1 “Uct x yinni war di yeǧi bu wemnus di Ṣihyun u x yinni umi ittɣiř aqa aten di řaman x wedrar n Samarya, imcennɛen n wenni d amezwaru jar řegnus, i ɣares dd-tᵉttas marra taddart n Israil. ◘6:1 Uf. 19:5; Irm. 2:3

2 Ɛdum ɣar Kalna u txezzarem mammec teǧa! Uyurem ssenni ɣar Ḥamat u hwam-dd ɣar Jat n Ifilisṭiniyyen. Ma nitni ḥsen zi tgeldawin-a niɣ tammurt nsen d tameqqrant x temmurt nwem? ◼6:2 tigeldawin-a - ixs ad yini Israil d Yahuda.

3 Kenniw, inni issbeɛɛden ass aɛeffan ɣar zzat nwem, maca tessqarrabem řkuřsi n lɛunf,◘6:3 Ḥiz. 12:27; Ɛam. 5:18 4 kenniw, inni i din ittezzřen x qamat n řɛaj uca ttesṭiřen x řemṭarbat nwem u ttᵉtten izmaren n wuǧi uřa d iɛejmiyyen zi řwesṭ n řkuri, ◼6:4 iɛejmiyyen - niɣ ‘amwa’, ‘ayenduz’ niɣ ‘yuggu’. 5 inni i din iɣennjen amenni waha ɣar ǧɣa n lharpa, am dd-ssuffɣen ɛřam kuř n izřan s dduzan n lmusiqa, am mammec t igga Dawud, ◘6:5 Ica. 5:12 6 inni isessen binu zi ṭṭawyat n urucci, inni idehhnen ixef nsen s řemxeyyar n zzect u war ttarran taynit i treẓẓit n Yusuf. ◘6:6 Ica. 5:11, 12 7 S uya ad uyuren nitni řexxu ɣar lmenfa ɣar uzeǧif n imenfiyyen. Aqa ittwaqḍa ddriz n uɣuyyi n yinni i din ittɣiman ɣar ṭṭabřa ◘6:7 Ica. 5:13

8 Sidi inu, SIDI ijjuǧ s yixef nnes, ammu i iqqar SIDI, AREBBI n řɛeskarat: Necc ɛiffeɣ nnfaxet n Yaɛqub u carrheɣ řeqṣur nnes. S uyenni ad sellmeɣ tandint d marra min dayes.”

9 “Ad imsar řami qqimen ɛecra n iryazen di taddart d ict, aqa ad mmten nitni. 10 Mařa ɛemmis, wenni xas maḥend ad t isscemḍ, ad t iksi ḥima ad issuffeɣ řxecbet zi taddart, uca xenni ad yini i wenni ɛad ɣar daxeř di taddart: ‘Ma aqa din ɣarek ɛad ktar?’, uca ad yini wenneɣni: ‘Uřa d ijj!’, xenni ad yini netta: ‘Sqar, minzi ittxeṣṣa war nettidar Isem n SIDI.’ ”

11 “Maɣar xzar, SIDI ittamar, uca Netta ad iwwet taddart tameqqrant ař ɣa tedweř d řxarbet u taddart tameẓyant ad tedweř d iceǧiqen. 12 Ma ad tazzřen iysan x řejruf? Ma ad t carzen s ifunasen? Kenniw maca tarrim řḥeqq d arrhaj u řɣiǧet n tsegda tarrim tt d cciḥ. ◘6:12 Ɛam. 5:7 13 Kenniw inni ifarrḥen zi min war iǧin, inni iqqaren: ‘Ma war neṭṭif accawen s jjehd nneɣ?’ 14 Maɣar xzar, a taddart n Israil, Necc ad dd-ssekkareɣ ijj n řgens ḍidd nwem, ammu i iqqar SIDI, AREBBI n řɛeskarat. Nitni ad kenniw ḥṣaren zi manis dd-iwḍen iwdan ɣar Ḥamat ař taɣzart n Řewḍa.”