ⵄⵓⴱⴰⴷⵢⴰ
1
1 ⵍⴻⵡⵃⵉⵢ ⵏ ⵄⵓⴱⴰⴷⵢⴰ.
“ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵉⵏⵓ, ⵙⵉⴷⵉ, ⵅ ⵉⴷⵓⵎ:
’ⵏⴻⵛⵛⵉⵏ ⵏⴻⵙⵍⴰ ⵉⵊⵊ ⵏ ⵍⴻⵅⴱⴰⵔ ⵣⵉ ⵙⵉⴷⵉ,
ⵓ ⵉⵊⵊ ⵏ ⵓⵎⵙⴻⴽⴽⵉ ⵉⵜⵜⵡⴰⵙⵙⴻⴽⴽ ⵖⴰⵔ ⵍⴻⴳⵏⵓⵙ:
ⴽⴽⴰⵔ, ⵊⵊⴻⵎ ⴰⵏⴻⵖ ⴰⴷ ⵅⴰⵙ ⵏⵖⴻⵡⵡⴻⵖ,
ⴰⴷ ⵏⴻⵎⵎⵏⴻⵖ ⴰⴽ-ⴷ ⵉⴷⵓⵎ!’ ◘1:1 ⵉⵔⵎ. 49:14
2 ⵅⵣⴰⵔ, ⵏⴻⵛⵛ ⴳⴳⵉⵖ ⵛⴻⴽ ⴷ ⴰⵎⴻⵥⵢⴰⵏ ⵊⴰⵔ ⵍⴻⴳⵏⵓⵙ,
ⵛⴻⴽ ⵜᵉⵜⵜⵡⴰⵙⵙⴻⵃⵇⴰⵔⴰⴷ ⴰⵟⵟⴰⵙ. ◘1:2 ⵉⵔⵎ. 49:15
3 ⵏⵏⴼⴰⵅⴻⵜ ⵏ ⵡⵓⵍ ⵏⵏⴻⵛ ⵜⴻⵛⵎⴻⵜ ⵉ ⵛⴻⴽ,
ⵛⴻⴽ ⴷ ⵡⴻⵏⵏⵉ ⴷⵉⵏ ⵉⵣⴻⴷⴷⵖⴻⵏ ⴷⴻⴳ ⵉⵎⵓⵛⴰⵏ ⵏ ⵓⴷⵓⵔⵔⵉ ⵊⴰⵔ ⵍⴻⵊⵔⵓⴼ,
ⴷⵉ ⵜⵣⴻⴷⴷⵉⵖⵜ ⵏⵏⴻⵛ ⵢⵓⵄⵍⴰⵏ,
ⵛⴻⴽ ⴷ ⵡⴻⵏⵏⵉ ⵉⵇⵇⴰⵔⴻⵏ ⴷⴻⴳ ⵡⵓⵍ ⵏⵏⴻⵛ:
‘ⵎⴰⵏ ⵡⴻⵏ ⴷ ⴰⵢⵉ ⵖⴰ ⵉⵖⴻⴹⵍⴻⵏ ⵖⴰⵔ ⵜⴻⵎⵎⵓⵔⵜ?’ ◘1:3 ⵉⵔⵎ. 49:16
4 ⵎⴰⵍⴰ ⵜⴻⵙⵙⴳⴻⵄⵄⴷⴻⴷ ⵉⵅⴻⴼ ⵏⵏⴻⵛ ⴰⵎ ⵓⴳⵉⴷⴻⵔ,
ⵏⵉⵖ ⵜⴻⴳⴳⵉⴷ ⵍⵄⵓⵛⵛ ⵏⵏⴻⵛ ⵊⴰⵔ ⵉⵜⵔⴰⵏ,
ⵏⴻⵛⵛ ⴰⴷ ⵛⴻⴽ ⴷⴷ ⵙⵙⴻⵏⵏⵉ ⵙⵙⴻⵀⵡⵉⵖ,
ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ.” ◘1:4 ⵍⵅⵍ. 24:21, ⴰⵢⵓⴱ 39:27-29, ⵉⵔⵎ. 49:16
5 “ⵎⴰⵍⴰ ⵓⴷⴼⴻⵏ-ⴷⴷ ⵖⴰⵔⴻⴽ ⵉⵛⴻⴼⴼⴰⵔⴻⵏ,
ⵏⵉⵖ ⵉⵅⴻⵡⵡⴰⵏⴻⵏ ⵙ ⴵⵉⵍⴻⵜ,
- ⴰ, ⵎⴰⵎⵎⴻⵛ ⵉ ⵖⴰ ⵜᵉⵜⵜⵡⴰⵍⴻⴷⴷⴵⴻⴷ ⴰⵍ ⵟⵟⴰⵔⴼ -
ⵎⴰ ⵡⴰⵔ ⵜⵜⴰⵛⴰⵔⴻⵏ ⴰⵍ ⵖⴰⵔⵙⴻⵏ ⵉ ⵖⴰ ⵢⵉⵍⵉ ⵎⵉⵏ ⵉⴽⴼⴰⵏ?
ⵎⴰⵍⴰ ⵓⵙⵉⵏ-ⴷⴷ ⵖⴰⵔⴻⴽ ⵉⵏⵏⵉ ⵉ ⵖⴰ ⵉⵍⴻⵇⴹⴻⵏ ⴰⴹⵉⵍ,
ⵎⴰ ⴰⴷ ⵊⵊⴻⵏ ⵛⴰ ⵎⵉⵏ ⵉⵜⵜⵡⴰⵍⴻⵇⴹⴻⵏ ⴰⵡⴰⵔⵏⵉ ⴰⵙⴻⵏ? ◘1:5 ⵉⵔⵎ. 49:9
6 ⴰ ⵎⴰⵎⵎⴻⵛ ⵉ ⵖⴰ ⴰⵔⵣⵓⵏ ⴷⵉ ⵄⵉⵙⵓ,
ⵎⴰⵎⵎⴻⵛ ⵉ ⵖⴰ ⴱⴻⵇⵇⵛⴻⵏ ⵍⴻⴽⵏⵓⵣ ⵏⵏⴻⵙ ⵏⵏⵓⴼⴰⵔⴻⵏ!
7 ⵎⴰⵔⵔⴰ ⵉⵔⵢⴰⵣⴻⵏ ⵏⵏⵉ ⵉⴳⴳⵉⵏ ⵉⵊⵊ ⵏ ⵍⵄⴰⵀⴷ ⴰⴽⵉⴷⴻⴽ,
ⵄⴰⵔⵏⴻⵏ ⵛⴻⴽ ⵖⴰⵔ ⵡⴻⵢⵎⵉⵔ,
ⵉⵔⵢⴰⵣⴻⵏ ⵏⵏⵉ ⵜⵓⵖⴰ ⴰⴽⵉⴷⴻⴽ ⵉⴷⴷⴰⵔⴻⵏ ⴷⵉ ⵍⴻⵀⵏⴰ, ⵛⴻⵎⵜⴻⵏ ⵛⴻⴽ,
ⵏⵉⵜⵏⵉ ⵣⴻⵎⵎⴰⵔⴻⵏ ⵅⴰⴽ.
ⴰⵖⵔⵓⵎ ⵣⵣⴰⵢⴻⴽ ⴳⴳⵉⵏ ⵜ ⴷ ⵜⴰⵔⴻⵃⵙⵉⵜ ⵙⵡⴰⴷⴷⴰⵢ ⵏⵏⴻⵛ.
‘ⴰⵇⴰ ⵏⴻⵜⵜⴰ ⵡⴰⵔ ⴷⴰⵢⴻⵙ ⴱⵓ ⵍⴻⴼⵀⴰⵎⴻⵜ.’ ◼1:7 ⴰⵇⴰ ⵏⴻⵜⵜⴰ ⵡⴰⵔ ⴷⴰⵢⴻⵙ ⴱⵓ ⵍⴻⴼⵀⴰⵎⴻⵜ-ⴰⵡⴰⵍ-ⴰ ⵉⵙⵙⴰⵡⴰⵍ ⵅ ⵉⴷⵓⵎ. ⵡⴰⵅⵅⴰ ⴰⵟⵟⴰⵙ ⵀⴻⵊⵎⴻⵏ ⵅ ⵉⴷⵓⵎ ⵎⴰⵃⴻⵏⴷ ⴰⴷ ⵥⵥⴰⵢⴻⵙ ⴽⴻⵛⵛⴹⴻⵏ ⴰⵎ ⵜ ⵛⴻⵎⵜⴻⵏ, ⵡⴰⵅⵅⴰ ⴰⵎⴻⵏⵏⵉ ⵉⴷⵓⵎ ⵡⴰⵔ ⵖⴰⵔⴻⵙ ⴱⵓ ⵍⴻⴼⵀⴰⵎⴻⵜ. ◘1:7 ⵉⵥⵀⴷ. 41:10, ⵢⵃ. 13:18
8 ⵎⴰ ⵡⴰⵔ ⵉⵜⵜⵉⵍⵉ ⴷⴻⴳ ⵡⴰⵙⵙ ⵏⵏⵉ, ⵉⵇⵇⴰⵔ ⵙⵉⴷⵉ,
ⴰⵇⴰ ⵏⴻⵛⵛ ⴰⴷ ⴰⵔⴻⴷⴷⴵⴻⵖ ⵉⵎⵉⵖⵉⵙⴻⵏ ⵣⵉ ⵉⴷⵓⵎ,
ⵓ ⵍⴻⴼⵀⴰⵎⴻⵜ ⵣⴻⴳ ⵉⴷⵓⵔⴰⵔ ⵏ ⵄⵉⵙⵓ? ◘1:8 ⵉⵛⴰ. 29:11, 14; ⵉⵔⵎ. 49:7
9 ⴰⵢⵜ ⵏ ⴱⵓ-ⵜⴻⵖⵔⵓⴹⵜ ⵏⵏⴻⵛ ⴰⴷ ⵜⵜⵡⴰⵃⵚⴰⵔⴻⵏ
ⵣⵉ ⵜⵉⴳⴳⵯⵓⴷⵉ, ⴰ ⵜⴰⵢⵎⴰⵏ,
ⵃⵉⵎⴰ ⴽⵓⵍ ⵉⵊⵊⴻⵏ ⵣⴻⴳ ⵉⴷⵓⵔⴰⵔ ⵏ ⵄⵉⵙⵓ
ⴰⴷ ⵉⵜⵜⵡⴰⵇⴹⴻⵄ ⵙ ⵡⴻⵏⵖⴰⵢ.” ◘1:9 ⵄⴰⵎ. 2:14, 16
10 “ⵣⵉ ⵙⵙⵉⴱⴱⴻⵜ ⵏ ⵍⵄⵓⵏⴼ ⵅ ⵓⵎⴰⵛ ⵢⴰⵄⵇⵓⴱ,
ⴰⴷ ⵛⴻⴽ ⵜⴷⴻⵍ ⵍⴻⴼⴹⵉⵃⴻⵜ,
ⵓ ⴰⴷ ⵜᵉⵜⵜⵡⴰⴽⴽⵙⴻⴷ ⵉ ⵍⴻⴱⴷⴰ. ◘1:10 ⴰⵎⵥ. 27:41; ⵃⵉⵥ. 35:5; ⵄⴰⵎ. 1:11
11 ⴷⴻⴳ ⵡⴰⵙⵙ ⵉ ⴷⵉ ⵜⵓⵖⴰ ⵅⴰⵙ ⵜⴱⴻⴷⴷⴻⴷ,
ⴷⴻⴳ ⵡⴰⵙⵙ ⵉ ⴷⵉ ⵉⴱⴰⵔⵔⴰⵏⵉⵢⵢⴻⵏ ⵉⵡⵢⴻⵏ-ⴷⴷ ⴰⴳⵍⴰ ⵏⵏⴻⵙ
ⵓ ⵓⴷⴼⴻⵏ ⵍⴱⴰⵔⵔⴰⵏⵉ ⵖⴰⵔ ⵜⴻⵡⵡⵓⵔⴰ ⵏⵏⴻⵙ,
ⵓ ⵏⴹⴰⵔⴻⵏ ⵜⴰⵇⴻⴷⴷⵓⵃⵜ ⵅ ⵓⵔⵛⴰⵍⵉⵎ,
ⵜⵓⵖⴰ ⵛⴻⴽ ⴰⵎ ⵢⵉⵊⵊⴻⵏ ⵣⵣⴰⵢⵙⴻⵏ. ◘1:11 ⵉⵥⵀⴷ. 137:7
12 ⵎⴰⵛⴰ ⵡⴰⵔ ⴷ ⴰⵛ ⵉⵄⴻⴷⴷⴻⵍ ⴰⴷ ⵜⴻⵇⵇⵉⵎⴻⴷ ⵜⵅⴻⵣⵣⴰⵔⴻⴷ
ⴷⴻⴳ ⵡⴰⵙⵙ ⵏ ⵓⵎⴰⵛ,
ⴷⴻⴳ ⵡⴰⵙⵙ ⵏ ⵡⴻⵛⵜⴰⴱ ⵏⵏⴻⵙ ⴰⴱⴰⵔⵛⴰⵏ,
ⵡⴰⵔ ⴷ ⴰⵛ ⵉⵄⴻⴷⴷⴻⵍ ⴰⴷ ⵜⴼⴰⵔⵃⴻⴷ ⵅ ⵉⵃⴻⵏⵊⵉⵔⴻⵏ ⵏ ⵢⴰⵀⵓⴷⴰ,
ⴷⴻⴳ ⵡⴰⵙⵙ ⵏ ⵡⴰⵔⴻⴷⴷⴻⴵ ⵏⵙⴻⵏ
ⵓ ⵡⴰⵔ ⴷ ⴰⵛ ⵉⵄⴻⴷⴷⴻⵍ ⴰⴷ ⵜⴰⵔⴻⵣⵎⴻⴷ ⴰⵇⴻⵎⵎⵓⵎ ⵏⵏⴻⵛ ⴰⵟⵟⴰⵙ
ⴷⴻⴳ ⵡⴰⵙⵙ ⵏ ⵍⴻⵃⵚⴰⵔⴻⵜ ⵏⵙⴻⵏ.
13 ⵡⴰⵔ ⵉⵄⴻⴷⴷⴻⵍ ⴰⴷ ⵜⴰⴷⴼⴻⴷ ⵖⴰⵔ ⵜⴻⵡⵡⴰⵔⵜ ⵏ ⵍⴳⴻⵏⵙ ⵉⵏⵓ
ⴷⴻⴳ ⵡⴰⵙⵙ ⵏ ⵓⵀⴻⵍⵍⴻⴽ ⵏⵙⴻⵏ
ⵡⴰⵔ ⴷ ⴰⵛ ⵉⵄⴻⴷⴷⴻⵍ ⴰⴷ ⵜⴻⵇⵇⵉⵎⴻⴷ ⵜⵅⴻⵣⵣⴰⵔⴻⴷ ⵄⴰⵡⴻⴷ
ⴷⴻⴳ ⵡⴰⵙⵙ ⵏ ⵓⴹⴻⵢⵢⴻⵄ ⵏⵙⴻⵏ
ⵓ ⵡⴰⵔ ⴷ ⴰⵛ ⵉⵄⴻⴷⴷⴻⵍ ⴰⴷ ⵜⴻⵇⵇⵉⵎⴻⴷ ⵜⴻⵙⵙⵡⵉⵥⵥⴹⴻⴷ
ⵉⴼⴰⵙⵙⴻⵏ ⵏⵏⴻⵛ ⵖⴰⵔ ⵡⴰⴳⵍⴰ ⵏⵏⴻⵙ
ⴷⴻⴳ ⵡⴰⵙⵙ ⵏ ⵓⴹⴻⵢⵢⴻⵄ ⵏⵏⴻⵙ,
14 ⵡⴰⵔ ⴷ ⴰⵛ ⵉⵄⴻⴷⴷⴻⵍ ⴰⴷ ⵜⴱⴻⴷⴷⴻⴷ
ⵖⴰⵔ ⵎⴰⵏⵉ ⵜⵜⵎⴻⵍⵇⴰⵏ ⵉⴱⵔⵉⴷⴻⵏ,
ⵎⴰⵃⴻⵏⴷ ⴰⴷ ⵜᵉⵜⵜⴻⵃⵃⵉⴷ ⵉⵏⵏⵉ ⵉⵏⴻⵊⵎⴻⵏ
ⵓ ⵡⴰⵔ ⴷ ⴰⵛ ⵉⵄⴻⴷⴷⴻⵍ
ⴰⴷ ⵜⵙⴻⵍⵍⵎⴻⴷ ⵉⵏⵏⵉ ⵜⵓⵖⴰ ⵢⴰⵔⴻⵡⵍⴻⵏ
ⴷⴻⴳ ⵡⴰⵙⵙ ⵏ ⵍⴻⵃⵚⴰⵔⴻⵜ.”
15 “ⵎⴰⵖⴰⵔ ⵢⵓⴷⴻⵙ-ⴷⴷ ⴰⵙⵙ ⵏ ⵙⵉⴷⵉ
ⵅ ⵎⴰⵔⵔⴰ ⵍⴻⴳⵏⵓⵙ!
ⴰⵎ ⵜⴻⴳⴳⵉⴷ ⵛⴻⴽ, ⴰⴷ ⵣⵣⴰⵢⴻⴽ ⵉⵜⵜⵡⴰⴳⴳ,
ⴰⵅⴻⴵⴻⵚ ⵏⵏⴻⵛ ⴰⴷ ⴷⴷ-ⵉⴷⵡⴻⵍ ⵅ ⵓⵣⴻⴵⵉⴼ ⵏⵏⴻⵛ. ◘1:15 ⵃⵉⵥ. 35:15
16 ⵎⴰⵖⴰⵔ ⴰⵎ ⵎⴰⵎⵎⴻⵛ ⵜⴻⵙⵡⵉⵎ ⴽⴻⵏⵏⵉⵡ
ⵅ ⵡⴻⴷⵔⴰⵔ ⵉⵏⵓ ⵉⵇⴻⴷⴷⵙⴻⵏ,
ⴰⵎⵎⵓ ⴰⴷ ⵙⵡⴻⵏ ⵎⴰⵔⵔⴰ ⵍⴻⴳⵏⵓⵙ ⵍⴻⴱⴷⴰ,
ⵡⴰⵀ, ⴰⴷ ⵙⵡⴻⵏ ⴰⴷ ⵙⴻⴽⴽⴼⴻⵏ,
ⴰⴷ ⴷⴻⵡⵍⴻⵏ ⴰⵅⵎⵉ ⵄⴻⵎⵎⴰⵔⵚ ⵡⴰⵔ ⵜⵓⵖⴰ ⴵⴰⵏ.
17 ⵎⴰⵛⴰ ⵅ ⵡⴻⴷⵔⴰⵔ ⵏ ⵚⵉⵀⵢⵓⵏ
ⴰⴷ ⵢⵉⵍⵉ ⵎⵉⵏ ⵉⵏⵏⴻⵊⵎⴻⵏ,
ⵓ ⵡⴰⵏⵉⵜⴰ ⴰⴷ ⵢⵉⵍⵉ ⴷ ⴰⵎⵇⴻⴷⴷⴻⵙ,
ⵓ ⵉⵏⵏⵉ ⵏ ⵜⴰⴷⴷⴰⵔⵜ ⵏ ⵢⴰⵄⵇⵓⴱ
ⴰⴷ ⵟⵟⴼⴻⵏ ⵜⵉⵙⴻⵇⵇⴰⵍ ⵏ ⵍⵡⴰⵔⵜ ⵏⵙⴻⵏ. ◘1:17 ⵢⵓⵡ. 3:5
18 ⵜⴰⴷⴷⴰⵔⵜ ⵏ ⵢⴰⵄⵇⵓⴱ ⴰⴷ ⵜⵉⵍⵉ ⴷ ⵜⵉⵎⴻⵙⵙⵉ,
ⵓ ⵜⴰⴷⴷⴰⵔⵜ ⵏ ⵢⵓⵙⵓⴼ ⴷ ⴰⵛⴻⵄⵄⴰⵍ,
ⵓⵛⴰ ⵜⴰⴷⴷⴰⵔⵜ ⵏ ⵄⵉⵙⵓ ⴰⴷ ⵜⵉⵍⵉ ⴰⵎ ⵢⵉⵖⴻⴵ
ⵓ ⵏⵉⵜⵏⵉ ⴰⴷ ⴰⵙⴻⵏ ⵙⵙⵛⴻⵎⴹⴻⵏ
ⵓ ⴰⴷ ⵜⴻⵏ ⵛⵛⴻⵏ,
ⴰⵍⴰⵎⵉ ⵡⴰⵔ ⵉⵇⵇⵉⵎ
ⵓⵍⴰ ⴷ ⵉⵊⵊ ⵉⴷⴷⴰⵔ ⴷⵉ ⵜⴰⴷⴷⴰⵔⵜ ⵏ ⵄⵉⵙⵓ,
ⵎⴰⵖⴰⵔ ⵙⵉⴷⵉ ⴰⵇⴰ ⵉⵙⵙⵉⵡⴻⵍ.”
19 “ⵉⵏⵏⵉ ⵏ ⵜⴻⵎⵎⵓⵔⵜ ⵏ ⵍⵊⴰⵏⵓⴱ
ⴰⴷ ⵟⵟⴼⴻⵏ ⵉⴷⵓⵔⴰⵔ ⵏ ⵄⵉⵙⵓ ⴷ ⵜⴰⵙⵖⴰⵔⵜ,
ⵓ ⵢⵉⵏⵏⵉ ⵏ ⵜⴻⵎⵎⵓⵔⵜ ⵉⵡⴰⵟⴰⵏ
ⴰⴷ ⵟⵟⴼⴻⵏ ⵜⴰⵎⵎⵓⵔⵜ ⵏ ⵉⴼⵉⵍⵉⵙⵟⵉⵏⵉⵢⵢⴻⵏ ⴷ ⵍⵡⴰⵔⵜ
ⵡⴰⵀ, ⵏⵉⵜⵏⵉ ⴰⴷ ⵟⵟⴼⴻⵏ ⵉⵢⵢⴰⵔ ⵏ ⵉⴼⵔⴰⵢⵉⵎ
ⴷ ⵢⴻⵢⵢⴰⵔ ⵏ ⵙⴰⵎⴰⵔⵢⴰ ⴷ ⵍⵡⴰⵔⵜ,
ⵓ ⴱⵉⵏⵢⴰⵎⵉⵏ ⴰⴷ ⵉⵟⵟⴻⴼ ⵊⵉⵍⵄⴰⴷ ⴷ ⵍⵡⴰⵔⵜ,
20 ⵓ ⵉⵎⴻⵏⴼⵉⵢⵢⴻⵏ ⵣⵉ ⵍⵄⴻⵙⴽⴰⵔ-ⴰ
ⵉⵏⵏⵉ ⵉⴵⴰⵏ ⵖⴰⵔ ⴰⵢⵜ ⵏ ⵉⵙⵔⴰⵉⵍ
ⴰⴷ ⵟⵟⴼⴻⵏ ⵜⴰⵎⵎⵓⵔⵜ ⵏ ⴰⵢⵜ ⵏ ⴽⴻⵏⵄⴰⵏ
ⴷ ⵍⵡⴰⵔⵜ ⴰⵍ ⵚⴰⵔⴼⴰⵜ,
ⵓ ⵉⵎⴻⵏⴼⵉⵢⵢⴻⵏ ⵣⵉ ⵓⵔⵛⴰⵍⵉⵎ
ⵏⵏⵉ ⵉⴵⴰⵏ ⴷⵉ ⵚⴰⴼⴰⵔⴰⴷ,
ⴰⴷ ⵟⵟⴼⴻⵏ ⵜⵉⵏⴻⴷⴷⴰⵎ
ⵏ ⵜⴻⵎⵎⵓⵔⵜ ⵏ ⵍⵊⴰⵏⵓⴱ ⴷ ⵍⵡⴰⵔⵜ. ◼1:20 ⵚⴰⴼⴰⵔⴰⴷ-ⴰⴷ ⵜⴰⵖ ⵚⴰⴼⴰⵔⴰⴷ ⴷ ⵉⵊⵊ ⵏ ⵢⵉⵙⴻⵎ ⵏⵏⴻⵖⵏⵉ ⵉ ⵜⴻⵎⵎⵓⵔⵜ ⵏ ⵙⵙⴱⴰⵏⵢⴰ.
21 ⵉⵎⵙⴻⵍⵍⴽⴻⵏ ⴰⴷ ⴳⴻⵄⵄⴷⴻⵏ ⴰⴷⵔⴰⵔ ⵏ ⵚⵉⵀⵢⵓⵏ,
ⵃⵉⵎⴰ ⴰⴷ ⵃⴰⴽⵎⴻⵏ ⴰⴷⵔⴰⵔ ⵏ ⵄⵉⵙⵓ,
ⵓⵛⴰ ⵜⴰⴳⴻⵍⴷⴰ ⴰⴷ ⵜⵉⵍⵉ ⵏ ⵙⵉⴷⵉ.”
◘1:1 1:1 ⵉⵔⵎ. 49:14
◘1:2 1:2 ⵉⵔⵎ. 49:15
◘1:3 1:3 ⵉⵔⵎ. 49:16
◘1:4 1:4 ⵍⵅⵍ. 24:21, ⴰⵢⵓⴱ 39:27-29, ⵉⵔⵎ. 49:16
◼1:7 1:7 ⴰⵇⴰ ⵏⴻⵜⵜⴰ ⵡⴰⵔ ⴷⴰⵢⴻⵙ ⴱⵓ ⵍⴻⴼⵀⴰⵎⴻⵜ-ⴰⵡⴰⵍ-ⴰ ⵉⵙⵙⴰⵡⴰⵍ ⵅ ⵉⴷⵓⵎ. ⵡⴰⵅⵅⴰ ⴰⵟⵟⴰⵙ ⵀⴻⵊⵎⴻⵏ ⵅ ⵉⴷⵓⵎ ⵎⴰⵃⴻⵏⴷ ⴰⴷ ⵥⵥⴰⵢⴻⵙ ⴽⴻⵛⵛⴹⴻⵏ ⴰⵎ ⵜ ⵛⴻⵎⵜⴻⵏ, ⵡⴰⵅⵅⴰ ⴰⵎⴻⵏⵏⵉ ⵉⴷⵓⵎ ⵡⴰⵔ ⵖⴰⵔⴻⵙ ⴱⵓ ⵍⴻⴼⵀⴰⵎⴻⵜ.
◘1:7 1:7 ⵉⵥⵀⴷ. 41:10, ⵢⵃ. 13:18
◘1:8 1:8 ⵉⵛⴰ. 29:11, 14; ⵉⵔⵎ. 49:7
◘1:9 1:9 ⵄⴰⵎ. 2:14, 16
◘1:10 1:10 ⴰⵎⵥ. 27:41; ⵃⵉⵥ. 35:5; ⵄⴰⵎ. 1:11
◘1:11 1:11 ⵉⵥⵀⴷ. 137:7
◘1:15 1:15 ⵃⵉⵥ. 35:15
◼1:20 1:20 ⵚⴰⴼⴰⵔⴰⴷ-ⴰⴷ ⵜⴰⵖ ⵚⴰⴼⴰⵔⴰⴷ ⴷ ⵉⵊⵊ ⵏ ⵢⵉⵙⴻⵎ ⵏⵏⴻⵖⵏⵉ ⵉ ⵜⴻⵎⵎⵓⵔⵜ ⵏ ⵙⵙⴱⴰⵏⵢⴰ.