1 Ndee nuu yuku ii Sión ni skuja ia Dios cimiento ñuu ya.

2 Te kutoo ka Jitoꞌo yeꞌe yuku Sión,

saa nagua kutoo ya sava ka ñuu ñayiu Israel.

3 Ka kachi ñayiu ja luu ndevaꞌa ka kaa ron ja kuu ron ñuu ia Dios.

4 Te ñayiu ja ka jini ña jin san ka kuu ñayiu Egipto vi ñayiu Babilonia,

vi ñayiu filisteo vi ñayiu ñuu Tiro vi ñayiu Etiopía,

te ka kachi: “Ñayiu yaꞌa ni ka nduu ñayiu yuku Sión”.

5 Te ñayiu yuku Sión yaꞌa vi kachi: “Ñayiu yaꞌa vi ñayiu yun ni ka kaku ñuu yaꞌa,

te maa ia Dios oo ndee sukun ni jani yutnu ñuu yaꞌa”.

6 Te ndasoo maa Jitoꞌo sivi in in ñayiu nuu liuru nuu ka yoso sivi maa ñayiu ñuu ya,

te tee ya nuu tutu ja kokaꞌan: “Ñayiu yaꞌa ni ka kaku yuku Sión”.

7 Te ñayiu ka jita yaa vi ñayiu ka jita jaꞌa, vi kachi:

“Nuu maa ron ja kuu ron yuku Sión oo ndiꞌi ja teku rin”.