148
1 Hallilu-Yah!
Ṣebbḥem i SIDI zeg ijenwan,
ṣebbḥem t di řuɛřa. ◘148:1 Lk. 2:14; Asa. 5:13
2 Ṣebbḥem t, marra lmalakat nnes!
Ṣebbḥem t, marra řɛeskarat nnes!
3 Ṣebbḥent t, tafuct d tziri!
Ṣebbḥem t, marra itran yareqqen!
4 Ṣebbḥet, ajenna x ijenwan,
uřa d aman nni iǧan tiwa i ujenna.
5 Ejj i-ten ad ṣebbḥen Isem n SIDI,
maɣar Netta yumur
u ammu ttwaxeřqen-dd. ◘148:5 Amz. 1:6-31; Izhd. 33:6, 9
6 Netta idekken i-ten din i řebda,
iwca asen ict n tewṣeyyet
i war zemmaren ad tt ɛeddan ɛemmarṣ. ◘148:6 Ayub 14:5, 13; 26:10; 38:33; Izhd. 104:5; 119:91; Irm. 31:35; 33:25
7 Ṣebbḥem i SIDI, zi temmurt,
kenniw řhaycat n řebḥar
d marra aman ihewřen,
8 timessi d tebrurri
d wedfeř d ddexxan,
asemmiḍ n tḥaryaḍt
nni itteggen awař nnes,
9 idurar d marra tiwriririn,
ticejjura n fruta
d marra ticejjura n tengelt,
10 řewḥuc n řexřa d marra řmar,
imuddaren ittbuɛen d ijḍaḍ
s wafriwen nsen,
11 kenniw ijeǧiden n temmurt
d marra ccuɛub,
kenniw řḥukkam
d marra řquḍat x temmurt, ◼148:11 řquḍat - niɣ ‘imezurfa’.
12 ibřiɣen uřa d tiɛzariyyin,
iwessura jmiɛ ak-d imeẓyanen!
13 Ejj i-ten ad ṣebbḥen Isem n SIDI,
maɣar Isem nnes waha yuɛřan qaɛ,
tissiqt nnes tařeqq
x temmurt d ijenwan. ◘148:13 Awřn. 18:10; Ica. 12:4
14 Netta issgeɛɛed icc n řgens nnes,
aṣebbeḥ n marra imtiqqan nnes,
n ayt n Israil,
n řgens i dd as yudsen.
Hallilu-Yah! ◘148:14 Izhd. 132:17
◘148:1 148:1 Lk. 2:14; Asa. 5:13
◘148:5 148:5 Amz. 1:6-31; Izhd. 33:6, 9
◘148:6 148:6 Ayub 14:5, 13; 26:10; 38:33; Izhd. 104:5; 119:91; Irm. 31:35; 33:25
◼148:11 148:11 řquḍat - niɣ ‘imezurfa’.
◘148:13 148:13 Awřn. 18:10; Ica. 12:4
◘148:14 148:14 Izhd. 132:17