18
Sapalqidin alƣan sawaⱪ
1 Bu sɵz Pǝrwǝrdigardin Yǝrǝmiyaƣa kelip, mundaⱪ deyildi: —
2 «Ornungdin tur, sapalqining ɵyigǝ qüxkin, Mǝn sanga sɵzlirimni anglitimǝn».
3 Xunga mǝn sapalqining ɵyigǝ qüxtum; wǝ mana, sapalqi ƣaltǝk üstidǝ bir nǝrsini yasawatⱪanidi. 4 U seƣiz laydin yasawatⱪan ⱪaqa turup-turup ⱪoli astida buzulatti. Xu qaƣda sapalqi xu laydin ɵzi layiⱪ kɵrgǝn baxⱪa bir ⱪaqini yasaytti.
5 Wǝ Pǝrwǝrdigarning sɵzi manga kelip mundaⱪ degǝndǝ: — 6 I Israil jǝmǝti, bu sapalqi ⱪilƣandǝk Mǝn sanga ⱪilalmamdim? — dǝydu Pǝrwǝrdigar. — Mana, seƣiz layning sapalqining ⱪolida bolƣiniƣa ohxax, silǝr Mening ⱪolumdisilǝr, i Israil jǝmǝti. ◘Yǝx. 45:9; 64:8; Rim. 9:20 7 Bǝzidǝ Mǝn mǝlum bir ǝl, mǝlum bir mǝmlikǝt toƣruluⱪ, yǝni uning yulunuxi, buzuluxi wǝ ⱨalak ⱪilinixi toƣruluⱪ sɵzlǝymǝn; ◘Yǝr. 1:10 8 xu qaƣ Mǝn agaⱨlandurƣan xu ǝl yamanliⱪidin towa ⱪilip yansa, Mǝn ularƣa ⱪilmaⱪqi bolƣan yamanliⱪtin yanimǝn. 9 Mǝn yǝnǝ bǝzidǝ mǝlum bir ǝl, mǝlum bir mǝmlikǝt toƣruluⱪ, yǝni uning ⱪuruluxi wǝ tikip ɵstürülüxi toƣruluⱪ sɵzlǝymǝn; 10 xu qaƣ xu ǝl kɵz aldimda yamanliⱪ ⱪilip awazimni anglimisa, Mǝn yǝnǝ ularƣa wǝdǝ ⱪilƣan, ularni bǝrikǝtlimǝkqi bolƣan yahxiliⱪtin yanimǝn.
11 Əmdi ⱨazir Yǝⱨudadikilǝrgǝ wǝ Yerusalemda turuwatⱪanlarƣa mundaⱪ degin: — «Pǝrwǝrdigar mundaⱪ dǝydu: — Mana, Mǝn silǝrgǝ yamanliⱪ tǝyyarlawatimǝn, silǝrgǝ ⱪarxi bir pilan tüzüwatimǝn; xunga ⱨǝrbiringlar rǝzil yolunglardin yeninglar, yolliringlarni wǝ ⱪilmixliringlarni tüzitinglar. ◘2Pad. 17:13; Yǝr. 7:3; 25:5; 26:13; 35:15
12 — Lekin ular: «Yaⱪ! Ham hiyal ⱪilma! Biz ɵz pilanlirimizƣa ǝgixiwerimiz, ɵz rǝzil kɵnglimizdiki jaⱨilliⱪimiz boyiqǝ ⱪiliwerimiz» — dǝydu. ◼«Yaⱪ! Ham hiyal ⱪilma!» — ibraniy tilida «Yaⱪ! Ümid yoⱪ!». ◘Yǝr. 2:25
13 Xunga Pǝrwǝrdigar mundaⱪ dǝydu: — Əllǝr arisidin: «Kim muxundaⱪ ixni anglap baⱪⱪan?!» dǝp soranglar. «Pak ⱪiz» Israil dǝⱨxǝtlik yirginqlik ixni ⱪilƣan! ◘Yǝr. 2:10 14 Liwan ⱪarliri aydaladiki ⱪiyaliⱪtin yoⱪap ketǝmdu? Uning yiraⱪtin qüxkǝn muzdǝk suliri ⱪurup ketǝmdu? 15 Lekin Mening hǝlⱪim bolsa Meni untuƣan; ular yoⱪ bir nǝrsilǝrgǝ huxbuy yaⱪidu; mana, bular ularni yaxawatⱪan yolidin, yǝni ⱪǝdimdin bolƣan yollardin putlaxturup, kɵtürülüp tüz ⱪilinmiƣan bir yolda mangdurƣan. ◘Yǝr. 2:32; 3:21; 6:16; 13:25 16 Xuning bilǝn ularning zeminini dǝⱨxǝt basidiƣan ⱨǝm daim kixilǝr ux-ux ⱪilidiƣan obyekt ⱪilidu; uningdin ɵtüwatⱪanlarning ⱨǝmmisini dǝⱨxǝt besip, bexini qayⱪixidu. ◼«... ularning zeminini dǝⱨxǝt basidiƣan ⱨǝm daim kixilǝr ux-ux ⱪilidiƣan obyekt ⱪilidu; uningdin ɵtüwatⱪanlarning ⱨǝmmisini dǝⱨxǝt besip, bexini qayⱪixidu» — bu ⱨǝrikǝtlǝr (ux-ux ⱪilix, baxni ⱪayⱪixix) bǝlkim ⱨǝyran bolƣanliⱪi, yaki mazaⱪ ⱪilƣanliⱪini bildüridu. ◘Yǝr. 12:11; 19:8; 49:13; 50:13 17 Mǝn huddi xǝrⱪtin qiⱪⱪan xamaldǝk ularni düxmǝn aldida tarⱪitiwetimǝn; Mǝn balayi’apǝt künidǝ ularƣa yüzümni ǝmǝs, bǝlki arⱪamni ⱪilimǝn». ◼«xǝrⱪtin qiⱪⱪan xamal» — Ⱪanaanda (Pǝlǝstindǝ), adǝttǝ ⱨǝmmini ⱪurutidiƣan, qang-topa tarⱪitidiƣan dǝⱨxǝtlik xamal bolidu. ◘Yǝx. 27:8; 29:6; Yǝr. 4:11,12,13; 13:24
Yǝrǝmiya ɵzigǝ ziyankǝxlik ⱪilƣuqilarning yamanliⱪini ɵz bexiƣa qüxürüxini tilǝydu
18 Kixilǝr: «Kelinglar, Yǝrǝmiyaƣa ⱪǝst ⱪilayli; qünki ya kaⱨinlardin ⱪanun-tǝrbiyǝ, ya danixmǝnlǝrdin ǝⱪil-nǝsiⱨǝt ya pǝyƣǝmbǝrlǝrdin sɵz-bexarǝt kǝmlik ⱪilmaydu. Kelinglar, tilimizni bir ⱪilip uning üstidin xikayǝt ⱪilayli, uning sɵzliridin ⱨeqⱪaysisiƣa ⱪulaⱪ salmayli» — deyixti. ◼«Kelinglar, Yǝrǝmiyaƣa ⱪǝst ⱪilayli; qünki ya kaⱨinlardin ⱪanun-tǝrbiyǝ, ya danixmǝnlǝrdin ǝⱪil-nǝsiⱨǝt ya pǝyƣǝmbǝrlǝrdin sɵz-bexarǝt kǝmlik ⱪilmaydu» — ular Yǝrǝmiyani ⱪǝstlǝp ɵltürüxkǝ baⱨanǝ-sǝwǝb tapmaⱪqi idi. Kɵrünǝrlikki, xu qaƣdiki Tǝwrat-ⱪanun ɵgitidiƣan kaⱨinlar, «danixmǝnlǝr» wǝ atalmix «pǝyƣǝmbǝrlǝr» Yǝrǝmiyaning sɵzi toƣruluⱪ süküt ⱪilatti yaki ularƣa zit sɵzlǝrni ⱪilatti. Ular: «Biz bǝribir diniy adǝmlǝrmiz, diniy ǝrbablarning sɵzini anglawatimiz» dǝp Hudaning sɵzini rǝt ⱪilip Yǝrǝmiyani ɵltürüxni ⱪǝstlǝytti. ◘Yǝr. 9:7; Mal. 2:7
19 — I Pǝrwǝrdigar, manga ⱪulaⱪ salƣaysǝn; manga ⱪarxilixidiƣanlarning dǝwatⱪanlirini angliƣaysǝn. 20 Yahxiliⱪⱪa yamanliⱪ ⱪilix bolamdu? Qünki ular jenim üqün ora koliƣan; mǝn ularƣa yahxi bolsun dǝp, ƣǝzipingni ulardin yandurux üqün Sening aldingda dua ⱪilip turƣanliⱪimni esingdǝ tutⱪaysǝn. 21 Xunga baliliringni ⱪǝⱨǝtqilikkǝ tapxurƣaysǝn, ⱪiliqning bisiƣa elip bǝrgǝysǝn; ayalliri baliliridin juda ⱪilinip tul ⱪalsun; ǝrliri waba-ɵlüm bilǝn yoⱪalsun, yigitlǝr jǝngdǝ ⱪiliqlansun. ◘Zǝb. 109:10 22 Ularning üstigǝ basmiqilarni elip kǝlginingdǝ ɵyliridin nalǝ-pǝryad anglansun; qünki ular meni tutuxⱪa ora koliƣan, putlirim üqün ⱪismaⱪlarni yoxurun salƣan. 23 Əmdi Sǝn, i Pǝrwǝrdigar, ularning meni ⱪǝtl ⱪilixⱪa bolƣan ⱪǝstlirining ⱨǝmmisini obdan bilisǝn; ularning ⱪǝbiⱨliklirini kǝqürmigǝysǝn, ularning gunaⱨlirini kɵzüng aldidin yumiƣaysǝn; bǝlki ular Sening aldingda yiⱪitilsun; ƣǝziping qüxkǝn künidǝ ularni bir tǝrǝp ⱪilƣaysǝn.
◘18:6 Yǝx. 45:9; 64:8; Rim. 9:20
◘18:11 2Pad. 17:13; Yǝr. 7:3; 25:5; 26:13; 35:15
◼18:12 «Yaⱪ! Ham hiyal ⱪilma!» — ibraniy tilida «Yaⱪ! Ümid yoⱪ!».
◘18:15 Yǝr. 2:32; 3:21; 6:16; 13:25
◼18:16 «... ularning zeminini dǝⱨxǝt basidiƣan ⱨǝm daim kixilǝr ux-ux ⱪilidiƣan obyekt ⱪilidu; uningdin ɵtüwatⱪanlarning ⱨǝmmisini dǝⱨxǝt besip, bexini qayⱪixidu» — bu ⱨǝrikǝtlǝr (ux-ux ⱪilix, baxni ⱪayⱪixix) bǝlkim ⱨǝyran bolƣanliⱪi, yaki mazaⱪ ⱪilƣanliⱪini bildüridu.
◘18:16 Yǝr. 12:11; 19:8; 49:13; 50:13
◼18:17 «xǝrⱪtin qiⱪⱪan xamal» — Ⱪanaanda (Pǝlǝstindǝ), adǝttǝ ⱨǝmmini ⱪurutidiƣan, qang-topa tarⱪitidiƣan dǝⱨxǝtlik xamal bolidu.
◘18:17 Yǝx. 27:8; 29:6; Yǝr. 4:11,12,13; 13:24
◼18:18 «Kelinglar, Yǝrǝmiyaƣa ⱪǝst ⱪilayli; qünki ya kaⱨinlardin ⱪanun-tǝrbiyǝ, ya danixmǝnlǝrdin ǝⱪil-nǝsiⱨǝt ya pǝyƣǝmbǝrlǝrdin sɵz-bexarǝt kǝmlik ⱪilmaydu» — ular Yǝrǝmiyani ⱪǝstlǝp ɵltürüxkǝ baⱨanǝ-sǝwǝb tapmaⱪqi idi. Kɵrünǝrlikki, xu qaƣdiki Tǝwrat-ⱪanun ɵgitidiƣan kaⱨinlar, «danixmǝnlǝr» wǝ atalmix «pǝyƣǝmbǝrlǝr» Yǝrǝmiyaning sɵzi toƣruluⱪ süküt ⱪilatti yaki ularƣa zit sɵzlǝrni ⱪilatti. Ular: «Biz bǝribir diniy adǝmlǝrmiz, diniy ǝrbablarning sɵzini anglawatimiz» dǝp Hudaning sɵzini rǝt ⱪilip Yǝrǝmiyani ɵltürüxni ⱪǝstlǝytti.