140
140-küy •••• Aⱨanǝtqilǝr ⱨǝm zomigǝrlǝr arisida
1 Nǝƣmiqilǝrning bexiƣa tapxurulup oⱪulsun dǝp, Dawut yazƣan küy: —
Rǝzil adǝmdin, i Pǝrwǝrdigar, meni azad ⱪilƣaysǝn;
Zorawan kixidin meni saⱪliƣaysǝn.
2 Ular kɵnglidǝ yamanliⱪlarni oylimaⱪta;
Ular ⱨǝr küni jǝm boluxup urux qiⱪarmaⱪqi.
3 Tilini yilanningkidǝk ittik ⱪilidu;
Kobra yilanning zǝⱨiri lǝwliri astida turidu;
Selaⱨ.■Zǝb. 58:4-5; Rim. 3:13
4 Rǝzil adǝmning ⱪolliridin meni aman ⱪiliƣaysǝn, i Pǝrwǝrdigar;
Putlirimni putlaxni ⱪǝstlǝydiƣan zorawan kixidin saⱪliƣaysǝn.
5 Tǝkǝbburlar mǝn üqün ⱪiltaⱪ, tanilarni yoxurup tǝyyarlidi;
Yol boyida tor yaydi,
Mǝn üqün tuzaⱪlarni saldi;
Selaⱨ.■Yǝr. 18:22
6 Mǝn Pǝrwǝrdigarƣa: «Sǝn mening Tǝngrimdursǝn» — dedim;
Yelinixlirim sadasiƣa ⱪulaⱪ salƣaysǝn, i Pǝrwǝrdigar;
7 Pǝrwǝrdigar Rǝb nijatliⱪimning küqidur;
Sǝn jǝng künidǝ beximni yepip ⱪoƣdiƣansǝn.
8 Rǝzil adǝmning ümidini ijabǝt ⱪilmiƣaysǝn, i Pǝrwǝrdigar;
Ularning ⱨiylilirini aⱪⱪuzmiƣaysǝn;
Bolmisa ɵzlirini qong tutuwalidu.
Selaⱨ.
9 Meni ⱪorxiwalƣanlarning bolsa,
Lǝwliridin qiⱪⱪan xumluⱪ ularning ɵz bexiƣa qüxsun;□«Meni ⱪorxiwalƣanlarning bolsa, lǝwliridin qiⱪⱪan xumluⱪ ularning ɵz bexiƣa qüxsun» — baxⱪa birhil tǝrjimisi: «Meni ⱪorxiƣanlarning baxlamqiliriƣa bolsa, ɵz lǝwliridin qiⱪⱪan xumluⱪ ɵzlirigǝ qüxsun».
10 Üstigǝ qoƣlar yaƣdurulsun;
Ular otⱪa,
Ⱪaytidin qiⱪalmiƣudǝk ⱨanglarƣa taxliwetilsun;
11 Tili qeⱪimqi adǝmning yǝr yüzidǝ orni bolmisun;
Balayi’apǝt zorawanlarni tügǝxküqǝ owlaydu;
12 Mǝn bilimǝnki, Pǝrwǝrdigar ezilgǝnlǝrning dǝwasini soraydu,
Yoⱪsulning ⱨǝⱪⱪini elip beridu;
13 Bǝrⱨǝⱪ, ⱨǝⱪⱪaniylar namingƣa tǝxǝkkür eytidu;
Kɵngli duruslar ⱨuzurungda yaxaydu.
□140:9 «Meni ⱪorxiwalƣanlarning bolsa, lǝwliridin qiⱪⱪan xumluⱪ ularning ɵz bexiƣa qüxsun» — baxⱪa birhil tǝrjimisi: «Meni ⱪorxiƣanlarning baxlamqiliriƣa bolsa, ɵz lǝwliridin qiⱪⱪan xumluⱪ ɵzlirigǝ qüxsun».