2 Bega Iakobo yana 'aila'avo matatabudi i vonedi i vo, Kumaea matatabuna 'wa na 'ewayavuledi, taunimi 'wa na 'ivevunavunagimi, wata talauma vunavunagidi 'wa na ve'wesenedi. 3 Wata Iakobo i vo, Tutuya de'e ta na nago Bedeli, bei tamu 'eba velomu a na didigi Yaubada faifaina. Fai kumanina basenadi vita bwaikina i souyeni 'waikuye, siwe Yaubada yaku velu'ui i nogai wata i 'ivaiseku. Wata tutuyanina ava'ai bei a na nagoga kumanina yau taiadi.”

4 Begaidi tomotoganidi yadi kumaea wata 'adi 'oma'oma i 'anivelenedi Iakobo 'waineye, i tavunidi welavi bwaikina lamuneye, Sekemu lilivaneye. 5 Tutuyanina i tauya i nunago, Yaubada 'ana kololo 'atamana 'aitamogana 'aitamogana 'adi tomotogavo i vevebaedi, begaidi kebu tamu aitoi Iakobo yana 'aila'avo i da daba 'waidie.

6 Mulieta Iakobo ma yana 'aila'avo i le'wai 'atamana Losi 'waineye, 'awalawa Kenani nageneye, 'atamananina tamu 'ana wagava Bedeli. 7 Bei Iakobo tamu 'eba velomu i didigi bega 'eba velomunina i goleni Eli-Bedeli, ('ana saivila Bedeli De'e Yaubada yana Vanuga), fai bei Yaubada i souyeni 'waineye, tutuyanina Iakobo i dega tatana Iso 'wainega.

8 'Aiata 'ifwaidi i 'a'ava, mulieta Libeka 'adi to'isave'avina 'adi wagava Debola i wafa, i ve'ufadi welavi oaki lamuneye, 'atamana Bedeli laube'una 'waineye. Bei welavinina i goleni Aloni-bakuti, 'ana 'aseta mogai oaki 'waineye.

9-10 Nag 32:28Iakobo 'akonadi i vilai Mesafotemiayega we'e i miamia Bedeli, bei Yaubada i souya-vaituganeni Iakobo 'waineye nika i vona-nuakalikalieni i vo, 'Omu 'amu wagava Iakobo, we'e 'asiau bega i na nagoga kebu i na golemu Iakobo, 'amu wagava Isileli.” Nika Yaubada wagavanina Isileli i goleni*Vona Ibeliu 'waineye, wagava Iakobo 'ana 'aseta Tovekali, we'e wagava Isileli 'ana 'aseta Yaubada taiadi i vevetalaga. 11 Nag 17:4-8Wata Yaubada i vo, Yau Yaubada Toketokeotogiku. 'U na venatuvea'wa nika 'amu 'aila'a i na vefueotoga wata 'waimuyega 'aila'a fuedi wata bwaikidi i na souyedi, we'e tubumwavo 'ifwaidi i na ve-kini. 12 Fwayafwayanina basenadi Ebelamo wata Aisake a veledi, 'awaie a na velemu, 'omu wata tubumwavo 'waimie 'wa na ve'itulamuyeni.” 13 Yaubada i veifufu i 'a'avana, 'awalawanina 'wainega i 'iaweni i laka.

14 Nag 28:18,19Bei Iakobo Yaubada taiadi i veifufuga kileu i sivetovoia nika oine i iwagi yana 'anivelena Yaubada 'waineye wata ma yana ve'ililibu bunama i iwagi kileunina 'waineye yana 'eba nuave'avina faifaina. 15 Mulieta 'awalawanina i goleni Bedeli†Bedeli 'ana 'aseta Yaubada yana Vanuga. fai bei Yaubada Iakobo taiadi i veifufu.

16 Iakobo ma yana 'aila'avo 'awalawa Bedeli i 'iaweni, i nunagoi sai'afo 'ani'ie Efaleti 'wainega Litieli i vebutudi siwe tutuya manamanawena i vetafewedi. 17 Bola i vevetafewa tamu to'ivevauvau i vonedi i vo, Kebu 'wa na kolologa sai'afoga tamu natumi iavetana i na tubuga.” 18 'Akonadi kwamana i tubuga Litieli i goleni 'ana wagava Benoni‡Benoni 'ana 'aseta Natuku yaku veviga 'wainega. nika yawaidi i 'awatagoni, we'e tamana kwamananina i goleni Beniamina.§Beniamina 'ana 'aseta Natuku 'aku 'atagi. 19 Litieli 'akonadi yawaidi i 'a'ava mulieta i ve'ufadi 'edanina i nunago Efaleti lilivaneye, we'e 'atamananina tamu 'ana wagava Bedeliema. 20 Iakobo kileu i didigi Litieli 'adi taumata 'waineye yadi 'eba nuave'avina, we'e 'asiau bola i 'eno'eno.

21 Mulieta Isileli i tauya i nago Migidali-Eida lilivaneye bei i yana vadavada i vetovoia.

22 Tutuyanina bei i miamia , tamu 'aiata 'waineye Lubeni i luku tamana tamu yana tofolova-maimaiga 'adi wagava Bilani taiadi i 'eno nika Iakobo valana i nogai.

De'e Iakobo natunavo 12 'adi wagava.

De'e Iakobo natunavo, tutuyanina i miamia Mesafotemia i tubuga.

27 Nag 13:18Iakobo i vilai i mai tamana Aisake 'waineye, i miamiani Mamile, Kiliati-alaba lilivaneye. Kiliati-alaba tamu 'ana wagava Ebiloni, bei basenadi Ebelamo ma natuna Aisake i mia. 28 I miamia Aisake 'ana malamala 180 i veluagai. 29 'Akonadi i ve'auvea-'afo'afo nika yawaina i 'a'ava bega i nago tubunavo taiadi i veluaga. I 'a'avana, natunavo Iso wata Iakobo i ve'ufai.