndin baxⱪa mening kimim bar?
Yǝr yüzidǝ bolsa Sǝndin baxⱪa ⱨeqkimgǝ intizar ǝmǝsmǝn.
26 Ətlirim ⱨǝm ⱪǝlbim zǝiplixidu,
Lekin Huda ⱪǝlbimdiki ⱪoram tax ⱨǝm mǝnggülük nesiwǝmdur! ◼«Lekin Huda ⱪǝlbimdiki ⱪoram tax ⱨǝm mǝnggülük nesiwǝmdur!» — yaki «Lekin ⱪǝlbimdiki ⱪoram tax ⱨǝm nesiwǝm bolsa mǝnggülük Hudadur!»
27 Qünki mana, Sǝndin yiraⱪ turƣanlar ⱨalak bolidu;
Wapasizliⱪ ⱪilƣan paⱨixǝ ayaldǝk Sǝndin waz kǝqkǝnlǝrning ⱨǝrbirini yoⱪitisǝn.
28 Biraⱪ mǝn üqün, Hudaƣa yeⱪinlixix ǝwzǝldur!
Uning barliⱪ ⱪilƣan ixlirini jakarlax üqün,
Rǝb Pǝrwǝrdigarni tayanqim ⱪildim. ◼«Uning barliⱪ ⱪilƣan ixlirini jakarlax üqün,...» — ibraniy tilida: «Sening uning barliⱪ ⱪilƣan ixlirini jakarlax üqün,...».
◘73:3 Ayup 21:7-15; Zǝb. 37:1; Yǝr. 12:1, 2
◼73:4 «Qünki ular ɵlümidǝ azablar tartmaydu, ǝksiqǝ teni mǝzmut wǝ saƣlam turidu» — baxⱪa birhil tǝrjimisi: «Qünki ularda tartⱪan azablar yoⱪ, ular teni mǝzmut wǝ saƣlamdur».
◼73:15 «Bundaⱪ (desǝm), Baki dunya pǝrzǝntliringgǝ asiyliⱪ ⱪilƣan bolmamdimǝn?» — Asaf Hudadin aƣrinip, gumanlirini xundaⱪ op’oquⱪ eytixning aⱪiwitini oylawatidu. Ɵzining bundaⱪ deyixi etiⱪadi ajizlarƣa nisbǝtǝn «asiyliⱪ» ⱨǝm ularni etiⱪadida putlaxturidiƣan ix, dǝp ⱪaraydu.
◼73:26 «Lekin Huda ⱪǝlbimdiki ⱪoram tax ⱨǝm mǝnggülük nesiwǝmdur!» — yaki «Lekin ⱪǝlbimdiki ⱪoram tax ⱨǝm nesiwǝm bolsa mǝnggülük Hudadur!»
◼73:28 «Uning barliⱪ ⱪilƣan ixlirini jakarlax üqün,...» — ibraniy tilida: «Sening uning barliⱪ ⱪilƣan ixlirini jakarlax üqün,...».