2
1 ⵎⴰⵢⴻⵎⵎⵉ ⵜⵜⵀⴰⵊⴻⵏ ⵍⴻⴳⵏⵓⵙ,
ⵜⵜⵅⴰⵔⵔⵉⵚⴻⵏ ⵛⵛⵓⵄⵓⴱ ⴷⵉ ⵍⴱⴰⵟⴻⵔ? ◘2:1 ⵍⴻⵅ. 4:25
2 ⴽⴽⴰⵔⴻⵏ ⵉⵊⴻⴵⵉⴷⴻⵏ ⵏ ⵜⴻⵎⵎⵓⵔⵜ,
ⴰⵢⵜ ⵏ ⴱⵓ-ⵚⵚⵓⵍⵟⴰ ⵎⵛⴰⵡⴰⵔⴻⵏ
ⴹⵉⴷⴷ ⵉ ⵙⵉⴷⵉ ⵓ ⴹⵉⴷⴷ ⵉ ⵍⵎⴰⵙⵉⵃ ⵏⵏⴻⵙ:
3 ‘ⴻⵊⵊ ⴰⵏⴻⵖ ⴰⴷ ⵏⵇⴻⵙⵙ ⵉⵛⴻⴷⴷⵉⵢⵢⴻⵏ ⵏⵙⴻⵏ,
ⴰⴷ ⵅⴰⵏⴻⵖ ⵏⴻⵙⵙⴱⴻⵄⵄⴻⴷ ⵜⵉⵙⴻⵖⵡⵉⵏ ⵏⵙⴻⵏ!’
4 ⵡⴻⵏⵏⵉ ⵉⵣⴻⴷⴷⵖⴻⵏ ⴷⴻⴳ ⵓⵊⴻⵏⵏⴰ ⵉⴹⴻⵃⵃⴻⵛ,
ⵙⵉⴷⵉ ⵉⵏⵓ ⴰⴷ ⵣⵣⴰⵢⵙⴻⵏ ⵉⵙⵙⵜⴻⵀⵣⴰ.
5 ⵅⴻⵏⵏⵉ ⴰⴷ ⴽⵉⴷⵙⴻⵏ ⵉⵙⵙⵉⵡⴻⵍ ⵙ ⵡⴻⵖⴹⴰⴱ ⵏⵏⴻⵙ,
ⵙ ⵍⵃⴰⴷⵓⵇ ⵏ ⵡⴻⵖⴹⴰⴱ ⵏⵏⴻⵙ ⴰⴷ ⵜⴻⵏ ⵉⵙⵙⵉⴳⴳⵯⴻⴷ.
6 “ⵏⴻⵛⵛ ⴰⵇⴰ ⴷⴻⵀⵏⴻⵖ ⴰⵊⴻⴵⵉⴷ ⵉⵏⵓ,
ⵅ ⵚⵉⵀⵢⵓⵏ, ⴰⴷⵔⴰⵔ ⵉⵏⵓ ⵉⵇⴻⴷⴷⵙⴻⵏ!”
7 ⵏⴻⵛⵛ ⴰⴷ ⴱⴰⵔⵔⵃⴻⵖ ⵜⵉⴽⴽⴻⵙⵜ ⵏ ⵡⴰⵡⴰⵍ!
ⵙⵉⴷⵉ ⵉⵏⵏⴰ ⴰⵢⵉ:
“ⵛⴻⴽ ⴷ ⵎⵎⵉ, ⴰⵙⵙ-ⴰ ⵊⵊⵉⵖ-ⴷⴷ ⵛⴻⴽ! ◘2:7 ⵍⴻⵅ. 13:33; ⵄⴱⵔ. 1:5; 5:5
8 ⵜⵜⴰⵔ ⵣⵣⴰⵢⵉ
ⵓ ⵏⴻⵛⵛ ⴰⴷ ⴰⵛ ⵡⵛⴻⵖ ⵍⴻⴳⵏⵓⵙ ⴷ ⵍⵡⴰⵔⵜ,
ⵜⵉⵏⴻⴳⴳⵓⵔⴰ ⵏ ⵜⴻⵎⵎⵓⵔⵜ
ⴰⴷ ⵖⴰⵔⴻⴽ ⵉⵍⵉⵏⵜ
ⴷ ⴰⴳⵍⴰ ⵉ ⵛⴻⴽ. ◘2:8 ⵉⵥⵀⴷ. 22:28; 72:8
9 ⴰⴷ ⵜⴻⵏ ⵜⵍⴻⴱⵣⴻⴷ ⵙ ⵢⵉⵊⵊ ⵏ ⵡⴻⵇⴹⵉⴱ ⵏ ⵡⵓⵣⵣⴰⵍ,
ⴰⴷ ⵜⴻⵏ ⵜⴰⵔⵥⵉⴷ ⴷ ⵜⴰⵔⴻⵥⵥⵉⵜ
ⴰⵎ ⵢⵉⵊⵊ ⵏ ⵓⵖⴰⵔⵔⴰⴼ ⵏ ⵜⵍⴰⵅⵜ.”◘2:9 ⴰⵙⴰ. 2:27; 19:15
10 ⵍⴻⵅⵅⵓ ⵅⴻⵏⵏⵉ, ⴰ ⵉⵊⴻⴵⵉⴷⴻⵏ,
ⵉⵍⵉⵎ ⴷ ⵉⴼⴻⵀⵀⴰⵎⴻⵏ,
ⵜⴻⴱⴱⵜⴻⵎ ⵉⵅⴻⴼ ⵏⵡⴻⵎ,
ⴰ ⵍⵇⵓⴹⴰⵜ ⵏ ⵜⴻⵎⵎⵓⵔⵜ! ◼2:10 ⵍⵇⵓⴹⴰⵜ-ⵏⵉⵖ ‘ⵉⵎⴻⵥⵓⵔⴼⴰ’.
11 ⵙⴻⵅⵅⴰⵔⴻⵎ ⵉ ⵙⵉⴷⵉ ⵙ ⵜⴻⴳⴳⵯⵓⴷⵉ,
ⴼⴰⵔⵃⴻⵎ ⵙ ⵜⴰⵔⵊⵉⵊⴻⵜ.
12 ⵙⵓⴷⵎⴻⵎ ⵎⵎⵉⵙ, ⵃⵉⵎⴰ ⵏⴻⵜⵜⴰ ⵡⴰⵔ ⵉⵙⴻⵄⵄⴰⵔ
ⵓ ⴰⴷ ⵜᵉⵜⵜⵡⴰⵀⴻⵍⵍⴽⴻⵎ ⴷⴻⴳ ⵡⴻⴱⵔⵉⴷ,
ⵡⴰⵅⵅⴰ ⵉⵜⵜⵡⴰⵙⵙⴰⵔⵖ ⵡⴻⵖⴹⴰⴱ ⵏⵏⴻⵙ
ⵎⵖⵉⵔ ⴷⵔⵓⵙ ⵡⴰⵀⴰ.
ⵙⵙⴻⵄⴷ ⵏⵙⴻⵏ ⵉ ⵢⵉⵏⵏⵉ ⵖⴰⵔⴻⵙ ⵢⴰⵔⴻⴽⴽⵡⴰⵍⴻⵏ. ◘2:12 ⵉⵥⵀⴷ. 34:9; ⴰⵡⵍⵏ. 16:20; ⵉⵛⴰ. 30:18; ⵉⵔⵎ. 17:7; ⵔⵓⵎ. 9:33; 10:11; 1 ⴱⵟ. 2:6
◘2:7 2:7 ⵍⴻⵅ. 13:33; ⵄⴱⵔ. 1:5; 5:5
◘2:8 2:8 ⵉⵥⵀⴷ. 22:28; 72:8
◼2:10 2:10 ⵍⵇⵓⴹⴰⵜ-ⵏⵉⵖ ‘ⵉⵎⴻⵥⵓⵔⴼⴰ’.
◘2:12 2:12 ⵉⵥⵀⴷ. 34:9; ⴰⵡⵍⵏ. 16:20; ⵉⵛⴰ. 30:18; ⵉⵔⵎ. 17:7; ⵔⵓⵎ. 9:33; 10:11; 1 ⴱⵟ. 2:6