10
1 De'e Noa natunavo iavetadi Semi, Ami wata Iefeta ifuifufudi. Tutuyanina wayagata i 'a'ava, Noa natunavonidi 'adi 'aitonu ma yadi vevinevo i venatuna nika natudiavo iavetadi i ve'alatubutubuga.
Iefeta tubunavo
2 Iefeta natunavo side 'adi wagava.
Goma, Magogi, Madai, Iavani, Tubala, Meseki, Tilasi.
3 Goma natunavo side 'adi wagava.
Asikenasi, Lifati wata Togalama.
4 Iavani natunavo side 'adi wagava.
Ilaisa, Tasisi, Kitimi, Lodanimi. 5 Iavani tubunavo kumanidiavo tovenaya waka 'waidiamo i yavula i nagoi 'awalawa tulina tulina 'waidie, taunidi bonadi, 'adi wauma wata yadi sauluva tulina tulina 'awalawanidi 'waidie i miamia.
Ami tubunavo
6 Ami natunavo side 'adi wagava.
Kusi, Misilemi, Futi wata Kenani.
7 Kusi natunavo side 'adi wagava.
Siba, Avila, Sabeta, Lema, Sabeka.
Lema natunavo side 'adi wagava.
Siba wata Ideni.
8 Wata Kusi tubuna Nimiloda, kumanina nagamidiotoga tovemata'ai'ai kumekumetana fwayafwaya matatabuna 'waineye. 9 Tomogonina toveyaoga toketokeotogina 'ana wagava tomotoga yadi 'eba vetalatutula 'Auvea mataneye. Begaidi 'ai'edi tamu aitoi 'aisaya walawala'ai kasikasisidi i luluvewafadi, tomotoga i na vona i na vo, Tomogo de'e Nimiloda bani'odi, kumanina toveyaoga toketokeotogina 'Auvea mataneye.” 10 Yana 'eba veimea i yogoni 'awalawa Babiloni 'waineye, 'atamana 'adi wagava, Babiloni, Eleki, Akadi wata Kaline. 11 'Awalawanina i 'iaweni i nago 'awalawa Asilia yana 'eba veimea nageneye, bei 'atamana bwaikidi Ninive, Leobota-Ili wata Kala i yogonidi. 12 We'e Leseni, 'atamananina bwaikaotogina 'atamana Ninive wata Kala we'e kamwadie.
13 Misilemi tubunavo 'waidiega side 'aila'anidi i souyedi.
Me Ludi, me Anami, me Leabi, me Nafitu, 14 me Fafilusa, me Kasilu, (kumanidiavo me Filisitia 'waidiega i souyedi), wata me Kafito.
15 Kenani natuna tulaina 'ana wagava Saidoni, me Saidoni tubudi. Kenani wata bani'odi tubunavo me Aiti, 16 me Iebusaiti, me Amolaiti, me Gegasaiti, 17 me Aiviti, me Akaiti, me Sinaiti, 18 me Avadaiti, me Semalaiti, me Amati.
Mulieta me Kenani 'adi wauma i vebwaika i yavula. 19 Me Kenani yadi 'eba veimea i vebwaika, i velamu 'atamana Saidoni 'wainega i nago 'atamana Gelai wata Gasa yavalatayega, we'e inala yana 'eba lakayega Sodoma, Gomola, Adema we'e Seboimu Lasa lilivaneye.
20 Side 'aila'anidi Ami natunavo, 'adi wauma 'aitamogana 'aitamogana, bonadi tulina tulina, yadi 'awalawa 'aitamogana 'aitamogana, wata yadi sauluva tulina tulina.
Semi tubunavo
21 Wata Semi natunavo i tubuga, tulaina Iefeta. Semi tubunavo 'waidiega me Iba matatabudi i souyedi.
22 Semi natunavo side 'adi wagava.
Ilamu, Asula, Afakisadi, Ludi wata Alami.
23 Alami tubunavo side 'adi wagava.
Usa, Uli, Geta, Meseki.
24 Afakisadi natuna Sila, Sila natuna Iba.
25 Iba natunavo iavetadi 'adi 'ailuga.
Tamu 'ana wagava Feliki, 'ana saivila 'idi, fai tutuyanina 'waineye tomia fwayafwaya bonadi 'aitamogana, mulieta bona tulina tulina 'wainega yadi mia i 'idia. Iba taina 'ana wagava Ioketani.
26 Ioketani tubunavo side 'adi wagava.
Alimodadi, Selefi, Esamaveti, Iela, 27 Adoloma, Usala, Dikila, 28 Obala, Abimaela, Siba, 29 Ofia, Avila, Iobaba. Tomotoganidi matatabudi Ioketani 'ana wauma 'wainega i souyedi.
30 'Awalawanina yana 'eba veimea i velamu Mesa 'wainega i nago 'atamana Sefali 'oya siaina 'waineye, inala yana 'eba lakayega.
31 Side 'aila'anidi Semi tubunavo, 'adi wauma 'aitamogana 'aitamogana, bonadi tulina tulina, yadi 'awalawa 'aitamogana 'aitamogana, wata yadi sauluva tulina tulina.
Noa natunavo 'adi 'aitonu 'adi wauma
32 Side bani'odi, Noa natunavo 'adi 'aitonu 'waidiega wauma fuedi i souyedi, 'aila'a 'aitamogana 'aitamogana tubulelelegidi 'waidiega. Tutuyanina wayagata wata ufa bwaikina i 'a'ava, Noa natunavo 'waidiega,'aila'a tulina tulina i susula fwayafwaya matatabuna 'waineye.