1 ⴰⵣⴻⵀⵀⴻⴷ ⵏ ⴰⵙⴰⴼ.

ⴰⵔⴻⴱⴱⵉ ⵉⴱⴻⴷⴷ ⴷⵉ ⵜⵎⴻⵙⵎⵓⵏⵜ ⵏ ⴰⵔⴻⴱⴱⵉ.

ⵏⴻⵜⵜⴰ ⵉⵃⴻⴽⴽⴻⵎ ⵙ ⵍⵃⴻⵇⵇ

ⴷⵉ ⵍⵡⴻⵙⵜ ⵏ ⵉⵔⴻⴱⴱⵉⵜⴻⵏ.

2 ⵎⴻⵛⵃⴰⵍ ⵉ ⵖⴰ ⵜⴻⴽⴽⴻⵎ

ⵜⵃⴻⴽⴽⵎⴻⵎ ⵙ ⵍⵖⴻⵛⵛ,

ⴰⴷ ⵜⴻⵙⵙⴳⴻⵄⵄⴷⴻⵎ ⵓⴷⴻⵎ ⵏ ⵉⵄⴻⴼⴼⴰⵏⴻⵏ?

ⵙⵉⵍⴰⵀ.

3 ⵃⴻⴽⵎⴻⵎ ⵙ ⵍⵃⴻⵇⵇ ⵅ ⵓⵎⴰⵔⵅⵓ

ⵓ ⵅ ⵓⵢⵓⵊⵉⵍ,

ⴰⵖⴻⵎ ⵜⴰⵙⵖⴰⵔⵜ ⵉ ⵡⴻⵏⵏⵉ ⵉⵜⵜⵡⴰⵃⴻⵚⵚⴰⵔⴻⵏ

ⵓ ⵉ ⵓⵎⴻⵣⵍⵓⴹ.

4 ⴼⴻⴽⴽⴻⵎ ⴰⵎⴰⵔⵅⵓ ⴷ ⵓⵎⴻⵣⵍⵓⴹ,

ⴼⴻⴽⴽ ⵉ-ⵜ ⵣⴻⴳ ⵓⴼⵓⵙ ⵏ ⵉⵄⴻⴼⴼⴰⵏⴻⵏ. ◘82:4 ⴰⵡⵍⵏ. 24:11

5 ⵏⵉⵜⵏⵉ ⵡⴰⵔ ⵜⵜⴻⵙⵙⵏⴻⵏ ⵓ ⵡⴰⵔ ⴼⴻⵀⵀⵎⴻⵏ,

ⴳⴳⵓⵔⴻⵏ ⵜⵜⴻⵏⵏⴹⴻⵏ ⴷⵉ ⵜⴰⴵⴻⵙⵜ,

ⵎⴰⵔⵔⴰ ⴷⵙⵓⵙⴰ ⵏ ⵜⴻⵎⵎⵓⵔⵜ ⵜⵜⴻⵏⵀⴻⵣⵣⴰⵏ.

6 ⵏⴻⵛⵛ ⵏⵏⵉⵖ: “ⴽⴻⵏⵏⵉⵡ ⴷ ⵉⵔⴻⴱⴱⵉⵜⴻⵏ,

ⴽⴻⵏⵏⵉⵡ ⵎⴰⵔⵔⴰ ⴷ ⵉⵃⴻⵏⵊⵉⵔⴻⵏ

ⵏ ⵓⵎⵄⵓⴵⵉ ⵅ ⴽⵓⵍⵛⵉ!” ◘82:6 ⵢⵃ. 10:34-36

7 ⵄⴰⴷ ⴰⴷ ⵜⴻⵎⵜⴻⵎ ⴰⵎ ⴽⵓⵍ ⴱⵏⴰⴷⴻⵎ,

ⴰⴷ ⵜⴻⵡⴹⴰⵎ ⴰⵎ ⴽⵓⵍ ⵉⵊⵊⴻⵏ ⵣⵉ ⵍⵃⵓⴽⴽⴰⵎ.

8 ⴽⴽⴰⵔ, ⴰ ⴰⵔⴻⴱⴱⵉ, ⵃⴽⴻⵎ ⵅ ⵜⴻⵎⵎⵓⵔⵜ,

ⵎⵉⵏⵣⵉ ⵛⴻⴽ ⴰⴷ ⵜᵉⵟⵟⴼⴻⴷ ⵜⴰⵙⵖⴰⵔⵜ ⵏⵏⴻⵛ

ⵣⵉ ⵎⴰⵔⵔⴰ ⵍⴻⴳⵏⵓⵙ. ◘82:8 ⵉⵥⵀⴷ. 2:8; ⵄⴱⵔ. 1:2