93
93-küy •••• Pǝrwǝrdigar ⱪudrǝtlik ⱨɵkümrandur
1 Pǝrwǝrdigar ⱨɵküm süridu!
U ⱨǝywǝtni kiyim ⱪilip kiygǝn;
Pǝrwǝrdigar kiyingǝn,
U belini ⱪudrǝt bilǝn baƣliƣan;
Bǝrⱨǝⱪ, xunga dunya mǝzmut ⱪilinƣan,
U tǝwrǝnmǝs ǝsla.
2 Sening tǝhting ⱪǝdimdila bǝrpa ⱪilinƣan;
Sǝn ǝzǝldin bar bolƣuqisǝn!
3 Kǝlkün-taxⱪinlar ɵz sadasini kɵtürdi, i Pǝrwǝrdigar,
Kǝlkün-taxⱪinlar ɵz sadasini kɵtürdi!
Kǝlkün-taxⱪinlar küqlük dolⱪunlirini yuⱪiri kɵtürdi!
4 Kɵp sularning xawⱪunliridin,
Dengiz-okyandiki ⱪudrǝtlik dolⱪunlardin,
Üstün turƣan Pǝrwǝrdigar ⱪudrǝtliktur! ◼«Dengiz-okyandiki ⱪudrǝtlik dolⱪunlar» — «dolⱪunlar» ibraniy tilida «qeⱪiwǝtküqilǝr».
5 Sening agaⱨ-guwaⱨliⱪliring nemidegǝn ixǝnqlik-ⱨǝ!
Zaman ahiriƣiqǝ, i Pǝrwǝrdigar,
Ɵyünggǝ pak-muⱪǝddǝslik ǝbǝdil’ǝbǝd rawadur.