1 A mugumugu na tene etabor torom o God i ting o Stiwen lena, “I lingmulus ut a kum wasiso ri?” 2 Ra i balu i lena, “A kum tistising, ma a kum tamtamang, mot in longoro iau. A God na minamar i wanpat torom a tubundat o Abaram, ra i kis utmakai tiro o Mesopotemia, ma ke wan utmakai utiro o Aran. 3 Ra i watungi tano lena, ‘Un nan gusun anum a tamon, ma gusun a kum kukum kai, ma un nan sur a tamon ra an ese tar ui uni.’ Stat 12:1

4  Stat 11:31–12:5“I mo ra i wan gusun a tamon anun a kum Kaldia, ma i kis tiro o Aran. Ra o tamano i sa mat, o God i tulu ru i sur a tamon ri, ra uniri mot kis uni. 5  Stat 12:7; 15:18; 17:8O God ke pitar tar tu du piso utmakai tano sur anunu, o tu nat na nubual lik. Awu ut. Ikut i liliman taru sur numur in pitar tar a piso ri tano ma torom a kum tumtubunu numur. Una du bung, ra o God i uliliman tari, o Abaram katu nutunu utmakai. 6  Kis 12:40Ra o God i watungi tano lena, ‘A kum tumtubum numur tam, det in kis na usiro una usiro na tamon, ma det in papam na karabus, ma din ban laulau det a wat na mar na kilalo. 7  Kis 3:12Ikut an ukadik a taro ra det dat pas a kum tumtubum sur a pinapam na karabus. Ma numur det ra det papam na karabus det in pirso gusun a tamon ra, ma det in lotu torom iau una tamon ri.’ Stat 15:13-14

9  Stat 37:11, 28; 39:1-3, 21-23“Ma a kum tumtubun dat ra, det nuknuk laulau un o Josep, a tisindet, ra det siuru ru i sur in papam na karabus tong o Ijip. Ikut o God i kis tomo ut nami, 10  Stat 41:37-44ra i ulaun pasi gusun a kum maut ra i monongi. I pitar a wakak na mananos tano, ma i waruti sur o Pero, a king tagitong o Ijip, in gas nami. Ra o Pero i ukis tari sur in mugumugu una tamon Ijip, ma in mugumugu kai una rumu anun o Pero.

11  Stat 41:54; 42:1-2“Numur a labino munurak i wanpat tong o Ijip ma o Kenan kai, ma a susut na maut i monong a taro, ma kalako utna na inangon ana kum tumtubun dat. 12 Ra o Jekop i sa tasmani lena a wit kurong o Ijip, i tulu ru a kum nutnutunu, a kum tumtubun dat, tagitong o Kenan utong o Ijip a mugano inawan. 13  Stat 45:1-4, 16Una manru na inawan anundet, o Josep i inanos det lena, i a tisindet. Ra o Pero kai i talapor maragom una kum tistisin o Josep. 14  Stat 45:9-11; 46:27Numur o Josep i itula sur o tamano o Jekop, det tomo nama kum tumtubunu. Det rop a wonom mawit na noino ma limo. 15  Stat 46:1-7; 49:33Ra o Jekop ma a kum tumtubun dat det wan ma det kis tong o Ijip. Numur det mat tong. 16  Stat 23:2-20; 33:19; Jos 24:32A susut na kilalo numur, di los pas a sursurin det, ma di uruk det una kulam na minat, tong o Kenan una tamon Sikem. A kulam na minat ra, o Abaram i sa kul pasi tan a kum nutnutun o Amor.

17  Kis 1:7“Ra i sa milau nanan a du bung ra o God in pam sot pas anun a liliman ra i sa inanos tar o Abaram nami, a niluluk ina nundat a taro i sa ka toto bing tong o Ijip. 18 Ra ara matok na king i turpasi sur in mugumugu tong o Ijip, ke talapor una pinapam anun o Josep ra i pami numugu. 19  Kis 1:11-22I toro tar anundat a taro, ma i ban laulau det, ra i ungongos tar det sur det in los pirso ru anundet a kum nat miso, gusun a kum rumu, ma det in madek ru det, sur det in mat.

20  Kis 2:2“Una kilalo ra, di usus o Moses uni. Ma i ara wakak na nat sakit umatan o God, ra di ugu i a tulu kalang una rumu anun o tamano. 21  Kis 2:3-10Numur di los pirso ru i, ra a nutun o Pero, a ino, i los pasi, ma i ugu pasi sur o nutunulik. 22 Ra di ususer o Moses una kum ngas na mananos rop anun a taro Ijip, ma i ara dekdek na musano una nun a kum wasiso ma una nun a kum pinapam.

23 “Ra o Moses i sa wat na noino kilalo anunu, i nuki lena in nan ma in tama tar anun a taro Israel. 24  Kis 2:11-15I tama ara te Ijip i um laulau ara tagun det, i kalabor torom der ra i um doko ru a te Ijip, sur in balu ara pasander. 25 O Moses i nuki lena anun a taro det in tasman lele i lena, o God i tulu ru i sur in ulaun pas det, ikut ka det tasmani.

26 “A bung numur tano, i tama melet aru te Israel, ra der waim, ra i nemi sur in umalmal der, ma i watungi tander lena, ‘Aru musano, mur pasano kut. Pepetlai ra mur ban laulau etalai melet mur?’ 27 Ikut, i ra i um laulau a pasano, i sugut gisen ru o Moses, ma i watungi tano lena, ‘Osi ra i ubek tar ui sur un mugumugu ma un tene warkurai anumet? 28 Pepetlai, u nemi sur un um doko iau, elar nama te Ijip, ra nubung u um doko tari?’ Kis 2:14

30  Kis 3:1-4“Ra i sa wat na noino kilalo uni tiro iai, ara ensel i wanpat toromi epotor una kunabor unin nanai, una nubual kalako taro uni, milau a Tangai Sainai. 31 Ra o Moses i tama i, i kisin doko uni. I wan milau sur in tama wakaki, ra i longoro in nalngan a Labino i watungi lena, 32 ‘Iau a God anun a kum tumtubum tagun numugu, a God anun o Abaram, o Aisak ma o Jekop.’ Kis 3:6

35 “Numugu a taro Israel det ban lulu ru o Moses nama wasiso lenri, ‘Osi ra i ubek tar ui sur un mugumugu ma un tene warkurai anumet?’ Ikut, i ut ra, o God i tulu ru i sur in mugumugu ma in ulangolango pas a taro. I tulu ru i nama wasiso anun a ensel ra i wanpat toromi unin nanai ra i kunabor. 36  Kis 7:3; 14:21; Nam 14:33Ra o Moses i mugu pirso pas det tagitong o Ijip, i pam a kum utna na ukisin ma a kum ukinalong tong o Ijip ma tong una Merek na Tasi, ma tiro kai una nubual kalako taro uni, i elar nama wat na noino kilalo. 37 O Moses ut i watung tari tan a taro Israel lena, ‘O God in tulu ru tu poropet elar nam iau tagun a kum tumtubu mot ut.’ Lo 18:15

39 “Ikut a kum tumtubun dat tagun numugu ka det nem na longoro o Moses. Det rosumur gusuni, ma det nuknuk melet utong o Ijip. 40 Ra det watungi tan o Aron lena, ‘Un pam pas anundat lako kum god sur det in mugu dat, uni o Moses, ra i mugu pirso pas dat tagitong o Ijip, ka dat tasmani mo ra asau kura i sa wanpat uni.’ Kis 32:1

44 “A kum tumtubun dat tagun numugu det los nanan a rumu na sel una nubual kalako taro uni. A rumu na sel ra, i upuaso i lena o God i kis tomo nam det. Ra di sa pam tari murmur a wasiso anun o God torom o Moses, elar nama malalar ra i tama tari. 45  Jos 3:14-17Ma a kum tumtubun dat tagun numugu det pitari torom a kum nutnutun det. Ra det bulung det los nanani ra o Josua i mugu det, sur det in los a kum tamon gusun a taro tagun a kum gapman ra o God i lu ru det. Ra i kis tiro iai, tuk una kilalo anun o Dewid, 46  2 Sml 7:1-16i ra o God i nem doko i. Ra o Dewid i saring o God sur in mulaot sur in pam tu rumu, sur a taro det in lotu uni, torom o God, i ra o God anun o Jekop. 47  1 Kin 6:1-38A rumu ra, o Solomon i pami. 48 Ikut o God a Labino Sakit ke kis una kum rumu ra a taro det pami, elar nami ra a poropet i watungi lena,

51  Ais 63:10Ra o Stiwen i watungi tan a taro na kiwung lena, “Mot a kum tene pitarngat mot, a balamot i bakbak gusun o God ma a talngamot i kutkut. Mot turbat liklik a Tokodos na Nion, elar nama kum tumtubu mot tagun numugu det ser pami. 52  Mt 23:31A kum tumtubu mot tagun numugu det ban laulau a kum poropet rop. Det um doko det ra det wasiso mugu una inawan pat urin anun a Tene Tokodos, i ra uniri mot usobor tari, ma mot um doko ru i. 53 Mot ra mot sa los ukai a Warkurai anun o God, ra a kum ensel det pitar tari torom mot, ikut ka mot muri.”

54 Ra a taro na kiwung det longoro a kum wasiso anun o Stiwen, det kankan doko, ma det karot bum toromi. 55  Sng 110:1O Stiwen i bukus nama Tokodos na Nion, ma i tatado usapat una langit, ra i tama a minamar anun o God, ma o Iesu kai, kura i tur taru una papor sot na laman o God. 56  Kol 3:1Ra i watungi lena, “Tama i! A tama a langit i papos, ma a Nutun a Musano kura i tur taru una papor sot na laman o God.” 57 Ra det bari nama labino walngandet, det song bat a kum taltalngan det, ma det kalabor bat pasi. 58 Det dat pirso ru i gusun a tamon, ra det dukuduku i. Ma det ra det takun o Stiwen, det palos ru anundet a kum saket, ra det ubek tari nisan aru kikin ara barman, a risano o Sol. 59 Ra kura utmakai det dukuduku i, o Stiwen i wararing lena, “Labino o Iesu, un los pas a niong.” 60  Lk 23:34Ra i sing a ru but na kikino una piso, ma i kakabo lena, “Labino, gong u balu a sakino petutna ri det pami.” I watung len tari ra, ra i mat.