36
Iso tubunavo
1 Iso, kumanina tamu 'ana wagava Idomu, yana 'aila'avo side 'adi veifufu. 2 Iso Kenani vevine ne'e'elidi 'adi 'ailuga i nagidi. Vevinenidi side 'adi wagava Adai, Eloni tomogo Aiti natuna wata Olibaima, kumanina Anai natuna we'e Sibioni tomogo Aiviti tubuna. 3 Wata Iso Basemati i nagia Isimeli natuna we'e Nebeiota novuna. 4 Adai i venatuna natudi iavetana i venatuneni 'ana wagava Elifasi, we'e Basemati i venatuna natudi iavetana i venatuneni 'ana wagava Leueli. 5 Olibaima i venatuna, natudiavo iavetadi side 'adi wagava Ieusa, Ialama wata Kola. Tomotoganidi matatabudi Iso natunavo i tubuga 'awalawa Kenani 'waineye.
6 Iso yana vevinevo, natunavo, yana vanuga 'ana tomia matatabuna, yana 'aisayavo, yana 'ai'aiwabu wata yana kukua 'ifwaidi. Kenani 'wainega i tauya taina Iakobo i 'iaweni i nago tulineye. 7 Fai 'atamananina bei i miamia fwayafwaya kebu 'adi fata fai yadi 'aisayavo wata yadi kukua fueotogidi. 8 Bega Iso, kumanina 'ana wagava Idomu, i nago 'oya Seli 'waineye i mia.
9 Iso tubunavo 'adi veifufu side bani'odi. Iso 'ana wauma 'ana wagava Idomu, i miamia 'Oya Seli 'waineye.
10 Iso natunavo side 'adi wagava.
Elifasi, Iso yana vavine Adai natudi, wata Leueli, Iso yana vavine Basemati natudi.
11 Elifasi natunavo side 'adi wagava.
Temani, Omali, Sefo, Gatamu, Kenasi. 12 Iso natuna Elifasi 'ana 'aimuli 'adi wagava Timuna natudi i venatuneni 'ana wagava Amaleki. Iso yana vavine Adai tubudiavo.
13 Leueli natunavo side 'adi wagava. Naati, Dela, Samama wata Misa. De'e Iso tubunavo Iso yana vavine Basemati 'waidiega.
14 Wata Iso yana vavine Olibaima natudiavo side 'adi wagava, kumanina Anai natuna we'e Sibioni tubuna. Vavinenidi natudiavo 'adi wagava Ieusa, Ialama wata Kola.
15 De'e Iso tubunavo, kumanidiavo wauma 'adi to'edakumetavo, 'aila'a 'aitamogana 'aitamogana 'adi wagava.
Iso natuna tulaiotogina Elifasi natunavo, wauma 'adi to'edakumetavo, Temani, Omali, Sefo, Kenasi, 16 Kola, Gatamu, Amaleki. De'e tomotoganidi 'adi wagava side. 'Aila'anidi i miamiani 'awalawa Idomu 'waineye. Elifasi 'ana wauma 'wainega i souyedi. Tomotoganidi matatabudi Iso yana vavine Adai 'waidiega i souyedi, Iso tubunavo we'e Elifasi natunavo.
17 Iso natuna Leueli, we'e natunavo Iso tubunavo wauma 'adi to'edakumetavo side 'adi wagava Naati, Dela, Samama wata Misa. De'e tomotoganidi wauma 'ana to'edakumetavo Leueli 'ana wauma 'wainega i souyedi, 'awalawa Idomu 'waineye i miamia. Tomotoganidi matatabudi Iso yana vavine Basemati tubudiavo.
18 Iso yana vavine Olibaima 'adi wauma 'adi to'edakumetavo 'waidiega i souyedi side 'adi wagava. Ieusa, Ialama wata Kola. We'e to'edakumetavo 'adi wagava i souyedi Iso yana vavine Olibaima 'waidiega, taunidi Anai natuna.
19 De'e Iso tubunavo 'adi veifufu, taunina tamu 'ana wagava Idomu, 'adi wauma wata yadi to'edakumetavo 'adi wagava.
Tomotoganidi nagami 'awalawa Idomu 'wainega i souyedi
20 Side waumanidi 'adi wagava. Seli tomogo Owa 'ana wauma 'wainega i souyeni i nago 'awalawa Idomu 'waineye bei mia. Tomotoganidi side 'adi wagava, Lotani, Sobala, Sibioni, Anai, 21 Disoni, Esedi, Disana. De'e tomotoganidi wauma Owa 'ana to'edakumetavo, taunidi Seli natunavo i miamiani 'awalawa Idomu 'waineye.
22 Lotani natunavo Owa wata Emami, we'e Lotani novuna 'adi wagava Timina.
23 Sobala natunavo side 'adi wagava. Alivani, Manati, Ebali, Sifo wata Onami.
24 Sibioni natunavo side 'adi wagava, Aia wata Anai. (Anai kumanina basenadi tamana yana doniki i 'isave'avinidi nika muna i 'iseni sali'avu'avuye.)
25 Anai natunavo 'adi 'ailuga side 'adi wagava. Natuna iavetana Disoni wata natuna vevinena Olibaima.
26 Disoni natunavo side 'adi wagava. Emidani, Esibani, Itilani wata Kelani.
27 Esedi natunavo 'adi 'aitonu side 'adi wagava. Bilani, Savana wata Ekani.
28 Disana natunavo 'adi 'ailuga, 'adi wagava side Usa wata Alani.
29 Side toveimeanidi Owa 'ana wauma 'wainega. Tomotoganidi 'adi wagava, Lotani, Sobala, Sibioni, Anai, 30 Disoni, Esedi, Disana. Owa natunavo 'adi 'aitonu 'adi wagavayega wauma i goledi we'e yadi to'edakumetavo matatabuna i miamia 'awalawa Seli 'waineye.
'Awalawa Idomu 'ana toveimeavo
31 De'e kininidi kumanidiavo 'awalawa Idomu 'waineye i veveimea, tutuyanina 'waineye kebu tamu kini me Isileli i da veveimeyedi.
32 Beo natuna Bela, kumanina me Idomu yadi kini i veveimeyedi, we'e yana 'atamana 'ana wagava Dinaba.
33 Tutuyanina Bela i wafa, Iobaba natuna Dela 'atamana Bosola 'wainega i ve-kini taunina tutulina.
34 Tutuyanina Iobaba i wafa, Usami 'awalawa Temani 'wainega i ve-kini taunina tutulina.
35 Tutuyanina Usami i wafa, Adadi, Bedadi natuna i ve-kini taunina tutulina, 'atamana Aviti 'wainega i ve-kini. Kumanina basenadiotoga me Midiani i leodi 'awalawa Moabe 'waineye nika i vetoketoke-'iawedi.
36 Tutuyanina Adadi i wafa, Samala 'atamana Maseleka 'wainega i ve-kini taunina tutulina.
37 Tutuyanina Samala i wafa, Saulo tomogo Leobota ufa vi'ainega i ma'itufa i vekini.
38 Tutuyanina Saulo i wafa, Beli-anani, Akibo natuna i ve-kini.
39 Tutuyanina Akibo natuna Beli-alani i wafa, Adadi i ve-kini yana 'eba veimea kebu 'ida baileni, we'e yana 'atamana Fau 'wainega i veveimea. Yana vavine 'adi wagava Metabela, taunidi Matedi natuna wata Me-Saeba tubuna.
40 Iso tubunavo side 'adi wagava, taunidi to'edakumetavo. Tutuyanina Iso tubunavo i ve'alatubutubuga 'adi wagava 'asa'aiana 'adi wauma i goledi, 'atamananidi side 'adi wagava, Timina, Aleva, Ieteti, 41 Olibaima, Ila, Finoni, 42 Kenasi, Temani, Mibisa, 43 Magidiela, Ilamu. Side bani'odi me Idomu yadi to'edakumetavo, 'adi wauma wata yadi 'eba mia 'aitamogana 'aitamogana 'adi wagava i goledi 'awalawanidi 'waidie. Tomotoganidi matatabudi Iso 'ana wauma 'wainega i souyedi, me Idomu tubudiavo.