92
92-küy •••• Mǝdⱨiyǝ
Xabat küni üqün bir nahxa-küy: —
 
Pǝrwǝrdigarƣa tǝxǝkkür eytix,
Namingni küylǝx ǝladur, i Ⱨǝmmidin Aliy Bolƣuqi! «Xabat küni üqün bir küy-nahxa...» — «xabat küni» — xǝnbǝ küni, yǝni Huda Yǝⱨudiy hǝlⱪigǝ bekitkǝn aram elix küni.
Ɵzgǝrmǝs muⱨǝbbitingni sǝⱨǝrdǝ,
Jakarlax ⱨǝⱪiⱪǝt-sadaⱪitingni tünlǝrdǝ,
On tarliⱪ saz wǝ rawabni qelip,
Qiltar bilǝn mungluⱪ aⱨangda qelix ǝladur!
Qünki Sǝn Pǝrwǝrdigar, Ɵz ⱪilƣining arⱪiliⱪ meni hursǝn ⱪilding,
Ⱪolliringning ⱪilƣanliri bilǝn mǝn roⱨlinip nahxa eytimǝn.
Pǝrwǝrdigar, ⱪilƣan ixliring nemidegǝn uluƣdur!
Oyliring naⱨayiti qongⱪurdur!
Biƣǝm kixi buni bilmǝs,
Ⱨamaⱪǝt buni qüxǝnmǝs, Zǝb. 94:8; Pǝnd. 12:1
Rǝzillǝr ot-qɵptǝk ayniƣanda,
Ⱪǝbiⱨlik ⱪilƣuqilarning ⱨǝmmisi güllǝngǝn bilǝn,
Mǝnggü ⱨalak bolup ketidiƣanlar xulardur!«Mǝnggü ⱨalak bolup ketidiƣanlar xulardur!» — yaki «Bu ularning ⱨalak boluxi üqün bolidu!».
Lekin Sǝn, i Pǝrwǝrdigar, ǝbǝdil’ǝbǝd üstün turisǝn.
Qünki mana düxmǝnliring, i Pǝrwǝrdigar,
Mana düxmǝnliring yoⱪilidu;
Barliⱪ ⱪǝbiⱨlik ⱪilƣuqilar tiripirǝn ⱪiliwetilidu!
10 Münggüzümni yawayi buⱪiningkidǝk kɵtürisǝn;
Beximƣa yengi may sürkilip, mǝsiⱨ ⱪilinidu.
11 Meni ⱪǝst ⱪilƣanlarning mǝƣlubiyitini ɵz kɵzum kɵridu;
Manga ⱪarxilixixⱪa ⱪozƣalƣan rǝzillik ⱪilƣuqilarning tǝn bǝrgǝnlikinimu ⱪuliⱪim anglaydu.
12 Ⱨǝⱪⱪaniy adǝm horma dǝrihi kǝbi güllǝp-yaxnaydu;
U Liwandiki kedr dǝrihidǝk ɵsidu. Ⱨak. 9:15; Ⱨox. 14:6
13 Pǝrwǝrdigarning ɵyigǝ tikilgǝnlǝr,
Hudayimizning ⱨoylilirida güllinidu;
14 Ular ⱪeriƣandimu yǝnǝ mewǝ beridu,
Suluⱪ ⱨǝm yexil bolar;
15 Xuning bilǝn ular Pǝrwǝrdigar durustur, dǝp ispatlaydu;
U mening ⱪoram teximdur,
Uningda naⱨǝⱪsizlik yoⱪtur!
 
 

92:1 «Xabat küni üqün bir küy-nahxa...» — «xabat küni» — xǝnbǝ küni, yǝni Huda Yǝⱨudiy hǝlⱪigǝ bekitkǝn aram elix küni.

92:6 Zǝb. 94:8; Pǝnd. 12:1

92:7 «Mǝnggü ⱨalak bolup ketidiƣanlar xulardur!» — yaki «Bu ularning ⱨalak boluxi üqün bolidu!».

92:12 Ⱨak. 9:15; Ⱨox. 14:6