1 Na konini Jitoꞌo tnoꞌo jikantaꞌu ni nuu tnaꞌa ni tnundoꞌo,

te na kuiin niꞌnu kuiin sagua ia Dios ni ochiñuꞌu ndi Jacob ja jaꞌa ni.

2 Te ndee veñuꞌu ii nuu oo ya, na chindee chituu ña ya,

te ndee Sión na koto na kuni ña ya.

3 Te na ndakaꞌan ya ndiꞌi ja soko ni nuu ya,

te na kuantaꞌu ya kiti teñuꞌu ni nuu ya.

4 Te na kaꞌan ndaꞌu kaꞌan kee ña ya nagua ndioo ini anu ni,

te na saꞌa ya ja kuu skunkuu ni ndiꞌi nagua ndakani ini ni ja saꞌa ni.

5 Sein, chi ka jita sii ini san ja ni kundee ni, vi Dios.

Te ka ndasaꞌa sukun san Jitoꞌo, ja na skunkuu ya ndiꞌi nagua jikan ni nuu ya.

6 Vitna te jini san ja Jitoꞌo, chi skaku niꞌnu ya tee ni kaji ya ja kotatnuni de,

te konini ya tnoꞌo jikantaꞌu de ndee andivi nuu ii oo ya,

te jin jakaꞌnu ya skaku niꞌnu ña ya.

7 Sava tee ka jaxin tnaꞌa, chi ka kukanu ini de carreta de,

te sava de, chi ka kukanu ini de kuai de,

su yoon, chi ka kukanu inio Jitoꞌo, ia kuu Dios mao.

8 Tee yun, chi ka kuita de, te ka ndonso de,

su yoon, chi ka nduu ndakuio, te ka nukuiin yutnuo.

9 Skaku niꞌnu ni rey, vi Jitoꞌo san,

te konini ni tnoꞌo ka kaꞌan san

kiuu ka ndakakuneꞌe ña san jin ni, vi Dios.