94
94-küy •••• Intiⱪam alƣuqi Huda adil sotlisun!
1 I itiⱪamlar alƣuqi Tǝngri, Pǝrwǝrdigar!
I intiⱪamlar alƣuqi Tǝngri, parliƣaysǝn!
2 Kɵtürülgin, Ɵzüngni kɵtürgin, i jaⱨanni Soraⱪ Ⱪilƣuqi,
Mǝƣrurlarƣa jazasini bǝrgin!
3 Ⱪaqanƣiqǝ rǝzillǝr, i Pǝrwǝrdigar,
Ⱪaqanƣiqǝ rǝzillǝr tǝntǝnǝ ⱪilip yüriweridu?
4 Ⱪaqanƣiqǝ ⱨakawurlarqǝ sɵzlǝp walaⱪxiydu,
Ⱪǝbiⱨlik ⱪilƣuqilarning ⱨǝmmisi yoƣan gǝp ⱪilip yüridu?
5 Ular hǝlⱪingni ezidu, i Pǝrwǝrdigar,
Sening mirasingƣa jǝbir-japa salmaⱪta.
6 Tul ayal wǝ ƣerip-musapirlarni ⱪirip,
Yetim-yesirlǝrni ɵltürüp: —
7 «Yaⱨ kɵrmǝydu»,
«Yaⱪupning Hudasi kɵngül bɵlmǝydu», — dǝydu.■Zǝb. 10:11,13; 59:7
8 Silǝr kɵngül ⱪoyunglar, i ǝlning ⱨamaⱪǝtliri!
Əhmǝⱪlǝr, ⱪaqan dana bolisilǝr?■Zǝb. 92:6; Pǝnd. 12:1
9 Ⱪulaⱪni tikligüqining Ɵzi anglimamdu?
Kɵzni Yasiƣuqining Ɵzi kɵrmǝmdu?■Mis. 4:11
10 Əllǝrni tǝrbiyiligüqi,
Insanƣa ǝⱪil-bilim ɵgǝtküqining Ɵzi adǝmni ǝyiblimǝmdu?
11 Pǝrwǝrdigar insanning oy-hiyallirining tutami yoⱪluⱪini bilidu.■1Kor. 3:20
12 Sǝn tǝrbiyiligǝn adǝm bǝhtliktur, i Yaⱨ,
Yǝni Sǝn Tǝwrat-ⱪanunungdin ǝⱪil ɵgitidiƣan kixi bǝhtliktur!
13 Xundaⱪ ⱪilip, taki pasiⱪlar üqün orǝk kolanƣuqǝ —
Sǝn uni yaman künlǝrdin hatirjǝm saⱪlaysǝn.
14 Qünki Pǝrwǝrdigar Ɵz hǝlⱪini tǝrk ǝtmǝydu,
Yaki Ɵz mirasidin waz kǝqmǝydu.■1Sam. 12:22; Rim. 11:1, 2
15 Qünki ⱨɵküm-pǝrman ⱨoⱪuⱪi ⱨaman adalǝtkǝ ⱪaytidu,
Barliⱪ dili duruslar bolsa, uning kǝynidin mangidu.□«Qünki ⱨɵküm-pǝrman ⱨoⱪuⱪi ⱨaman adalǝtkǝ ⱪaytidu, barliⱪ dili duruslar bolsa, uning kǝynidin mangidu» — demǝk, adil padixaⱨ-ǝmirlǝr yǝnǝ ⱨoⱪuⱪ tutidu, yaki ⱨazir ⱨoⱪuⱪ tutuwatⱪan padixaⱨ towa ⱪilidu; andin durus adǝmlǝr ularni ⱪollaydu.
16 Mǝn üqün yamanlar bilǝn ⱪarxilixixⱪa kim ornidin turidu?
Mǝn üqün ⱪǝbiⱨlik ⱪilƣuqilar bilǝn ⱪarxilixixiⱪa kim mǝydanƣa qiⱪidu?
17 Əgǝr Pǝrwǝrdigar manga yardǝmdǝ bolmiƣan bolsa,
Jenim baldur qiⱪip süküt diyarida yatar idi.□«süküt diyari» — ɵlümni kɵrsitidu.
18 Ayiƣim putlixay deginidǝ,
Ɵzgǝrmǝs muⱨǝbbiting, i Pǝrwǝrdigar, meni yɵlidi.
19 Iqimdiki kɵpligǝn ƣǝm-ǝndixilǝr arisida,
Sening tǝsǝlliliring jenimni sɵyündürdi.
20 Insapsizliⱪni ⱪanunƣa aylanduridiƣan,
Aq kɵz olturƣan bir tǝht,
Sǝn bilǝn alaⱪidǝ bolamdu?
21 Ular ⱨǝⱪⱪaniylarning jeniƣa ⱨujum ⱪilixⱪa yiƣilidu,
Bigunaⱨ ⱪanni tɵkidiƣan ⱨɵkümlǝrni qiⱪarmaⱪta.
22 Biraⱪ Pǝrwǝrdigar mening egiz ⱪorƣinim bolidu;
Ⱨǝ, mening Hudayim panaⱨ Ⱪoram Teximdur.
23 U ularning ⱪǝbiⱨlikini ɵz bexiƣa salidu,
Ularning ɵz yawuzluⱪliri bilǝn ularni üzüp taxlaydu,
Bǝrⱨǝⱪ, Pǝrwǝrdigar Hudayimiz ularni üzüp taxlar.
■94:14 1Sam. 12:22; Rim. 11:1, 2
□94:15 «Qünki ⱨɵküm-pǝrman ⱨoⱪuⱪi ⱨaman adalǝtkǝ ⱪaytidu, barliⱪ dili duruslar bolsa, uning kǝynidin mangidu» — demǝk, adil padixaⱨ-ǝmirlǝr yǝnǝ ⱨoⱪuⱪ tutidu, yaki ⱨazir ⱨoⱪuⱪ tutuwatⱪan padixaⱨ towa ⱪilidu; andin durus adǝmlǝr ularni ⱪollaydu.
□94:17 «süküt diyari» — ɵlümni kɵrsitidu.