1 Iei tettelin än ekewe aramasen Israel sai, lupwen ra towu seni ewe fanü Isip lon ar kewe ainang fän emwenien Moses me Aaron. 2 Iwe, Moses a makeetiu iteiten eu me eu kewe leni ra sai seni, usun ewe Samol mi Lapalap a allük ngeni. Iwe, iei tettelin ar sai seni eu leni tori pwal eu leni. 3 Iwe, ekewe aramasen Israel ra sai seni Rameses lon engol me limuen ränin ewe aeuin maram, eu rän mürin ewe pasofer. Ra töpworawu me fän mesen ekewe chon Isip meinisin, 4 lupwen ra peiaseni nöür kewe mwänichi meinisin ewe Samol mi Lapalap a nirela me lefiler. Ren ei ewe Samol mi Lapalap a pwärätä pwe i a manaman seni ekewe koten Isip.

5 Iwe, ekewe aramasen Israel ra sai seni Rameses o aüetä imwer lon Sukot. 6 Ra pwal sai seni Sukot o aüetä imwer lon Etam mi nom lesopun ewe fanüapö. 7 Iwe, ra sai seni Etam o liwiniti Pihahirot mi nom ötiuen Paal-sefon. Ra aüetä imwer arap ngeni Miktol. 8 Mürin ra sai seni Pi-hahirot, ra pwerelong lukalapen ewe matau o feilong lon ewe fanüapö. Iwe, lupwen ra sai lon ewe fanüapön Etam lon ükükün ülüngat rän, ra tori Mara o aüetä imwer ikenan. 9 Ra pwal sai seni Mara tori Elim o aüetä imwer, pun mi wor engol me ruu chönüttu me fik irä palm ikenan. 10 Mürin ra sai seni Elim o aüetä imwer arun ewe Setipar. 11 Iwe, ra sai seni ewe Setipar o aüetä imwer lon ewe fanüapön Sin. 12 Mürin ra sai seni ewe fanüapön Sin o aüetä imwer lon Tofka. 13 Iwe, ra sai seni Tofka o aüetä imwer lon Alus. 14 Ra pwal sai seni Alus o aüetä imwer lon Refitim, ewe ia esap wor ie ünümen ekewe aramas koluk. 15 Iwe, ra sai seni Refitim o aüetä imwer lon ewe fanüapön Sinai. 16 Mürin ra sai seni ewe fanüapön Sinai o aüetä imwer lon Kiprotatawa. 17 Ra pwal sai seni Kiprotatawa o aüetä imwer lon Haserot. 18 Iwe, ra sai seni Haserot o aüetä imwer lon Ritma. 19 Ra pwal sai seni Ritma o aüetä imwer lon Rimon-peres. 20 Mürin ra sai seni Rimon-peres o aüetä imwer lon Lipna. 21 Ra pwal sai seni Lipna o aüetä imwer lon Risa. 22 Iwe, ra sai seni Risa o aüetä imwer lon Kehelata. 23 Mürin ra sai seni Kehelata o aüetä imwer fäsonun ewe chuk Sefer. 24 Iwe, ra sai seni fäsonun ewe chuk Sefer o aüetä imwer lon Harata. 25 Mürin ra sai seni Harata o aüetä imwer lon Makhelot. 26 Ra pwal sai seni Makhelot o aüetä imwer lon Tahat. 27 Mürin ra sai seni Tahat o aüetä imwer lon Tera. 28 Iwe, ra sai seni Tera o aüetä imwer lon Mitka. 29 Mürin ra sai seni Mitka o aüetä imwer lon Hasmona. 30 Ra pwal sai seni Hasmona o aüetä imwer lon Moserot. 31 Iwe, ra sai seni Moserot o aüetä imwer lon Penejaakan. 32 Mürin ra sai seni Penejaakan o aüetä imwer lon Horhakitkat. 33 Ra pwal sai seni Horhakitkat o aüetä imwer lon Jotpata. 34 Iwe, ra sai seni Jotpata o aüetä imwer lon Aprona. 35 Mürin ra sai seni Aprona o aüetä imwer lon Esionkeper. 36 Ra pwal sai seni Esionkeper o aüetä imwer lon Kates lon ewe fanüapön Sin. 37 Iwe, ra sai seni Kates o aüetä imwer fäsonun ewe chuk Hor lekiännin ewe fanü Etom.

38 Iwe, ewe souasor Aaron a feitä won ewe chuk Hor fän än ewe Samol mi Lapalap allük o mäla ikenan. Ei a fis lon afaiken ier mürin än ekewe aramasen Israel towu seni ewe fanü Isip lon aeuin ränin ewe alimuen maram. ✡Num 20.22-28; Tut 10.6; 32.50 39 Iwe, Aaron a ierini ipükü rüe me ülüngat, lupwen a mäla me won ewe chuk Hor.

40 Iwe, ewe kingen Arat, ewe re Kanaan mi nonom lon ewe fanü Nekep lon Kanaan a rong pwe ekewe aramasen Israel ra feito. ✡Num 21.1

41 Iwe, ekewe aramasen Israel ra sai seni fäsonun ewe chuk Hor o aüetä imwer lon Salmona. 42 Ra pwal sai seni Salmona o aüetä imwer lon Punon. 43 Mürin ra sai seni Punon o aüetä imwer lon Opot. 44 Iwe, ra sai seni Opot o aüetä imwer lon Ie-Aparim lon ewe fanü Moap. 45 Mürin ra sai seni Ie-Aparim o aüetä imwer lon Tiponkat. 46 Ra pwal sai seni Tiponkat o aüetä imwer lon Almontiplataim. 47 Iwe, ra sai seni Almontiplataim o aüetä imwer won ewe chukuchukutä Aparim kükü ngeni ewe chuk Nepo. 48 Mürin ra sai seni ewe chukuchukutä Aparim o aüetä imwer lon ekewe maasiesin Moap arun ewe chanpupu Jortan sasape ngeni Jeriko. 49 Iwe, ra aüetä imwer arun ewe chanpupu Jortan seni Pet-jesimot tori Apel-sittim mi nom lon ekewe maasiesin Moap.

50 Iwe, ewe Samol mi Lapalap a kapas ngeni Moses me lon ekewe maasiesin Moap arun ewe chanpupu Jortan sasape ngeni Jeriko, 51 “Kopwe üreni ekewe aramasen Israel: Lupwen oupwe feila pekilan ewe chanpupu Jortan o tolong lon ewe fanü Kanaan, 52 oupwe asüela me mwemi chon ewe fanü meinisin. Oupwe ataela ar kewe uluulun anümwäl seni fau ika seni mächä meinisin, oupwe pwal atatakisi ar kewe lenien fel won ekewe leni tekia meinisin. 53 Iwe, oupwe angei ewe fanü o nonom lon, pun üa ngenikemi ewe fanü pwe oupwe fanüeni. 54 Oupwe aineti ewe fanü ren üttüt, aükük ngeni chochon ämi kewe cho pwe repwe fanüeni. Are eu ainang a watte, oupwe awattei fanüan, nge are eu ainang a kükün, oupwe pwal akükünü fanüan. Meni fanü eman a ütti, epwe pwal fanüeni. Oupwe fanüeni ewe fanü aükük ngeni chochon ainangen sememi kewe. ✡Num 26.54-56 55 Nge are ousap asüela chon ewe fanü me mwemi, chokewe oua mwüt ngeniir pwe repwe nonom repwe usun chök och mökün mettoch mi ken lon mesemi, pwal usun chök iräfölüföl lepekimi. Iwe, repwe ariaföüükemi lon ewe fanü ia oupwe nonom ie. 56 Are osap asürela, ngang üpwe föri ngenikemi mine üa ekiekin föri ngeniir.”