1 Kusii ini rey, chi ia ndakui kuu ni, vi Jitoꞌo.

Te kusii ini ndevaꞌa de, chi ni chituu ni de ja ni kundee de.

2 Te ni jiñaꞌa ni ja ndioo ini anu de,

vi ni jiñaꞌa ni ja ni jikan de nuu ni.

3 Chi ni saꞌa vii ni saꞌa vaꞌa ni de,

te ni ndaskutu ni xini de jin oro vii ndevaꞌa.

4 Ni jikan de ja koteku de kuaꞌa kuia,

te ni jiñaꞌa ni ja koteku de nikuii nikani.

5 Ni chituu ni de ja ni kundee de, te ni kuu kaꞌnu de ja teku tnoꞌo de,

te ni jiñaꞌa ni jayiñuꞌu vi jakaꞌnu nuu de.

6 Chi ni saꞌa vii ni saꞌa vaꞌa ni de nikuii nikani,

te kusii ini ndevaꞌa de ja oo maa ni jin de.

7 Chi kukanu ini ña rey jin Jitoꞌo,

vi kukanu ini de ja kundaꞌu ini ña ia oo ndee sukun jin de,

te ma kendoo kueꞌe saꞌun de.

8 Te kenta ni kakuiko ni ndiꞌi ñayiu ka kaꞌan uꞌu ña,

te ndaꞌa kuaꞌa ni kakuiko ni ñayiu yun ja ka skexiko ña jin ni.

9 Te nuu na ndenta ni, vi Jitoꞌo, kiuu ja sandaa ni kuechi,

te tnaa ni ñayiu yun nuu in jitnu ja kai koko koko,

te jin jakiti ini ni, te xnaa ndiꞌi ni jin, te vi kai jin ñuꞌu.

10 Te xnaa ni seꞌi vi ndikin tatai ja ka oo neꞌu ñayiu ñuyiu.

11 Chi ni ka ndakoi siki ni ja vi saꞌa ñai jakueꞌe,

te ni ka ndakani kueꞌe ini jin ni,

su ma vi kundei.

12 Chi kundee maa ni, te skunu ni jin,

te koto guaꞌa ni jin kuji ni, te tiuu ni ñayiu yun.

13 Saꞌa kaꞌnu ni maa ni jin jandakui ni, vi Jitoꞌo,

te na vi kata san ja ka saꞌa kaꞌnu ña san jin ni, chi ia ndakui ndevaꞌa kuu ni.