6
Tinuddun APU DIOS hi Isaiah an mumbalin an profetas
Kediyen toon an natayan Ussia an patul* 6:1 Handih natayan Ussiah ya nala-uy 740 an toon ot ahi mitungoh Jesu Kristo. ya tinibok hi Apu Dios an inumbun nah natag-e ya makaphod an ubunan di patul. Ya matiboy dayaw na ya hinophopan nan andukken bulwatina nan dulung nan Templo. Hanah nunlinikkod nan inumbunana ya wadaday anghel an mundadalang an hin-on-om di payak da. Kinaluban di duwan payak day anga da ya nan duwan payak da ya kinaluban day hukida ya nan duwa ya usalon dan tumayap. Indani ya mungkikinnanta dan kanan dah kanta day “Hi APU DIOS an Kabaelanan am-in ya makaphod an abu, makaphod an abu, makaphod an abu ya matibon am-in tuh lutay dayaw na.” 6:1-3 Revelation 4:1-8
Indani ya gapu nah gangon di kanta da ya mungkiwagot nan Templo ya napnuh ahuk.
Kanak di “Nunna-ud an katatakut di maat ke ha-on te naliwatak ya gaga-ihoy kalik. Takon nadan ibbak an holag Israel ya naliwat da damdama. Yaden numpatibon ha-oy tun Patul an hi APU DIOS an Kabaelanan am-in!” 6:5 Deket numpatibo APU DIOS hi tatagu ya magibok dan nakaliwwat da. Ya kulugon dan deket tinibo dah APU DIOS ya nunna-ud an mate da. Kinali timmakut hi Isaiah. Tibon yuy Job 42:5-6, Lucas 5:8 ya Exodus 33:20.
Indani ya timmayyap nan ohan anghel ya immalin ha-on an inipit nay ohan balan ena inala nah pun-appitan.§ 6:6 Libiticus 16:12 Indutum nah hubil ku ya kananay “Nakaan moy liwat mu te indutum ku tun balah hubil mu.”
Indani ya dingngol kun mungkalih Apu Dios an kananay “Dahdiy itud-ak kun mangituttuduh pinhod min* 6:8 Ugge kinalin APU DIOS di “hi pinhod ku,” mu kananay “hi pinhod mi.” Te ketuwe ya mipatibon nan Espirituna ya hi Jesu Kristo ya nalpu damdaman didah diyen mituttudu. mituttudun dida?” Hinumang kun kanak di “Ha-oy di itud-ak mut umeyak.”
Ot kananan ha-on di “Eka mo! Hituwey em kalyon hanadah tataguk: ‘Takon di donglodonglon yuy tuttuduk ya adiyu maawatan. Ya takon di tibotibon yu ya uggeyu inilay ma-ma-at.’ ” 6:9 Marcos 4:12, Lucas 8:10
10 Kanana boy “Pakulhiyom di ulu dat adida maawatan. Ya kulapom di mata dat adida pakatibo ya lulokom di inga dat adida pakadngol weno pakaawat. Te indanit pakatibo da ya pakadngol da ya pakaawat da ya dayawonak ke didat paphodok dida.” 6:10 Tibon yuy Mateo 13:15, Juan 12:40 ya Acts 28:26-27.
11 Hinanhanak an kanak di “Inggana kakon-ana, Apu?”
Ya kananay “Inggana madadag nadan boblet maid di mumbobleh di ta matoan ya mabao nadan babale. 12 Man-uke nimpet maid di mumbobleh di ya ipaek nadan tataguh nungkidawwin boble. 13 Ya takon hin kananat wadaday o-ohan matdaan ya madadag da metlaing, umat da nah kaiw an nalngot ammuna moy tungod nan wada. Mu takon di athidi ya mipaddung da nah tungod di kaiw an ahi bo humaping.”§ 6:13 Hidiyey kitib-anan takon di madadag da ya waday namnama dan paphodon APU DIOS di boble da.

*6:1 6:1 Handih natayan Ussiah ya nala-uy 740 an toon ot ahi mitungoh Jesu Kristo.

6:3 6:1-3 Revelation 4:1-8

6:5 6:5 Deket numpatibo APU DIOS hi tatagu ya magibok dan nakaliwwat da. Ya kulugon dan deket tinibo dah APU DIOS ya nunna-ud an mate da. Kinali timmakut hi Isaiah. Tibon yuy Job 42:5-6, Lucas 5:8 ya Exodus 33:20.

§6:6 6:6 Libiticus 16:12

*6:8 6:8 Ugge kinalin APU DIOS di “hi pinhod ku,” mu kananay “hi pinhod mi.” Te ketuwe ya mipatibon nan Espirituna ya hi Jesu Kristo ya nalpu damdaman didah diyen mituttudu.

6:9 6:9 Marcos 4:12, Lucas 8:10

6:10 6:10 Tibon yuy Mateo 13:15, Juan 12:40 ya Acts 28:26-27.

§6:13 6:13 Hidiyey kitib-anan takon di madadag da ya waday namnama dan paphodon APU DIOS di boble da.