5 Mulieta Iso vevine wata yavayavava i 'isedi i velutolieni i vo, Tomotoganidi egavo taiadi 'wa mai?”

Iakobo i vo, Yaubada ma yana nuakalikali i vesauluva 'atumaina yaku tofolova vevinedi natudiavo.” 6 Mulieta tofolovanidi ma natudiavo i maia Iso 'waineye ma yadi ve'ililibu i 'odu mataneye. 7 I 'a'avana, Lea ma natudiavo i maia ma yadi ve'ililibu i 'odu Iso 'waineye, mulieta Iosefa ma inana Litieli i mai ma yadi ve'ililibu i 'odu Iso 'waineye.

8 Wata Iso Iakobo i velutolieni i vo, Aitoi yana 'aisayavo 'edeye a veluagadi 'ana 'aseta bani'odi?”

Iakobo i vo, de'e yaku nuakalikali 'ana 'anivelena 'waimuye, yada veiana 'ana veakutagona faifaina.”

9 Siwe Iso i vo, taiku yau 'akonadi 'aku sala wata yaku 'aisayavo fuedi i miamiani, 'asa'aiana 'omu faifaimu.”

10 Siwe Iakobo i voneni i vo, 'Asa'aiana, 'ai'edi 'u nuakalikalieku mogitana, yaku nuakalikali 'u na 'ewai. Ma yaku sosoana a 'isemu, 'wa da vo Yaubada maigina a da 'iseni, wata tutuyanina ta veluaga ma yamu sosoana 'u lu'uma'umaieku. 11 Yaubada ma yana nuakalikali i vesauluva 'atumaina 'waikuye, begaidi nuanuaku yaku nuakalikalinina a mieniga 'u na 'ewai. Yau nani matatabuna 'asa'aiana 'aku fata, kebu fuediga siwe 'aku fata a na velemu.” Iakobo i toke i velu'ui-nuakalikali 'waineye begaidi Iso nuakalikalinina i 'ewai.

12 Mulieta Iso i vo, 'Asa'aiana ta na tauya, yau a na kumeta.”

13 Iakobo i vo, 'aku toveimea 'u 'iseni, 'ifwaidi kwakwama bola siaidi wata 'aisaya natudiavo siasiaidi. 'Ai'edi i na toke i na lilidega, 'aiata 'aitamogana nageneye i na nago i na lavia, 'aisayanidi matatabuna i na ve'alawafawafa. 14 'Aku toveimea, nuanuaku 'u da kumeta yau yamu tofolova 'ada vemuli. I ma 'ako ma'inuama mulimuye 'ana wai kwakwama wata 'aisaya siasiaidi yadi nago 'ana 'etowava 'wainega. We'e yau 'atamana Seli 'waineye ta veluaga.”

15 Iso i vo, 'Atumaina, siwe nuanuaku yaku tomotoga 'ifwaidi a na vonedi i na kumeta i na 'i'ita'ita'iemu.”

Iakobo i vo, yamu veifufu 'waikuye 'asa'aiana, kebu faifaina 'u na nuanua.”'Aku toveimea fai 'akonadi ma yamu sosoana 'u lu'uma'umaieku yada veluaga 'ana tutuye.

16 Bega 'aiatanina 'waineye Iso i vilai i nago 'atamana Seli 'waineye. 17 We'e Iakobo i tovoi i nago 'atamana Sukoti, bei taunina vadavada i yogoni wata yana 'aisayavo yadi lau'weta i 'idewadi. Begaidi 'atamananina i goleni Sukoti. ( 'ana 'aseta lau'weta. )

18 Mulieta Iakobo i tauya Fadani-Lami 'wainega i nago i le'wa 'atamana Sekemu, 'awalawa Kenani nageneye. We'e 'atamananina lilivaneye bei yana vadavada i vetovoia. 19 Basenadi Iakobo tamu fwayafwaya i kimwanei Emoli yana 'aila'a 'waidiega, taunina Sekemu tamana. Tanoganina i kimwaneiga kileu siliba 100 'wainega. 20 Bei tamu 'eba velomu i didigi 'ana wagava i goleni Eli-Eloe-Isileli.