7
Nehemia a filätä sounemenem fän iten Jerusalem
7.1-4
Iwe, lupwen ewe tit a wes le ses, a pwal försefäl ekewe asamalap, ekewe chon mamasa ekewe asamalapen imwenfel, ekewe chon köl me ekewe mwän seni ewe ainangen Lefi ra kefilitä ngeni en me an angang. Mürin, üa awisa Hanani pwii we me Hanania ewe meilapen imwen maun pwe repwe nemeni Jerusalem. Hanania eman mwän mi fokun allükülük, a pwal niuokusiti Kot lap seni chomong chienan kewe. Iwe, üa üreniir, “Ekewe asamalapen Jerusalem resap suk tori akkar a tinekeniken, nge repwe kapüng o lokkola, lupwen ekewe chon mas ra chüen mamas. Oupwe pwal filätä chon masen ewe tit seni lein ekewe chon Jerusalem, ekoch repwe mamasa lon en me an lenien mamas, nge ekoch repwe mamasa awenewenen en me imwan.” Iwe, Jerusalem eu telinimw a chömong o watte, nge aramasen lon ra chokükün, esap pwal wor chomong imw mi kaütä.
Iteiten ekewe aramas mi liwinto seni ar oola
7.5-73
(Esr 2.1-70)
Mürin, Kot a atolonga lon ai ekiek pwe üpwe amwichafengeni ekewe aramas tekia, ekewe nöüwis me ekewe aramas, pwe epwe mak iteiter lon tettelin uruwor. Iwe, üa küna ewe puken uruwon chokewe mi liwinsefälito akom, nge iei mine a mak lon:
Ikkeiir ekewe aramas mi oola lon Papilon ra liwinsefäliti Jerusalem me Juta lon en me poputän telinimwan. Ir chokewe ewe king Nepukatnesar a uweerela Papilon me lom. Iwe, nöür kewe souemwen Serupapel, Jesua, Nehemia, Asaria, Ramia, Naamani, Mortekai, Pilsan, Misperet, Pikwai, Nehum me Paana.
Iei iteiten ekewe mwän seni ekewe aramasen Israel mi liwinsefäl seni ar oola: Ekewe mwirimwirin Paros ükükün ruungeröü ipükü fik me ruoman. Ekewe mwirimwirin Sefatia ükükün ülüpükü fik me ruoman. 10 Ekewe mwirimwirin Ara ükükün wonopükü lime me ruoman. 11 Ekewe mwirimwirin Pahat-moap, ir mwirimwirin Jesua me Joap ükükün ruungeröü walupükü engol me waluman. 12 Ekewe mwirimwirin Elam ükükün engeröü ruupükü lime me föman. 13 Ekewe mwirimwirin Satu ükükün walupükü faik me limman. 14 Ekewe mwirimwirin Sakai ükükün füpükü wone. 15 Ekewe mwirimwirin Pinui ükükün wonopükü faik me waluman. 16 Ekewe mwirimwirin Pepai ükükün wonopükü rüe me waluman. 17 Ekewe mwirimwirin Askat ükükün ruungeröü ülüpükü rüe me ruoman. 18 Ekewe mwirimwirin Atonikam ükükün wonopükü wone me füman. 19 Ekewe mwirimwirin Pikwai ükükün ruungeröü wone me füman. 20 Ekewe mwirimwirin Atin ükükün wonopükü lime me limman. 21 Ekewe mwirimwirin Ater, ir mwirimwirin Hiskia ükükün tiue me waluman. 22 Ekewe mwirimwirin Hasum ükükün ülüpükü rüe me waluman. 23 Ekewe mwirimwirin Pesai ükükün ülüpükü rüe me föman. 24 Ekewe mwirimwirin Harif ükükün ipükü engol me ruoman. 25 Ekewe mwirimwirin Kipion ükükün tiue me limman. 26 Iei iteiten ekewe mwän mi pwal liwinsefäl seni ar oola, lewor ra pop seni ekei telinimw: Seni Petleem me Netofa ükükün ipükü walik me waluman. 27 Seni Anatot ükükün ipükü rüe me waluman. 28 Seni Pet-asmafet ükükün faik me ruoman. 29 Seni Kiriat-jearim, Chefira me Peerot ükükün füpükü faik me ülüman. 30 Seni Rama me Kepa ükükün wonopükü rüe me eman. 31 Seni Mikmas ükükün ipükü rüe me ruoman. 32 Seni Petel me Ai ükükün ipükü rüe me ülüman. 33 Seni pwal ewe eu telinimw Nepo ükükün lime me ruoman. 34 Seni pwal ewe eu telinimw Elam ükükün engeröü ruupükü lime me föman. 35 Seni Harim ükükün ülüpükü rüe. 36 Seni Jeriko ükükün ülüpükü faik me limman. 37 Seni Lot, Hatit me Ono ükükün füpükü rüe me eman. 38 Seni Sena ükükün ülüngeröü tiupükü ilik.
39 Iei iteiten ekewe souasor mi liwinsefäl seni ar oola: Ekewe mwirimwirin Jetaia, ir chon leimwen Jesua ükükün tiupükü fik me ülüman. 40 Ekewe mwirimwirin Imer ükükün engeröü lime me ruoman. 41 Ekewe mwirimwirin Pasur ükükün engeröü ruupükü faik me füman. 42 Ekewe mwirimwirin Harim ükükün engeröü engol me füman.
43 Iei iteiten chon ewe ainangen Lefi mi liwinsefäl seni ar oola: Ekewe mwirimwirin Jesua me Katmiel, ir mwirimwirin Hotawia ükükün fik me föman. 44 Iei iteiten ekewe chon köl: Ekewe mwirimwirin Asaf ükükün ipükü faik me waluman. 45 Iei iteiten ekewe chon mamasa asamalapen imwenfel: Ekewe mwirimwirin Salum, Ater, Talmon, Akup, Hatita me Sopai, irfengen meinisin ükükün ipükü ilik me waluman.
46 Ikkei ir ekewe chon angang ngeni imwenfel mi liwinsefäl seni ar oola: Ekewe mwirimwirin Siha, Hasufa me Tapaot, 47 Keros, Sia me Paton, 48 Lepana, Hakapa me Salmai, 49 Hanan, Kitel me Kahar, 50 Reaia, Resin me Nekota, 51 Kasam, Usa me Pasea, 52 Pesai, Meunim me Nefusesim, 53 Pakpuk, Hakufa me Harur, 54 Paslit, Mehita me Harsa, 55 Parkos, Sisera me Tema, 56 Nesia me Hatifa.
57 Ikkei ir mwirimwirin nöün Salomon kewe chon angang mi liwinsefäl seni ar oola: Ekewe mwirimwirin Sotai, Soferet me Perita, 58 Jala, Tarkon me Kitel, 59 Sefatia, Hatil, Pokeret-hasepaim me Amon. 60 Iwe, iteiten ekewe chon angang ngeni imwenfel me ekewe mwirimwirin nöün Salomon kewe chon angang ükükün ülüpükü tiue me ruoman.
61 Ikkei iteiten chokewe mi feito seni ekewe telinimw Telmela, Telharsa, Cherup, Aton me Imer, nge resap tongeni afata än semelaper kewe cho, ika ir mwirimwirin chon Israel: 62 Ekewe mwirimwirin Telaia, Topia me Nekota ükükün wonopükü faik me ruoman. 63 Nge seni lein ekewe souasor esap afat lewor: Ekewe mwirimwirin Hopaia, Hakos me Parsilai. Ätei a angei eman pwülüan seni ekewe fefin nöün Parsilai ewe re Kiliat o iteni iten semen pwülüan we. 64 Ikkei ir ekewe mwän ra kütta iter me lein chokewe mi makelong iter lon ewe puken uruwo, nge resap küna. Iei mine resap tongeni wiseni ewe wisen souasor, pun ra nom lon tettelin chon limengau. 65 Iwe, ewe kepina a üreniir pwe resap tongeni mongö seni ewe mongö mi unusen pin, tori epwe wor eman souasor mi tongeni kütta pwüngün ren ewe Urim me Tumim * Urim me Tumim: ruu minen asisil ra aea le asisila letipen Kot. Eks 28.30; Tut 33.8
66 Iwe, iteiten unusen ewe mwichen aramas mi liwinsefäl seni ar oola ükükün faik me ruungeröü ülüpükü wone. 67 Nge nöür chon angang mwän me chon angang fefin resap alealong lon ei iteit ükükün fisungeröü ülüpükü ilik me füman. Mi pwal wor nöür chon köl mwän me fefin ükükün ruupükü faik me limman. 68 Iwe, a pwal wor nöür oris ükükün füpükü ilik me wonoman, nöür ätemwänin aas ükükün ruupükü faik me limman, 69 nöür kamel ükükün föpükü ilik me limman, nge nöür aas ükükün wonongeröü füpükü rüe.
70 Iwe, chomong lein ekewe aramas ra fangala pisek ngeni angangen ewe imwenfel: Ewe kepina a fangala ina epwe ükükün engol me tiu paun kolt, lime sepi me limepükü ilik üfen souasor. 71 Ekoch me lein ekewe mwänirelan än semer kewe cho ra pwal fangala ngeni angangen ewe imwenfel ina epwe ükükün ülüpükü fik me limu paun kolt me ina epwe ükükün eu euleülüngat ton silifer. 72 Nge ekewe lusun aramas ra fangala ina epwe ükükün ülüpükü fik me limu paun kolt me ina epwe ükükün eu eulerüanü ton silifer me wone me fücho üfen souasor. 73 Iwe, ekewe souasor me chon ewe ainangen Lefi, ekewe chon mamasa asamalapen imwenfel, ekewe chon köl, ekoch me lein ekewe aramas, ekewe chon angang ngeni ewe imwenfel me ekewe lusun chon Israel meinisin ra nonom lon en me an telinimw. 1.Kron 9.2; Ne 11.3

*7:65: Urim me Tumim: ruu minen asisil ra aea le asisila letipen Kot

7:65: Eks 28.30; Tut 33.8

7:73: 1.Kron 9.2; Ne 11.3