149
1 Hallilu-Yah!
Ɣennjem ijj n yezři n jdid i SIDI,
sɛuǧem t deg wegraw n imtiqqan nnes.
2 Ad ifarḥ Israil zeg wenni t iggin,
ad arcqen iḥenjiren n Ṣihyun
s Ujeǧid nsen. ◘149:2 Izhd. 100:3
3 Ad ṣebbḥen nitni Isem nnes
s ccḍiḥ s nnubtat,
ad as zehhden s ubendir d řgambri, ◘149:3 Izhd. 81:3, 4
4 maɣar SIDI yarḍa x řgens nnes,
ad yawi ccan i imwaḍɛen s wenjam.
5 Ad sřiweřwen imtiqqan
s uweqqar yuǧɣen,
ejj i-ten ad sɣuyen s řefraḥet
zeg imucan nsen n arraḥet.
6 Izřan n uɛuǧi i AREBBI
deg uqemmum nsen
ijj n ssif iqḍeɛ s tnayen n wudmawen
deg ufus nsen, ◘149:6 2 Ts. 2:8; Ɛbr. 4:12; Asa. 1:16
7 ḥima ad ntaqmen zi řegnus,
ḥima ad ɛaqben ccuɛub,
8 ḥima ad carfen ijeǧiden nsen s ssnaseř,
ayt n taṣiřet nsen s ssnaseř n wuzzař, ◘149:8 Mt. 18:18
9 ḥima ad xasen ggen řḥukm yuran.
D man aya ad tiři d lɛaḍama
n marra imtiqqan nnes.
Hallilu-Yah. ◘149:9 Aɛwd. 4:6