1 Tutuyanina Ebelamu 'ana malamala 99 i veluagai nika 'Auvea i souyeni 'waineye i voneni i vo, Yau Yaubada Toketokeotogiku.*'Ana mogitana vona Ibeliu 'waineye, wagavanina El Shaddai. Yaku veimea 'u na vevematayakeyakedi wata tutuya matatabuna 'u na vevesauluva-'atumai matakuye. 2 Yaku Veakutagona a na kiavefa'ali, yau wata 'omu 'waideye, 'amu 'aila'a a na 'ivebwaikaotogi.” 3 Nika Ebelamu ma yana ve'ililibu i lumata'afufu fwayefwayeye. Yaubada i vo, 4 'U na nuanuani. Yaku veakutagona 'waimuye side bani'odi a vo, 'Omu 'waimuyega 'aila'a fueotogidi wata bwaikidi i na souyedi.’ 5 Lom 4:17Nagamidi 'amu wagava Ebelamu, 'asiau ma'itufa 'amu wagava a sivedamaneni bega a na golemu Ebelamo†Ebelamu 'ana 'aseta Tama Bwaikina wata ma 'ana ve'ililibu we'e Ebelamo 'ana 'aseta 'Aila'a fuedi wata bwaikidi Tamadi. fai a venua'ivinemu 'omu 'aila'a fuedi wata bwaikidi tamadi. 6 Yaku toketokena 'wainega 'u na venatuvea'wa nika tubumwavo 'adi 'aila'a i na vefueotoga wata i na vebwaika-'afo'afo we'e 'waidiega kini fuedi i na souyedi. 7 Luk 1:55Yaku veakutagona a na kiavefa'ali 'waimuye wata tubumwavo lakata fueotogidi i mimai 'waidie i na 'eno-vagata. Yau yamu Yaubada wata 'awaie tubumwavo yadi Yaubada. 8 Fol 7:5'Awalawa Kenani 'asiau bei 'u miamiaga 'omu 'u vewakawaka, siwe fwayafwayanina matatabuna a na velemu bega tubumwavo i na vetoniwakeni yadi 'eba veimea i na 'eno-vagata we'e yau yadi Yaubada.”

9 Wata Yaubada Ebelamo 'waineye i vo, We'e 'omu, yaku veakutagona 'u na vevematayakeyakeni, 'omu wata tubumwavo lakata 'aitamogana 'aitamogana i mimaiaga taiadi. 10 Fol 7:8; Lom 4:11Yaku veakutagonanina side 'omu wata tubumwavo taiadi 'wa na nuanuani iaveta 'aitamogana 'aitamogana bunu 'aibobo i na 'ewa'ewai. 11 Bunu 'aibobo 'wa na 'ewa'ewai fai kumanina veakutagona yau wata 'omu 'waideye 'ana tugusa. 12-13 'Asiau i velamu i na nagoga lakata 'aitamogana 'aitamogana 'waidie, kwamana iavetana 'aitamogana 'aitamogana i na tubuga, 'aiata 'ana ve-8 'waineye bunu 'aibobo i na 'ewai. Veimeanina 'omi yami 'aila'a faifaimi, yami tofolova-maimaiga i tubuga yami vanuga 'waidie faifaidi wata kumanidiavo 'wa kimwanedi wakawaka 'waidiega, matatabudi bunu 'aibobo i na 'ewai. 14 'Ai'edi aitoi iavetaga siwe kebu bunu 'aibobo i na 'ewaiga, tomogonina yana 'aila'a 'wainega 'wa na 'ewayavuleni fai yaku veakutagonanina i geuya.” 15 Wata Yaubada Ebelamo i voneni i vo, Nagamidi yamu vavine 'adi wagava Selai, 'asiau kebu wata Selai 'u na golegolediga we'e 'adi wagava Sela. 16 Yau Sela a na vesauluva-'atumaiedi i na veinainage bega natumu iavetana a na velemu 'waidiega. Yaku nuakalikalinina 'wainega 'aila'a bwaikidi wata fuedi i na souyedi 'waidiega we'e 'adi wauma 'wainega kini fuedi i na vetoveimea.”

17 Ebelamo i 'odu i lumata'afufu i namaga-tumula yana nuanua 'waineye i vo, 'Akonadi a ve'auveaotoga 'aku malamala 100, we'e Sela 'akonadi i vemo'aiotoga 'adi malamala 90, kebu 'ana fata kwamana 'a na veluagai.” 18 Wata Ebelamo Yaubada 'waineye i vo, Isimeli yamu nuakalikalinina i da 'ewai.” 19 Nika Yaubada i vo, Kebu, Sela kumanidi yamu vavine mogitana i na venatuna, kwamana iavetana i na venatuneni 'ana wagava 'u na goleni Aisake. Yaku veakutagona a na yato-vagaseni 'waineye wata tubunavo i mimai 'waidie i na 'eno-vagata. 20 We'e Isimeli faifaina 'akonadi bonamu a nogai bega mogitana wata a na vesauluva-'atumaina 'waineye, natunavo fuedi a na veleni nika 'waidiega tubunavo 'adi 'aila'a i na vebwaikaotoga. Isimeli 'ana wauma 'wainega tamu 'aila'a bwaikina wata toketokena i na souyeni, wata to'edakumeta bwaikidi 'adi 12 i na tubuga i na vetoveimea. 21 We'e yaku veakutagonanina a na yato-vagaseni Aisake 'waineye, kwamananina Sela i na venatuneni 'waimuye. Weta'i 12 i na 'a'avana sino malamalanina 'waineye, bei kwamana i na tubuga. ‡17:22-27 Scripture Forge, NOT Reviewed

22 Tutuyanina Yaubada Ebelamo taiadi i veifufu i 'a'ava, i 'iaweni.

23 'Aiatanina 'waineye, Ebelamo natuna Isimeli, iaveta kumanidiavo vanuganina 'waineye i tubuga wata kimwakimwanedi, matatabudi Yaubada yana veimea i vematayakeyakeni bunu 'aibobo i 'ewai. 24 Tutuyanina Ebelamo 'ana malamala 99 i veluagai, bunu 'aibobo i 'ewai, 25 wata 'aiatanina 'waineye, Isimeli 'ana malamala 13 i veluagai. 26 'Aiatanina 'waineye Ebelamo wata natuna Isimeli Yaubada yana veimea i vematayakeyakeni, bunu 'aibobo i 'ewai. 27 Wata bani'odi yana vanuga 'ana tomia, iaveta tulaidi wata kwakwama, kumanidiavo bei i tubuga, 'alo i kimwanedi vetofolova-maimaiga faifaina, matatabudi bunu 'aibobo i 'ewai, Ebelamo taiadi.