37
ⴰⴽⴻⵎⵎⴻⵍ ⵏ ⵍⵀⴰⵔⴷ ⵡⵉⵙⵙ ⴰⵔⴻⴱⵄⴰ ⵏ ⵉⵍⵉⵀⵓ: ⵍⴻⵎⵖⴰⵔⴻⵜ ⵏ ⴰⵔⴻⴱⴱⵉ ⴷⵉ ⵟⵟⴰⴱⵉⵄⴰ
1 ⵡⴰⵀ, ⵙ ⵓⵢⴰ ⵉⵜⵜⴰⵔⵊⵉⵊ ⵡⵓⵍ ⵉⵏⵓ,
ⵉⵏⴻⵟⵟⵓ ⵣⴻⴳ ⵡⴻⵎⵛⴰⵏ ⵏⵏⴻⵙ.
2 ⵙⵍⴻⵎ ⵎⵍⵉⵃ ⵉ ⵣⵣⵀⵉⵔ ⵏ ⵜⵎⵉⵊⵊⴰ ⵏⵏⴻⵙ,
ⵉ ⵡⴻⵊⴷⴰⴱ ⵏ ⵡⴰⵊⵊⴰⵊ ⵉ ⴷⴷ-ⵉⵜⵜⴻⴽⴽⴻⵏ
ⵣⴻⴳ ⵓⵇⴻⵎⵎⵓⵎ ⵏⵏⴻⵙ. ◘37:2 ⵉⵥⵀⴷ. 29:3
3 ⵉⵙⵙⴻⴽⴽ ⵉ-ⵜ ⵙⴰⴷⵓ ⵎⴰⵔⵔⴰ ⴰⵊⴻⵏⵏⴰ,
ⵓⵛⴰ ⵉⵙⵙⴻⴽⴽ ⵜⴰⴼⴰⵡⵜ ⵏⵏⴻⵙ
ⴰⵍ ⵉⵏⴻⴳⴳⵓⵔⴰ ⵏ ⵜⴻⵎⵎⵓⵔⵜ.
4 ⴰⵡⴰⵔⵏⵉ ⴰⵙ ⵉⵣⴻⵀⵀⴰⵔ ⵙ ⵜⵎⵉⵊⵊⴰ ⵉⵊⴻⵀⴷⴻⵏ,
ⵉⵀⴻⵎⵀⴻⵎ ⵙ ⵜⵎⵉⵊⵊⴰ ⵏ ⵍⵄⴰⴹⴰⵎⴰ ⵏⵏⴻⵙ
ⵓ ⵡⴰⵔ ⵉⵎⴻⵏⵏⴻⵄ ⴰⵙⵙⴰⵎⴻⵏ,
ⵎⴰⵍⴰ ⵜᵉⵜⵜⵡⴰⵙⴻⵍ ⵜⵎⵉⵊⵊⴰ ⵏⵏⴻⵙ.
5 ⴰⵔⴻⴱⴱⵉ ⵉⴷⴷⴰⵔⴷⵉⵃ ⵙ ⵜⵎⵉⵊⵊⴰ ⵏⵏⴻⵙ
ⵙ ⵜⴻⴱⵔⵉⴷⵜ ⵏ ⵍⴻⵄⵊⴻⴱ,
ⵉⵜⵜⴻⴳⴳ ⵍⴻⵃⵡⴰⵢⴻⵊ ⵜⵉⵎⴻⵇⵇⵔⴰⵏⵉⵏ,
ⵏⴻⵛⵛⵉⵏ ⵡⴰⵔ ⴰⵙⴻⵏⵜ ⵏⴼⴻⵀⵀⴻⵎ. ◘37:5 ⴰⵢⵓⴱ 5:9; 9:10; 36:26
6 ⵎⴰⵖⴰⵔ ⵉⵇⵇⴰⵔ ⵉ ⵡⴻⴷⴼⴻⵍ:
‘ⵡⴹⴰ ⵖⴰⵔ ⵜⴻⵎⵎⵓⵔⵜ!’,
ⵓⵛⴰ ⵅⴻⵏⵏⵉ ⴰⴷ ⴷⴷ-ⵢⴰⵙ ⵡⴻⵏⵥⴰⵔ,
ⴰⵏⵥⴰⵔ ⵉⵛⵛⴰⵜⴻⵏ ⵙ ⵉⵖⴻⵣⵔⴰⵏ ⵏⵏⴻⵙ ⵉⵊⴻⵀⴷⴻⵏ. ◘37:6 ⵉⵥⵀⴷ. 147:16
7 ⵏⴻⵜⵜⴰ ⵉⵜⵜⵛⴻⵎⵎⴻⵄ ⴰⴼⵓⵙ ⵏ ⵎⴽⵓⵍ ⴱⵏⴰⴷⴻⵎ,
ⵃⵉⵎⴰ ⵎⴰⵔⵔⴰ ⵉⵡⴷⴰⵏ ⴰⴷ ⵙⵙⵏⴻⵏ,
ⴰⵇⴰ ⴷ ⵍⴻⵅⴷⴰⵢⴻⵎ ⵏⵏⴻⵙ.
8 ⵍⴻⵡⵃⵓⵛ ⵜⵜⵏⵓⴼⴼⴰⵔⴻⵏ ⴷⵉ ⵍⴻⵎⵔⴰⴳⴻⵃ
ⵓ ⵜⵜⵖⵉⵎⴰⵏ ⴷⴻⴳ ⵉⴼⵔⴰⵏ ⵏⵙⴻⵏ.
9 ⵜⴻⵜⵜⴰⵙ-ⴷⴷ ⵜⵃⴰⵔⵢⴰⴹⵜ ⵣ
ⴻⴳ ⵡⴻⵅⵅⴰⵎ ⵏⵏⴻⵙ ⵏ ⴷⴰⵅⴻⵍ
ⵓ ⴰⴽ-ⴷ ⵓⵙⴻⵎⵎⵉⴹ ⵏ ⵛⵛⴰⵎⴰⵍ
ⵜᵉⵜⵜⴰⵙ-ⴷⴷ ⵓⵍⴰ ⴷ ⵜⴻⵙⵎⴻⴹ.
10 ⵙ ⵓⵙⵓⴹⵉ ⵏ ⵏⵏⴻⴼⵙ ⵏⵏⴻⵙ
ⵉⵜⵜⴰⵡⵉ-ⴷⴷ ⴰⵔⴻⴱⴱⵉ ⴰⵊⵔⵉⵙ,
ⵊⴻⵎⴷⴻⵏ ⵡⴰⵟⵟⴰⵙ ⵏ ⵡⴰⵎⴰⵏ. ◘37:10 ⴰⵢⵓⴱ 38:29, 30; ⵉⵥⵀⴷ. 147:17, 18
11 ⵡⴰⵀ, ⵉⵜⵜⵄⴻⵎⵎⴰⵔ ⵉⵙⴻⵢⵏⵓⵜⴻⵏ ⵙ ⵜⵓⴼⴼⴻⵜ,
ⵉⵜⵜⴱⴻⵣⵣⴻⵄ ⴰⵙⴻⵢⵏⵓ ⵏ ⵜⴼⴰⵡⵜ ⵏⵏⴻⵙ.
12 ⵡⴰⵏⵉⵜⴰ ⵉⵜⵜⵔⴰⵃ ⵉⵜⵜⴰⵙ-ⴷⴷ,
ⵎⴰⵎⵎⴻⵛ ⵜ ⵉⵏⴻⴷⴷⴻⵀ ⵏⴻⵜⵜⴰ,
ⵃⵉⵎⴰ ⴰⴷ ⴳⴳⴻⵏ ⵎⴰⵔⵔⴰ
ⵎⵉⵏ ⵉ ⴷ ⴰⵙⴻⵏ ⵢⵓⵎⵓⵔ
ⵅ ⵡⵓⴷⴻⵎ ⵏ ⵜⴻⵎⵎⵓⵔⵜ, ⵅ ⵜⴻⵎⵎⵓⵔⵜ.
13 ⴰⴷ ⵜⴰⴼ ⴰⴷ ⵜ ⵜⵥⴰⵔⴻⴷ ⴰⵎ ⵢⵉⵊⵊ ⵏ ⵡⴻⵄⵎⵓⴷ,
ⵏⵉⵖ ⴰⵎ ⵉ ⵍⴻⴼⴹⴻⵍ ⵏ ⵜⴻⵎⵎⵓⵔⵜ,
ⵏⵉⵖ ⴰⵎ ⵡⴻⵙⵛⴰⵏ ⵏ ⵜⵎⴻⵅⵙⴰ ⵉⵛⵓⵡⵡⴰⵔⴻⵏ. ◘37:13 ⵓⴼ. 9:18, 23; 1 ⵚⵎ. 12:18, 19; ⵄⵉⵥ. 10:9; ⴰⵢⵓⴱ 36:31
14 ⴻⵡⵛ ⴰⵎⴻⵣⵣⵓⵖ ⵉ ⵎⴰⵏ ⴰⵢⴰ, ⴰ ⴰⵢⵓⴱ,
ⴱⴻⴷⴷ, ⵙⵇⴰⵔ, ⵓ ⵃⴹⴰ ⵅ ⵍⴻⵄⵊⴰⵢⴻⴱ ⵏ ⴰⵔⴻⴱⴱⵉ.
15 ⵎⴰ ⵜⴻⵙⵙⵏⴻⴷ
ⵎⴰⵎⵎⴻⵛ ⵉ ⵅⴰⵙⴻⵏ ⵉⴹⴻⴱⴱⴰⵔ ⴰⵔⴻⴱⴱⵉ,
ⵎⴰⵎⵎⴻⵛ ⵉⵙⵙⵔⵓⵖⴰ ⵜⴼⴰⵡⵜ ⵏ ⵓⵙⴻⵢⵏⵓ ⵏⵏⴻⵙ?
16 ⵎⴰ ⵜⴻⵙⵙⵏⴻⴷ
ⵎⴰⵎⵎⴻⵛ ⵜⵜⴻⵃⵔⴰⵔⴰⵏ ⵉⵙⴻⵢⵏⵓⵜⴻⵏ,
ⵎⴰ ⵜⴻⵙⵙⵏⴻⴷ ⵍⴻⵄⵊⴰⵢⴻⴱ
ⵏ ⵡⴻⵏⵏⵉ ⵖⴰⵔ ⵜⴻⴵⴰ ⵜⵓⵙⵙⵏⴰ ⵜⵎⵓⵏ.
17 ⵛⴻⴽ, ⵡⴻⵏⵏⵉ ⵓⵎⵉ ⵉⵃⴻⵎⵎⴰ ⵡⴰⵔⵔⵓⴹ,
ⵎⴰⵍⴰ ⵏⴻⵜⵜⴰ ⵉⵙⵙⴰⵔⵙⴰ ⵜⴰⵎⵎⵓⵔⵜ
ⵙ ⴰⵔⵔⵉⵃ ⵏ ⵍⵊⴰⵏⵓⴱ,
18 ⵎⴰ ⵜⴱⴻⵣⵣⵄⴻⴷ ⴰⴽⵉⴷⴻⵙ ⵍⵇⵓⴱⴱⴻⵜ ⵏ ⵓⵊⴻⵏⵏⴰ,
ⵜⴻⵏⵏⵉ ⴷⵉⵏ ⵉⴱⴻⴷⴷⴻⵏ
ⴰⵎ ⵢⵉⵛⵜ ⵏ ⵜⵉⵙⵉⵜ ⵉⴼⴻⵙⵢⴻⵏ? ◘37:18 ⴰⵎⵥ. 1:6
19 ⵙⴰⵔⴳⴻⴱ ⴰⵏⴻⵖ ⵛⴻⴽ ⵎⵉⵏ ⵉ ⴷ ⴰⵙ ⵖⴰ ⵏⵉⵏⵉ,
ⵎⴰⵖⴰⵔ ⵏⴻⵛⵛⵉⵏ ⵡⴰⵔ ⵏⵣⴻⵎⵎⴰⵔ
ⴰⴷ ⵏⴼⴻⵙⵙⴰⵔ ⵡⴰⵍⵓ ⵎⵍⵉⵃ ⵣⵣⴰⵜⴻⵙ
ⵣⵉ ⵙⵙⵉⴱⴱⴻⵜ ⵏ ⵜⴰⴵⴻⵙⵜ.
20 ⵎⴰ ⴰⴷ ⴰⵙ ⵀⴰⵊⴰⵏ, ⴰⵇⴰ ⵙⵙⵉⵡⵍⴻⵖ ⴰⵎⵎⵓ?
ⵎⴰⵍⴰ ⵛⴰ ⵏ ⵢⵉⵊⵊⴻⵏ ⴰⴷ ⵜⵜ ⵢⵉⵏⵉ,
ⴰⴷ ⵉⵜⵜⵡⴰⵚⴰⵔⴹ ⵏⵉⵛⴰⵏ. ◼37:20 ⴰⴷ ⵉⵜⵜⵡⴰⵚⴰⵔⴷ ⵏⵉⵛⴰⵏ-ⵉⵅⵙ ⴰⴷ ⵢⵉⵏⵉ ⵙ ⵍⵖⴰⴹⴰⴱ ⵏ ⵙⵉⴷⵉ.
21 ⵍⴻⵅⵅⵓ ⵡⴰⵔ ⵉⵜⵜⵡⵉⵍⵉ ⴱⵏⴰⴷⴻⵎ ⵜⴰⴼⴰⵡⵜ,
ⵜⴻⵏⵏⵉ ⵢⴰⵔⴻⵇⵇⴻⵏ ⴷⴻⴳ ⵉⵙⴻⵢⵏⵓⵜⴻⵏ,
ⵎⴰⵛⴰ ⵎⴰⵍⴰ ⵉⵄⴷⵓ ⵓⵙⵓⴹⵉ ⵏ ⵓⵙⴻⵎⵎⵉⴹ,
ⴰⵇⴰ ⵉⴼⴰⵔⵔⴻⴹ ⵉ-ⵜⴻⵏ.
22 ⵣⵉ ⵛⵛⴰⵎⴰⵍ ⵉⵜⵜⴰⵙ-ⴷⴷ ⵡⵓⵔⴻⵖ,
ⵜⵉⵙⵙⵉⵇⵜ ⵉⵙⵙⴰⴳⴳⵯⴰⴷⴻⵏ ⵜⴰⵔⵙⴰ ⵅ ⴰⵔⴻⴱⴱⵉ.
23 ⴰⵎⵣⴻⵎⵎⴰⵔ ⵅ ⴽⵓⵍⵛⵉ,
ⵡⴻⵏⵏⵉ ⵡⴰⵔ ⵏⵣⴻⵎⵎⴰⵔ ⴰⴷ ⵜ ⵏⴰⴼ,
ⵡⴻⵏⵏⵉ ⴷ ⴰⵎⴻⵇⵇⵔⴰⵏ ⴷⵉ ⵊⵊⴻⵀⴷ,
ⵏⴻⵜⵜⴰ ⵡⴰⵔ ⵉⵜⵜⴷⴻⴵⵉ ⵍⵃⴻⵇⵇ
ⴷ ⵜⵙⴻⴳⴷⴰ ⵉⴼⴻⵢⵢⴹⴻⵏ. ◘37:23 ⴰⵢⵓⴱ 9:4; 12:13, 16; 36:5; ⵉⵥⵀⴷ. 99:4
24 ⵙ ⵓⵢⴰ ⵜⵜⴻⴳⴳⵯⴻⴷⴻⵏ ⵣⵣⴰⵢⴻⵙ ⵉⵡⴷⴰⵏ,
ⵏⴻⵜⵜⴰ ⵡⴰⵔ ⵉⵅⴻⵣⵣⴰⵔ
ⵖⴰⵔ ⵢⵉⵏⵏⵉ ⵉⵃⴻⵙⵙⴱⴻⵏ ⵉⵅⴻⴼ ⵏⵙⴻⵏ ⴷ ⵉⵎⵉⵖⵉⵙⴻⵏ.
◘37:2 37:2 ⵉⵥⵀⴷ. 29:3
◘37:5 37:5 ⴰⵢⵓⴱ 5:9; 9:10; 36:26
◘37:6 37:6 ⵉⵥⵀⴷ. 147:16
◘37:10 37:10 ⴰⵢⵓⴱ 38:29, 30; ⵉⵥⵀⴷ. 147:17, 18
◘37:13 37:13 ⵓⴼ. 9:18, 23; 1 ⵚⵎ. 12:18, 19; ⵄⵉⵥ. 10:9; ⴰⵢⵓⴱ 36:31
◼37:20 37:20 ⴰⴷ ⵉⵜⵜⵡⴰⵚⴰⵔⴷ ⵏⵉⵛⴰⵏ-ⵉⵅⵙ ⴰⴷ ⵢⵉⵏⵉ ⵙ ⵍⵖⴰⴹⴰⴱ ⵏ ⵙⵉⴷⵉ.
◘37:23 37:23 ⴰⵢⵓⴱ 9:4; 12:13, 16; 36:5; ⵉⵥⵀⴷ. 99:4