114
Song Bout Da Time
Da Israel Peopo Come Outa Egypt
Da Israel Peopo Come Outa Egypt
1 ✡114:1: Outa 12:51Da Israel peopo, dey da ones
From Jacob ohana—
Wen dey come outa Egypt,
An bag from da Egypt peopo
Dat talk diffren kine language,
2 Was den dat dose Judah ohana peopo
Come spesho fo God
An dose Israel peopo get God
Fo stay in charge a dem.
3 ✡114:3 a: Outa 14:21; b: Josh 3:16Was jalike da Red Sea wen see dem
Coming, an run away!
Jalike da watta inside da Jordan Riva
Wen turn roun
An go back mauka side!
4 Da mountains wen jump aroun
Jalike dey sheeps an dey sked,
An da hills wen move fas
Jalike dey bebe sheeps dat run away.
5 Eh! So, you, Red Sea, tell me dis:
How come you so sked,
You wen run away?!
Eh you! Jordan Riva, tell me dis:
How come you so sked,
You wen turn aroun?!
6 Eh! You mountains,
How come you so sked,
You wen jump jalike da sheeps?!
Eh! You hills,
How come you so sked,
You wen move fas
Jalike da bebe sheeps?!
7 Eh you! Earth! Weneva da Boss show up,
You betta shake!
Cuz he da God dat Jacob wen pray to.
8 ✡114:8: Outa 17:1-7; Census 20:2-13Dat God, he da One wen make
Watta pools come outa da big rocks,
An pukas fo watta come outa da cliffs.
✡114:1 114:1: Outa 12:51
✡114:3 114:3 a: Outa 14:21; b: Josh 3:16
✡114:8 114:8: Outa 17:1-7; Census 20:2-13